ഹജ്ജ് സാങ്കേതിക പഠന ക്ലാസ്

നിലമ്പൂർ: സംസ്ഥാന ഹജ്ജ് കമ്മിറ്റി മുഖേന ഈ വർഷം ഹജ്ജിന് പോകാൻ അവസരം ലഭിച്ച വണ്ടൂർ, നിലമ്പൂർ മണ്ഡലങ്ങളിൽനിന്ന്​ തെരഞ്ഞടുക്കപ്പെട്ട ഹാജിമാർക്കുള്ള സാങ്കേതിക പഠന ക്ലാസ് സംസ്ഥാന ഹജ്ജ് കമ്മിറ്റി അംഗം അഡ്വ. കെ. മൊയ്തീൻ കുട്ടി ഉദ്ഘാടനം ചെയ്തു. എ.പി. അനിൽകുമാർ എം.എൽ.എ മുഖ്യാതിഥിയായിരുന്നു. കെ. മാനു ഹാജി അധ‍്യക്ഷത വഹിച്ചു. ജില്ല ഹജ്ജ് ട്രെയ്നർ മുഹമ്മദ് റഊഫ്, നൂറുദ്ദീൻ എന്നിവർ ക്ലാസുകൾക്ക് നേതൃത്വം നല്കി. നിലമ്പൂർ മണ്ഡലം ട്രെയ്നർ അബ്ദുൽ ഹക്കീം സ്വാഗതവും അബ്ദുറഹിമാൻ തിരുവാലി നന്ദിയും പറഞ്ഞു. ഹജ്ജ് യാത്രയുമായി ബന്ധപ്പെട്ട പ്രാഥമിക കർത്തവ്യങ്ങൾ, സുരക്ഷ ബോധവത്കരണം, സംശയ നിവാരണം തുടങ്ങിയവ ചർച്ച ചെയ്തു.