നവ സംരംഭകർക്ക് ശിൽപശാല

പൂക്കോട്ടുംപാടം: നിലമ്പൂർ താലൂക്ക് വ്യവസായ ഓഫിസിന്റെയും അമരമ്പലം പഞ്ചായത്തിന്റെയും ആഭിമുഖ്യത്തിൽ പഞ്ചായത്ത് പരിധിയിലെ നവസംരംഭകർക്ക് കേരള സർക്കാരിന്റെ 'ഒരു വർഷം ഒരു ലക്ഷം സംരംഭങ്ങൾ' പദ്ധതി യാഥാർഥ്യമാക്കാനുള്ള നടപടികൾക്ക് തുടക്കമാവുന്നു. ഇതിനോടനുബന്ധിച്ച്​ ശനിയാഴ്ച ഉച്ചക്ക് രണ്ടിന്​ അമരമ്പലം പഞ്ചായത്ത് ഹാളിൽ അസി. ജില്ല വ്യവസായ വകുപ്പ് ഓഫിസറുടെ ആഭിമുഖ്യത്തിൽ പൊതുബോധവത്​കരണ ശിൽപശാല നടത്തുന്നു. പങ്കെടുത്തവർക്കായി പിന്നീട് വായ്പാമേളയും സബ്സിഡി മേളയും സംഘടിപ്പിക്കുന്നതാണ്. നിലവിലുള്ള സംരംഭകർക്കും അവസരം പ്രയോജനപ്പെടുത്താം. ഫോൺ: 9526544 506, 9567854506