കിസാൻ സമ്മാൻ രജിസ്ട്രേഷൻ

കരുവാരകുണ്ട്: പ്രധാനമന്ത്രി കിസാൻ സമ്മാൻ നിധി ഗുണഭോക്താക്കൾ തുടർന്നും ആനുകൂല്യം ലഭിക്കുന്നതിന് ഈ മാസം 30നകം ഇ.കെ.വൈ.സി, ലാൻഡ് വെരിഫിക്കേഷൻ എന്നിവ നടത്തണം. പുതിയ നികുതി രസീത്​, ആധാർ, ബാങ്ക് പാസ്ബുക്ക്, റേഷൻ കാർഡ്, പദ്ധതിക്ക്​ നൽകിയ നമ്പറിലുള്ള ഫോൺ എന്നിവ സഹിതം ഓൺലൈൻ രജിസ്ട്രേഷൻ നടത്തണം. ഓൺലൈൻ വഴിയല്ലാതെ നികുതി അടക്കുന്ന ഗുണഭോക്താക്കൾക്ക് സർക്കാറിൽനിന്നുള്ള തീരുമാനം വന്ന ശേഷമേ ലാൻഡ് വെരിഫിക്കേഷൻ നടത്താൻ കഴിയൂവെന്ന് കൃഷി ഓഫിസർ അറിയിച്ചു.