കലയോളം കാതൽ കൊടിയിറങ്ങി

പേ​രാ​മ്പ്ര: നാ​ല് രാ​പ്പ​ക​ലു​ക​ളി​ലാ​യി പേ​രാ​മ്പ്ര​യി​ൽ പെ​യ്ത കൗ​മാ​ര ക​ലാ​മ​ഴ തോ​ർ​ന്നു. 309 ഇ​ന​ങ്ങ​ളി​ൽ 19 വേ​ദി​ക​ളി​ലാ​യി പ​തി​നാ​യി​ര​ത്തി​ല​ധി​കം മ​ത്സ​രാ​ർ​ഥി​ക​ളാ​ണ് നാ​ലു​ദി​വ​സ​ങ്ങ​ളി​ലാ​യി ക​ലാ മാ​മാ​ങ്ക മേ​ള​യി​ൽ പ​ങ്കെ​ടു​ത്ത​ത്. 893 പോ​യ​ന്റു​മാ​യി കോ​ഴി​ക്കോ​ട് സി​റ്റി ഉ​പ​ജി​ല്ലയാണ് മുന്നിൽ.

828 പോ​യ​ന്റു​മാ​യി ചേ​വാ​യൂ​രും 804 പോ​യ​ന്റു​മാ​യി കൊ​യി​ലാ​ണ്ടി മൂ​ന്നാം സ്ഥാ​ന​ത്തു​മു​ണ്ട്. സ്കൂളുകളിൽ പാറോപ്പടി സിൽവർഹിൽസ് എച്ച്.എസ്.എസാണ് ഒന്നാംസ്ഥാനത്ത്. അന്തിമ ഫലം സാ​​ങ്കേതിക കാരണങ്ങളാൽ ശനിയാഴ്ചയാണ് പ്രഖ്യാപിക്കുകയെന്ന് ഡി.ഡി.ഇ അറിയിച്ചു. യു.​പി വി​ഭാ​ഗം സം​സ്കൃ​തോ​ത്സ​വ​ത്തി​ൽ മേ​ല​ടി ഉ​പ​ജി​ല്ല ഒ​ന്നാം സ്ഥാ​ന​വും ചോ​മ്പാ​ല ഉ​പ​ജി​ല്ല ര​ണ്ടാം സ്ഥാ​ന​വും നേ​ടി. യു.​പി വി​ഭാ​ഗം അ​റ​ബി​ക് സാ​ഹി​ത്യോ​ത്സ​വ​ത്തി​ൽ എം.​യു.​എം.​എ​ച്ച്.​എ​സ്.​എ​സ് വ​ട​ക​ര ഒ​ന്നാം സ്ഥാ​ന​വും ജെ.​ഡി.​ടി ഇ​സ്‌​ലാം എ​ച്ച്.​എ​സ്.​എ​സ് മേ​രി​ക്കു​ന്ന് ര​ണ്ടാം സ്ഥാ​ന​വും നേ​ടി.

സ​മാ​പ​ന സ​മ്മേ​ള​ന ഉ​ദ്ഘാ​ട​നം ജി​ല്ല പ​ഞ്ചാ​യ​ത്ത് പ്ര​സി​ഡ​ന്റ് ഷീ​ജ ശ​ശി ഉ​ദ്ഘാ​ട​നം ചെ​യ്തു . പേ​രാ​മ്പ്ര ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്റ് എ​ൻ.​പി. ബാ​ബു അ​ധ്യ​ക്ഷ​ത വ​ഹി​ച്ചു. ആ​ർ.​ഡി. ഡി. ​എം. സ​ന്തോ​ഷ് കു​മാ​ർ സ്വാ​ഗ​തം പ​റ​ഞ്ഞു.

