തെരുവുനായ് ശല്യം: നഗരസഭ ഓഫിസിന്​ മുന്നിൽ ഉപരോധസമരം

കുന്നംകുളം: തെരുവുനായ്ക്കളുടെ ആക്രമണങ്ങളിൽ നിരവധി പേർക്ക് പരിക്കേറ്റ സാഹചര്യത്തിൽ നഗരസഭയുടെ അടിയന്തര ഇടപെടലുകൾ ഉണ്ടാകണമെന്നാവശ്യപ്പെട്ട് കോൺഗ്രസ് കൗൺസിലർമാർ നഗരസഭ ഓഫിസിന്​ മുന്നിൽ ഉപരോധസമരം സംഘടിപ്പിച്ചു. തെരുവുനായ്​ക്കളുടെ ആക്രമണങ്ങളിൽ പരിക്കേറ്റവർക്ക് അടിയന്തര ധനസഹായം നൽകുക, മെഡിക്കൽ കോളജിലേക്ക് സൗജന്യ യാത്രസൗകര്യം ഒരുക്കിനൽകുക തുടങ്ങിയ ആവശ്യങ്ങൾ ഉന്നയിച്ചായിരുന്നു ഉപരോധസമരം. കൗൺസിലർമാരായ ബിജു സി. ബേബി, ഷാജി ആലിക്കൽ, ലെബീബ് ഹസ്സൻ, മിനി മോൺസി എന്നിവർ പങ്കെടുത്തു. tcckkm 4 കുന്നംകുളം നഗരസഭ ഓഫിസിന്​ മുന്നിൽ കോൺഗ്രസ് അംഗങ്ങളുടെ പ്രതിഷേധം