പ്രവാസികൾക്ക്​ ഡിജിറ്റൽ ഗ്രാമസഭ ഒരുക്കി ആതവനാട്‌ പഞ്ചായത്ത് ഭരണസമിതി

ആതവനാട്‌: ഗ്രാമപഞ്ചായത്തിൽനിന്ന്​ വിവിധ രാജ്യങ്ങളിൽ ജോലി ചെയ്യുന്നവർക്കായി പ്രവാസി ഗ്രാമസഭ സംഘടിപ്പിച്ച്​ ആതവനാട്‌ ഗ്രാമപഞ്ചായത്ത് ഭരണസമിതി. പരമ്പരാഗത ഗ്രാമസഭകളിൽനിന്ന്​ വ്യത്യസ്തമായി ഡിജിറ്റൽ ഗ്രാമസഭയാണ്​ ഒരുക്കിയത്. ജില്ലയിൽ ആദ്യമായാണ് ഒരു പഞ്ചായത്ത് ഇത്തരത്തിൽ ഗ്രാമസഭ സംഘടിപ്പിക്കുന്നത്. പ്രസിഡന്‍റ്​ ടി.പി. സിനോബിയ, വൈസ്‌ പ്രസിഡന്‍റ്​ കെ.പി. ജാസർ എന്നിവരുടെ നേതൃത്വത്തിൽ ഗ്രാമപഞ്ചായത്ത് അംഗങ്ങളും പ്രവാസികളോടൊപ്പം ഡിജിറ്റൽ ഗ്രാമസഭയിൽ പങ്കെടുത്തു. പ്രവാസികളുടെകൂടി സൗകര്യം മാനിച്ച് രാത്രി എട്ടിന്​ തുടങ്ങിയ ഡിജിറ്റൽ ഗ്രാമസഭ രാത്രി 10 വരെ നീണ്ടു. പഞ്ചായത്ത്‌ ഹാളിൽനിന്ന്​ നിയന്ത്രിച്ച പ്രവാസി ഗ്രാമസഭയിൽ പ്രവാസികളുടെ ക്ഷേമവും നാടിന്‍റെ പൊതുവികസനത്തിലുള്ള അഭിപ്രായങ്ങളും നിർദേശങ്ങളും ചർച്ച ചെയ്തു. പ്രവാസി സംഘടനകളായ കെ.എം.സി.സി, ഇൻകാസ്, കേരള പ്രവാസിസംഘം എന്നിവയുടെ നേതാക്കൾ സംസാരിച്ചു. M3 VNCY Digital gramasabha.jpg ആതവനാട്‌ ഗ്രാമപഞ്ചായത്ത് പ്രവാസികൾക്കായി സംഘടിപ്പിച്ച ഡിജിറ്റൽ ഗ്രാമസഭ