Begin typing your search above and press return to search.
exit_to_app
exit_to_app
Posted On
date_range 27 May 2022 12:23 AM GMT Updated On
date_range 27 May 2022 12:23 AM GMTഡോ. കമാൽ പാഷയുടെ വേർപാട് നാടിനും തീരാനഷ്ടം
text_fieldsbookmark_border
പൂക്കാട്ടിരി: ഡോ. മുസ്തഫ കമാൽ പാഷയുടെ പൂക്കാട്ടിരിയിലെ വസതി വിദ്യാർഥികൾ ഉൾപ്പെടെ നിരവധി പേർക്ക് ചരിത്രവിഷയങ്ങളിൽ സംശയ ദൂരീകരണത്തിനുള്ള കേന്ദ്രമായിരുന്നു. അദ്ദേഹത്തിന് നാട്ടിലും പുറത്തുമായി നിരവധി ശിഷ്യരുണ്ട്. ഇസ്ലാമും ശാസ്ത്രവും എന്ന വിഷയത്തിൽ ധാരാളം പ്രബന്ധങ്ങൾ രചിക്കുകയും വിവിധ ഭാഗങ്ങളിൽ പ്രഭാഷണങ്ങൾ നടത്തുകയും ചെയ്തിരുന്ന അദ്ദേഹത്തിന്റെ പ്രഭാഷണങ്ങൾ ഇതര മതസ്ഥരിലും ഇസ്ലാമിനോടുള്ള മതിപ്പ് വർധിപ്പിക്കുന്നതിന് സഹായിച്ചു. വിനയത്തിന്റെ പ്രതീകമായ കമാൽ പാഷ വലിയ സുഹൃദ് വലയത്തിന്റെ ഉടമ കൂടിയായിരുന്നു. നിരവധി വിദ്യാർഥികളെ സംഭാവന ചെയ്യാൻ അദ്ദേഹത്തിനായി. 1993ൽ പൂക്കാട്ടിരിയിൽ ബ്ലോസം എന്ന പേരിൽ ഇംഗ്ലീഷ് മീഡിയം സ്കൂൾ സ്ഥാപിച്ചു. ഐ.ആർ.എച്ച്.എസ് ഉൾപ്പെടെയുള്ള വിദ്യാഭ്യാസ സ്ഥാപനങ്ങളെ നിയന്ത്രിച്ച ജെ.എം.സി.ടി ട്രസ്റ്റ് അംഗവും ഇടക്കാലത്ത് ചെയർമാനുമായിരുന്നു. കോവിഡ് കാലത്ത് പ്രതിരോധ പ്രവർത്തനങ്ങളിൽ സജീവ സാന്നിധ്യമായി. ഹോമിയോ പ്രതിരോധ മരുന്നുകൾ സൗജന്യമായി വിതരണം ചെയ്തു. വിവിധ ഭാഗങ്ങളിൽ നിന്നുള്ള നിരവധി പേർ വസതിയിലെത്തി അന്തിമോപചാരമർപ്പിച്ചു. വെള്ളിയാഴ്ച രാവിലെ ഏഴ് മണിക്ക് ഐ.ആർ.എച്ച്.എസിൽ മയ്യിത്ത് പൊതുദർശനത്തിന് വെക്കും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story