ഒരുക്കങ്ങൾ പൂർത്തിയായി; പൂക്കോട്ടൂർ ഹജ്ജ്​ ക്യാമ്പ്​ നാളെ

മലപ്പുറം: ഞായറാഴ്​ച നടക്കുന്ന പൂക്കോട്ടൂർ ഹജ്ജ്​ ക്യാമ്പിന്‍റെ ഒരുക്കങ്ങൾ പൂർത്തിയായതായി പാണക്കാട്​ സാദിഖലി ശിഹാബ്​ തങ്ങൾ വാർത്തസമ്മേളനത്തിൽ അറിയിച്ചു. സംസ്ഥാന ഹജ്ജ് കമ്മിറ്റി മുഖേനയും സ്വകാര്യ ഹജ്ജ് ഗ്രൂപ്പുകള്‍ വഴിയും യാത്ര തിരിക്കുന്ന ഏഴായിരത്തോളം ഹാജിമാര്‍ക്ക് പൂക്കോട്ടൂർ ഖിലാഫത്ത്​ മെ​മ്മോറിയൽ ഇസ്​ലാമിക്​ സെന്‍റർ കാമ്പസിലാണ്​ ക്യാമ്പ്​ സംഘടിപ്പിക്കുന്നത്​. എസ്​.വൈ.എസ്​ സംസ്ഥാന സെക്രട്ടറി​ അബ്​ദുസമദ്​ പൂക്കോട്ടൂർ നേതൃത്വം നൽകും. വാട്ടര്‍ പ്രൂഫ് പന്തല്‍, ക്ലോസ്ഡ് സര്‍ക്യൂട്ട് ടി.വി, താല്‍ക്കാലിക ഹൗളുകള്‍, മെഡിക്കല്‍ ചെക്കപ്പ് സെന്‍റര്‍, ഇൻഫര്‍മേഷന്‍ കൗണ്ടര്‍ എന്നിവ ഒരുക്കിയിട്ടുണ്ട്​. രാവിലെ ഒമ്പത്​ മുതൽ രാത്രി ഒമ്പത്​ വരെയാണ്​ ക്യാമ്പ്​. അംഗങ്ങൾക്ക്​ മാസ്‌ക് നിര്‍ബന്ധമാക്കിയിട്ടുണ്ട്​. 15ന് രാവിലെ ഒമ്പതിന്​ സമസ്ത പ്രസിഡന്‍റ്​ ജിഫ്രി മുത്തുക്കോയ തങ്ങള്‍ ഉദ്​ഘാടനം ചെയ്യും. കെ. ആലിക്കുട്ടി മുസ്​ലിയാര്‍, പി.കെ. കുഞ്ഞാലിക്കുട്ടി, സംസ്ഥാന ഹജ്ജ് കമ്മിറ്റി ചെയര്‍മാന്‍ സി. മുഹമ്മദ് ഫൈസി തുടങ്ങിയവർ സംബന്ധിക്കും. രാത്രി എട്ടിന്​ ദുആ സംഗമത്തിന് കോഴിക്കോട് ഖാദി ജമലുല്ലൈലി തങ്ങളും 16ന് രാത്രി എട്ടിന്​ വലിയ്യുദ്ദീന്‍ ഫൈസിയും നേതൃത്വം നൽകും. വിവരങ്ങൾക്ക്​ കണ്‍വീനര്‍ കെ.പി. ഉണ്ണീതുഹാജിയെ (9946106061) ബന്ധപ്പെടാം. വാർത്തസമ്മേളനത്തിൽ അബ്​ദുസമദ്​ പൂക്കോട്ടൂർ, എം.എൽ.എമാരായ ടി.വി. ഇ​ബ്രാഹിം, പി. ഉബൈദുല്ല, പി.കെ.എം.​സി വർക്കിങ്​ ചെയർമാൻ കെ.എം. അക്​ബർ, കെ.പി. ഉണ്ണീതു ഹാജി, പി.എം.ആര്‍. അലവി ഹാജി, കുഞ്ഞാപ്പു ഹാജി കോഡൂര്‍, അഡ്വ. കാരാട്ട് അബ്ദുറഹ്മാന്‍, വി.പി. സലീം മാസ്റ്റര്‍ എന്നിവരും സംബന്ധിച്ചു. mpgma1 പൂക്കോട്ടൂര്‍ ഹജ്ജ് ക്യാമ്പിന്‍റെ പന്തലിൽ തയാറാക്കിയ കഅ്​ബയുടെയും മഖാമു ഇബ്​റാഹീമിന്‍റെയും മാതൃക കാണുന്ന പാണക്കാട്​ സാദിഖലി ശിഹാബ്​ തങ്ങൾ. അബ്​ദുസമദ്​ പൂക്കോട്ടൂർ, എം.എൽ.എമാരായ പി. ഉബൈദുല്ല, ടി.വി. ഇബ്രാഹിം തുടങ്ങിയവർ സമീപം