ഹോട്ടലുകളിൽ സപ്ലൈ ഓഫിസ് അധികൃതരുടെ പരിശോധന

കുന്നംകുളം: ഹോട്ടലുകളിൽ അമിതവില ഈടാക്കുന്നുണ്ടോയെന്നും ഹോട്ടൽ വൃത്തിയായി സൂക്ഷിക്കുന്നുണ്ടോയെന്നും പരിശോധിക്കാൻ ജില്ല സപ്ലൈ ഓഫിസറുടെ നിർ​ദേശപ്രകാരം കുന്നംകുളം താലൂക്ക് പരിധിയിലെ ഹോട്ടലുകളിൽ സ​പ്ലൈ ഓഫിസിന്‍റെ നേതൃത്വത്തിൽ പരിശോധന നടത്തി. ഹോട്ടലുകളിൽ അമിതവില ഈടാക്കാതിരിക്കാനും വിലവിവര പട്ടിക പ്രദർശിപ്പിക്കാനും ഹോട്ടലും പാചകമുറിയും വൃത്തിയായി സൂക്ഷിക്കാനും നിർദേശം നൽകി. നിർദേശങ്ങൾ പാലിക്കാത്ത സ്ഥാപനങ്ങൾക്കെതിരെ തുടർനടപടി സ്വീകരിക്കുമെന്നും മുന്നറിയിപ്പ്​ നൽകി. ഇനിയും ക്രമക്കേടുകൾ കണ്ടെത്തുന്ന കടകൾക്കെതിരെ കർശന നടപടികൾക്ക് ശിപാർശ ചെയ്യുന്നതാണെന്നും കുന്നംകുളം താലൂക്ക് സപ്ലൈ ഓഫിസർ അറിയിച്ചു.