യുവതിയുടെ മരണം: സമഗ്ര അന്വേഷണം വേണം -യൂത്ത് കോൺഗ്രസ്

വളാഞ്ചേരി: സ്വകാര്യ ഷോപ്പിങ്​ മാളിൽ ജോലി ചെയ്തിരുന്ന യുവതിയെ വീട്ടിൽ മരിച്ച നിലയിൽ കണ്ടെത്തിയതിൽ സമഗ്ര അന്വേഷണം നടത്തണമെന്ന് യൂത്ത് കോൺഗ്രസ് കോട്ടക്കൽ നിയോജക മണ്ഡലം കമ്മിറ്റി ആവശ്യപ്പെട്ടു. തൊഴിലിടത്ത്​ നിന്നുള്ള മാനസിക പീഡനമാണ് ആത്മഹത്യക്ക് കാരണമെന്ന് ആരോപണമുയർന്നതിനാൽ തൊഴിലിടങ്ങളിൽ സ്ത്രീസുരക്ഷ ശക്തമാക്കാൻ നടപടി സ്വീകരിക്കണം. ഷബാബ് വക്കരത്ത് അധ്യക്ഷത വഹിച്ചു. മുഹമ്മദ് പാറയിൽ, നൗഫൽ പാലാറ, അനീഷ് പേരശ്ശനൂർ, രാജേഷ് കാർത്തല എന്നിവർ സംസാരിച്ചു.