ദേവസ്വം വായനദിനം

ഗുരുവായൂര്‍: ദേവസ്വം മതഗ്രന്ഥശാല സംഘടിപ്പിച്ച വായനദിനാഘോഷം ദേവസ്വം ചെയര്‍മാന്‍ ഡോ. വി.കെ. വിജയന്‍ ഉദ്ഘാടനം ചെയ്തു. ഭരണസമിതിയംഗം മനോജ് ബി. നായര്‍ അധ്യക്ഷത വഹിച്ചു. സുവർണ നാലപ്പാട്ട് മുഖ്യപ്രഭാഷണം നടത്തി. മാധ്യമപ്രവർത്തകൻ ടി. ബാലകൃഷ്ണൻ, സാഹിത്യകാരന്‍ രാജന്‍ തൂവാര എന്നിവരെ ആദരിച്ചു. കവി രാധാകൃഷ്ണന്‍ കാക്കശേരി, ഭരണസമിതിയംഗം സി. മനോജ്, അഡ്മിനിസ്‌ട്രേറ്റര്‍ കെ.പി. വിനയന്‍, വി.പി. ഉണ്ണികൃഷ്ണന്‍, കെ.ജി. സുരേഷ് എന്നിവര്‍ സംസാരിച്ചു. പി.എച്ച്ഡി ലഭിച്ച ദേവസ്വം ചുവര്‍ച്ചിത്ര പഠനകേന്ദ്രം പ്രിന്‍സിപ്പൽ കെ.യു. കൃഷ്ണകുമാര്‍, കൃഷ്ണനാട്ടം സൂപ്രണ്ട് മുരളി പുറനാട്ടുകര, ദേവസ്വം ഹെല്‍ത്ത് സൂപ്പര്‍വൈസര്‍ എം.എന്‍. രാജീവ് എന്നിവരെ അനുമോദിച്ചു. വിവിധ മത്സര വിജയികള്‍ക്കും മതഗ്രന്ഥശാലയിലെ മികച്ച വായനക്കാര്‍ക്കും ഉപഹാരം നല്‍കി.