മാധ്യമം 'എജുകഫെ'ക്ക് ഇന്ന്​ മലപ്പുറത്ത്​ തുടക്കം

മലപ്പുറം: ഗൾഫിലെ ഏറ്റവും വലിയ ഇന്ത്യൻ വിദ്യാഭ്യാസ മേളയായ മാധ്യമം 'എജുകഫെ' 2022 ഇന്ത്യൻ സീസണിന്‍റെ രണ്ടാം പതിപ്പിന് വെള്ളിയാഴ്ച മലപ്പുറത്ത് തുടക്കമാവും. വെള്ളി, ശനി ദിവസങ്ങളിൽ മലപ്പുറം റോസ് ലോഞ്ച് ഓഡിറ്റോറിയത്തിലാണ്​ മേള. ജി.സി.സി രാജ്യങ്ങളിലെ മികച്ച വിദ്യാഭ്യാസ-കരിയർ മേളയെന്ന ഖ്യാതി നേടിയ എജുകഫെ വേറിട്ട പരിപാടികളുമായാണ്​ വീണ്ടും മലപ്പുറത്തേക്ക്​ വരുന്നത്.