സംസ്കൃതവും അറബിയും ഒരുപോലെ വഴങ്ങും അമൻ ഹാദിക്ക്

ചി​രി​പ്പി​ച്ചും ചി​ന്തി​പ്പി​ച്ചും കാ​ണി​ക​ളു​ടെ മ​നം ക​വ​ർ​ന്ന് അ​മ​ൻ ഹാ​ദി. വ​ട്ടോ​ളി എം.​ജെ.​എ​ച്ച്.​എ​സ്.​എ​സി​ലെ ഒ​മ്പ​താം ക്ലാ​സ് വി​ദ്യാ​ർ​ഥി​യാ​യ ഹാ​ദി ക​ലാ​നി​യ​മ​ങ്ങ​ളെ പൊ​ളി​ച്ചെ​ഴു​തി​യാ​ണ് കൈ​യ​ടി നേ​ടി കാ​ണി​ക​ളു​ടെ മ​ന​സ്സി​ലി​ടം നേ​ടി​യ​ത്. ജീ​വി​ത​ത്തി​ലു​ട​നീ​ളം പ​തി​ഞ്ഞു​പോ​യ ശൈ​ലി​യി​ൽ​നി​ന്ന് തീ​ർ​ത്തും മാ​റി ബ്രാ​ഹ്മ​ണ ശൈ​ലി വേ​ദി​യി​ല​വ​ത​രി​പ്പി​ച്ച​ത് വ​ള​രെ ത​ന്മ​യ​ത്വ​ത്തോ​ടെ​യാ​യി​രു​ന്നു.

മ​ദ്റ​സ ക്ലാ​സി​ലെ അ​റ​ബി ഉ​ച്ചാ​ര​ണ​സ്ഫു​ട​ത സം​സ്കൃ​ത​ത്തി​ലും പ്ര​ക​ട​മാ​ക്കി​യ​ത് അ​സാ​മാ​ന്യ രീ​തി​യി​ലാ​യി​രു​ന്നു. പ​രി​ശീ​ല​നം തു​ട​ങ്ങി​യ​പ്പോ​ൾ ത​നി​ക്ക് മു​സ്‍ലിം ശൈ​ലി മാ​ത്ര​മാ​യി​രു​ന്നു​വെ​ന്നും അ​ഭ്യാ​സ​ത്തി​ലൂ​ടെ ഒ​രു ക​ലാ​രൂ​പ​ത്തെ സ്വാ​യ​ത്ത​മാ​ക്കാ​ൻ ക​ഴി​ഞ്ഞ​താ​യും അ​മ​ൻ ഹാ​ദി പ​റ​യു​ന്നു. ച​മ്പു പ്ര​ഭാ​ഷ​ണ​ത്തി​ലും പ​ങ്കെ​ടു​ക്കു​ന്നു​ണ്ട്. ജി​ല്ല മ​ദ്റ​സ പ്ര​സം​ഗ​ത്തി​ൽ സം​സ്ഥാ​ന ത​ല​ത്തി​ലേ​ക്ക് ഹാ​ദി യോ​ഗ്യ​ത നേ​ടി​യി​ട്ടു​മു​ണ്ട്. ക​ഴി​ഞ്ഞ ത​വ​ണ സം​സ്കൃ​ത നാ​ട​ക​ത്തി​ലെ മി​ക​ച്ച ന​ട​നു​ള്ള അ​വാ​ർ​ഡും നേ​ടി​യി​രു​ന്നു.

ജി​ല്ല മ​ത്സ​ര​ത്തി​ൽ മോ​ണോ ആ​ക്ടി​ൽ സെ​ക്ക​ൻ​ഡ് എ ​ഗ്രേ​ഡ് നേ​ടി​യ അ​മ​ൻ ഹാ​ദി പ​ഠ​ന​ത്തി​ലും മി​ടു​ക്ക​നാ​ണെ​ന്ന് പ​രി​ശീ​ല​ക​യാ​യ ദി​വ്യ ടീ​ച്ച​ർ പ​റ​ഞ്ഞു. ന​ല്ലൊ​രു ന​ട​നാ​ക​ണ​മെ​ന്ന ആ​ഗ്ര​ഹം മ​ന​സ്സി​ലു​ണ്ട് ഈ ​മി​ടു​ക്ക​നാ​യ ക​ലാ​കാ​ര​ന്. പ്ര​വാ​സ ജീ​വി​തം ക​ഴി​ഞ്ഞെ​ത്തി​യ പി​താ​വ് അ​ബ്ദു​ൽ ല​ത്തീ​ഫും അ​ധ്യാ​പി​ക​യാ​യ മാ​താ​വ് സ​ജീ​ന​യും ന​ല്ല പി​ന്തു​ണ​യാ​ണ് ന​ൽ​കു​ന്ന​ത്. സ​ഹോ​ദ​രി നി​സ്മ മ​റി​യം ബി​രു​ദ വി​ദ്യാ​ർ​ഥി​നി​യാ​ണ്.

