മുണ്ടൂരിൽ നിർത്തിയിട്ട കാർ കത്തിനശിച്ചു

പേരാമംഗലം: മുണ്ടൂർ മെഡിക്കൽ കോളജ് റോഡിൽ കൂരിയാൽ പാലത്തിന്​ സമീപം നിർത്തിയിട്ട കാർ കത്തിനശിച്ചു. അപകടത്തിൽ ആർക്കും പരിക്കില്ല. ബുധനാഴ്ച പുലർച്ച 5.30നായിരുന്നു സംഭവം. ചാവക്കാട് എടക്കഴിയൂർ അമ്പലത്ത് വീട്ടിൽ ഹംസ മൗലവിയുടെ ഫിയറ്റ് പാലിയോ കാറാണ് കത്തിനശിച്ചത്. മെഡിക്കൽ കോളജ് ആശുപത്രിയിലേക്ക് പോകുന്നതിനിടെ ചായ കുടിക്കാൻ കാർ നിർത്തിയതായിരുന്നു. ഇതിനിടെ കാറിന്‍റെ മുൻ ഭാഗത്തുനിന്ന് പുക ഉയരുകയും പെട്ടെന്ന് കത്തുകയുമായിരുന്നു. ഉടനെ നാട്ടുകാരും തൃശൂരിൽ നിന്നെത്തിയ അഗ്നിശമന സേന പ്രവർത്തകരും ചേർന്ന് തീയണച്ചു. കാറിന്‍റെ മുൻഭാഗം പൂർണമായും കത്തിനശിച്ചു. സംഭവമറിഞ്ഞ് പേരാമംഗലം പൊലീസും സ്ഥലത്തെത്തി. tcckkm 8 മുണ്ടൂരിൽ കാർ കത്തിനശിച്ച നിലയിൽ