സന്തോഷ ട്രോഫി കളിച്ച മമ്പാട്​ കോളജ് താരങ്ങൾക്ക് സ്വീകരണം

നിലമ്പൂർ: ടി.കെ. ജസിൻ ഉൾപ്പെടെ ഇതുവരെ കേരളത്തിനുവേണ്ടി സന്തോഷ് ട്രോഫി കളിച്ച മമ്പാട് എം.ഇ.എസ് കോളജ് താരങ്ങൾക്ക് സ്വീകരണം ഒരുക്കുന്നു. ജൂൺ രണ്ടിന്​ വൈകീട്ട്​ മൂന്നിന്​ കോളജ് ഓഡിറ്റോറിയത്തിലാണ് സ്വീകരണ പരിപാടി. കോളജ് മാനേജിങ്​ കമ്മിറ്റി, അധ‍്യാപകർ, ജീവനക്കാർ, വിദ്യാർഥികൾ എന്നിവർ സംയുക്തമായാണ് സ്വീകരണം ഒരുക്കുന്നത്. മമ്പാട് ടൗണിൽനിന്ന്​ തുറന്ന വാഹനത്തിൽ ടി.കെ. ജസിനെ കോളജിലേക്ക് സ്വീകരിക്കും. അനുമോദന ചടങ്ങ് എം.ഇ.എസ് സംസ്ഥാന പ്രസിഡന്‍റ് ഡോ. പി.എ. ഫസൽ ഗഫൂർ ഉദ്​ഘാടനം ചെയ്യും.