സ്കൂൾ പാർലമെൻറ് തെരഞ്ഞെടുപ്പ്

സ്കൂൾ പാർലമൻെറ് തെരഞ്ഞെടുപ്പ് വേങ്ങര: നൂതന സാങ്കേതികവിദ്യയുടെ സഹായത്തോടെ തികച്ചും ജനാധിപത്യ രീതിയിൽ പുതിയത്ത് പുറായ എ.എം.എൽ.പി സ്കൂളിൽ നടന്ന ലീഡർ തെരഞ്ഞെടുപ്പ് ശ്രദ്ധേയമായി. വിദ്യാലയത്തിൽ ഒരുക്കിയ പോളിങ്​ ബൂത്തിൽ വിദ്യാർഥികൾതന്നെ പോളിങ്​ ഓഫിസർമാരായി. എട്ട്​ സ്ഥാനാർഥികളാണ് മത്സരത്തിനിറങ്ങിയത്. ഏറ്റവും കൂടുതൽ വോട്ടുനേടി പി.സി. മുഹമ്മദ് അർഷിദ് സ്കൂൾ ലീഡർ ആയി തെരഞ്ഞെടുക്കപ്പെട്ടു. കെ.സി. ഫാത്തിമ റൈഹ ഡെപ്യൂട്ടി ലീഡറായി. ഹെഡ്മാസ്റ്റർ കെ. അബ്ദുൽ മജീദ്, അധ്യാപകരായ കെ.ടി. സഫ്​വാൻ, ഷക്കീല തസ്നി, യു.പി. മുനീർ, വി.പി. വിപിൻ, എ. അഹമ്മദ്, എം.പി. അബ്ദുൽ അസീസ് എന്നിവർ തെരഞ്ഞെടുപ്പിന് നേതൃത്വം നൽകി. പടം : mt vngr vote പുതിയത്ത് പുറായ എ.എം.എൽ.പി സ്കൂളിൽ നടന്ന ലീഡർ തെരഞ്ഞെടുപ്പ്