'നാളികേര കർഷകരെ സംരക്ഷിക്കണം'

തിരൂരങ്ങാടി: സംസ്ഥാന സർക്കാർ നിർദേശിച്ച വിലയിൽ പച്ചത്തേങ്ങ സംഭരിച്ച് നാളികേര കർഷകരെ സംരക്ഷിക്കാൻ നടപടിയെടുക്കണമെന്ന് കർഷകസംഘം തിരൂരങ്ങാടി വില്ലേജ് കമ്മിറ്റി ആവശ്യപ്പെട്ടു. ഏരിയ ജോയന്‍റ്​ സെക്രട്ടറി എം.പി. ഇസ്മായിൽ ഉദ്ഘാടനം ചെയ്തു. പ്രഫ. പി. മമ്മദ് അധ്യക്ഷത വഹിച്ചു. കെ.എം. അബ്ദുൽ ഗഫൂർ, ഷാഫി മക്കാനിയത്ത് എന്നിവർ സംസാരിച്ചു.