മുഖ്യമന്ത്രിക്കെതിരെ കറുപ്പണിഞ്ഞ്​ യൂത്ത് ലീഗ് പ്രകടനം

പെരിന്തൽമണ്ണ: മുഖ്യമന്ത്രി പിണറായി വിജയൻ പങ്കെടുക്കുന്ന പരിപാടികളിൽ മാധ്യമപ്രവർത്തകരും ജനങ്ങളും കറുത്ത മാസ്കും കറുത്ത വസ്ത്രവും ധരിക്കുന്നത് വിലക്കിക്കൊണ്ടുള്ള പൊലീസ്​ നടപടിക്കെതിരെ പെരിന്തൽമണ്ണ നഗരസഭ മുസ്​ലിം യൂത്ത് ലീഗിന്‍റെ നേതൃത്വത്തിൽ നഗരത്തിൽ ബ്ലാക്ക് മാസ്ക് മാർച്ച് സംഘടിപ്പിച്ചു. കറുത്ത ഉടുപ്പും മാസ്കും ധരിച്ചാണ് പ്രകടനം നടത്തിയത്. ഇത്തരം നടപടികൾ വ്യക്തിസ്വാതന്ത്ര്യത്തിന്മേലുള്ള കടന്നുകയറ്റമാണെന്നും ഇത് അംഗീകരിക്കാൻ കഴിയില്ലെന്നും മുസ്​ലിം യൂത്ത് ലീഗ് ഭാരവാഹികൾ പറഞ്ഞു. നിസാം കുന്നപ്പള്ളി, ഉനൈസ് കക്കൂത്ത്, ഹബീബ് മണ്ണേങ്ങൽ, അഫ്ഫാർ കുന്നപ്പള്ളി, അൻവർ കളത്തിൽ, സലീം താമരത്ത്, സെയ്ത്​ ഉമ്മർ, റഷീദ് കിഴിശ്ശേരി, ഫൈസൽ, നാസർ മേലേതിൽ, മൂസ കുറ്റീരി, കെ.എം. റാഷിഖ്​ സക്കീർ, അബ്ബാസ്, ഷുക്കൂർ, അൻവർ കൂരിക്കുന്ന് എന്നിവർ നേതൃത്വം നൽകി. ഫോട്ടോ Mc pmna 5 yuthleeg black march പെരിന്തൽമണ്ണയിൽ യൂത്ത് ലീഗ് പ്രവർത്തകർ കറുത്ത വസ്ത്രമണിഞ്ഞ്​ മുഖ്യമന്ത്രി പിണറായി വിജയന്‍റെ രാജി ആവശ്യപ്പെട്ട് നടത്തിയ പ്രകടനം