വായന പക്ഷാചരണം

ചെറുതുരുത്തി: ചെറുതുരുത്തി വായനശാലയിൽ വായന പക്ഷാചരണവും പി.എൻ. പണിക്കർ അനുസ്മരണ സെമിനാറും സംഘടിപ്പിച്ചു. കലാമണ്ഡലം കഥകളി വിഭാഗം മേധാവി കലാമണ്ഡലം രവികുമാർ ഉദ്ഘാടനം ചെയ്തു. വായനശാല സെക്രട്ടറി കെ. മോഹൻദാസ് അധ്യക്ഷത വഹിച്ചു. തലപ്പിള്ളി താലൂക്ക് ലൈബ്രറി കൗൺസിൽ നിർവാഹക സമിതി അംഗം കെ.എ. നന്ദഗോപൻ പി.എൻ. പണിക്കർ അനുസ്മരണ പ്രഭാഷണം നടത്തി. ടി.യു. പ്രസന്ന, എസ്.എൻ. രാജീവ്, കെ.കെ. വിജയകുമാർ, കെ.വി. അഖില, ടി.എൻ. രാധ, സി. രവികുമാർ എന്നിവർ സംസാരിച്ചു.