മുസ്​ലിം യൂത്ത് ലീഗ് നൈറ്റ് മാർച്ച് ഇന്ന്

പൊന്നാനി: തീരദേശ മേഖലയിലെ വിവിധ പ്രശ്നങ്ങൾ ഉയർത്തി മുസ്​ലിം യൂത്ത് ലീഗ് പൊന്നാനി മുനിസിപ്പൽ കമ്മിറ്റി വെള്ളിയാഴ്ച നൈറ്റ് മാർച്ച് നടത്തും. കടൽഭിത്തി നിർമിക്കാത്തതിലും തീരദേശവാസികളോടുള്ള അവഗണനയിലും പ്രതിഷേധിച്ചാണ് നൈറ്റ് മാർച്ച്. കടലിലുണ്ടാകുന്ന അപകടങ്ങൾ തടയാൻ കോസ്റ്റ് ഗാർഡിന്‍റെ കേന്ദ്രം സ്ഥാപിക്കണമെന്നും പുനർഗേഹം പദ്ധതിയിൽ അട്ടിമറി നടന്നുവെന്നും യൂത്ത് ലീഗ് ആരോപിച്ചു. വെള്ളിയാഴ്ച വൈകീട്ട് അഞ്ചിന്​ പുതുപൊന്നാനിയിൽ ആരംഭിക്കുന്ന മാർച്ച് മരക്കടവിൽ സമാപിക്കും. കുറുക്കോളി മൊയ്തീൻ എം.എൽ.എ ഉദ്ഘാടനം ചെയ്യുമെന്നും എൻ. ഫസലുറഹ്മാൻ, ഫാറൂഖ് പുതുപൊന്നാനി, ഇല്യാസ് മൂസ, കെ.എം. മുഹ്സിൻ എന്നിവർ വാർത്തസമ്മേളനത്തിൽ അറിയിച്ചു.