അഭിനയവേദിയിൽ തിളങ്ങിയത് ടീച്ചേഴ്സ് തിയറ്റർ @ കാലിക്കറ്റ്

ക​ലാ​മേ​ള​യു​ടെ നാ​ട​ക​വേ​ദി​യി​ൽ ഫ​ല​പ്ര​ഖ്യാ​പ​നം വ​ന്ന​പ്പോ​ൾ എ​ല്ലാ വി​ഭാ​ഗ​ത്തി​ലും മി​ക​ച്ച നാ​ട​ക​ങ്ങ​ളാ​യി തെ​ര​ഞ്ഞെ​ടു​ക്ക​പ്പെ​ട്ട​ത് ടീ​ച്ചേ​ഴ്സ് തി​യ​റ്റ​ർ @ കാ​ലി​ക്ക​റ്റി​ലെ അ​ധ്യാ​പ​ക​ർ സം​വി​ധാ​നം ചെ​യ്ത നാ​ട​ക​ങ്ങ​ൾ. ഹൈ​സ്കൂ​ൾ വി​ഭാ​ഗ​ത്തി​ൽ​നി​ന്ന് സം​സ്ഥാ​ന​ത​ല​ത്തി​ൽ തെ​ര​ഞ്ഞെ​ടു​ക്ക​പ്പെ​ട്ട​ത് തി​രു​വ​ങ്ങൂ​ർ എ​ച്ച്.​എ​സ് അ​ര​ങ്ങി​ലെ​ത്തി​ച്ച, ടീ​ച്ചേ​ഴ്സ് തി​യ​റ്റ​ർ @ കാ​ലി​ക്ക​റ്റ് അം​ഗ​വും ഈ ​സ്കൂ​ളി​ലെ ഹൈ​സ്കൂ​ൾ വി​ഭാ​ഗം അ​ധ്യാ​പ​ക​നു​മാ​യ ശി​വ​ദാ​സ് പൊ​യി​ൽ​ക്കാ​വ് സം​വി​ധാ​നം ചെ​യ്ത ഓ​സ്കാ​ർ പു​രു​ഷു എ​ന്ന നാ​ട​ക​മാ​ണ്. നി​ധീ​ഷ് പൂ​ക്കാ​ടി​നൊ​പ്പം ഈ ​നാ​ട​ക​ത്തി​ന്റെ ക​ലാ​സം​വി​ധാ​നം ചെ​യ്ത​ത് തി​യ​റ്റ​ർ അം​ഗ​വും തി​രു​വ​ങ്ങൂ​ർ എ​ച്ച്.​എ​സ്.​എ​സി​ലെ ക​ലാ​ധ്യാ​പ​ക​നു​മാ​യ ഹാ​റൂ​ൺ അ​ൽ ഉ​സ്മാ​നാ​ണ്.

ഹ​യ​ർ സെ​ക്ക​ൻ​ഡ​റി വി​ഭാ​ഗ​ത്തി​ൽ ടീ​ച്ചേ​ഴ്സ് തി​യ​റ്റ​ർ അം​ഗ​വും ഉ​ള്ള്യേ​രി എ.​യു.​പി സ്കൂ​ളി​ലെ അ​ധ്യാ​പ​ക​നു​മാ​യ നി​വേ​ദ് പി.​എ​സി​ന്റെ സം​വി​ധാ​ന​ത്തി​ൽ കോ​ക്ക​ല്ലൂ​ർ എ​ച്ച്.​എ​സ്.​എ​സ് അ​ര​ങ്ങി​ലെ​ത്തി​ച്ച കു​മ​രു എ​ന്ന നാ​ട​കം സം​സ്ഥാ​ന​ത​ല​ത്തി​ലേ​ക്ക് യോ​ഗ്യ​ത നേ​ടി. കു​മ​രു​വി​ന്റെ സ​ഹ സം​വി​ധാ​യ​ക​നാ​യി പ്ര​വ​ർ​ത്തി​ച്ച​ത് ടീ​ച്ചേ​ഴ്സ് തി​യ​റ്റ​ർ അം​ഗ​വും രാ​മ​ല്ലൂ​ർ എ.​യു.​പി സ്കൂ​ളി​ലെ അ​ധ്യാ​പ​ക​നു​മാ​യ അ​തു​ൽ രാ​ജ് രാ​മ​ല്ലൂ​രാ​ണ്.

യു.​പി വി​ഭാ​ഗ​ത്തി​ൽ ടീ​ച്ചേ​ഴ്സ് തി​യ​റ്റ​ർ അം​ഗ​വും പു​ന്ന​ശ്ശേ​രി എ.​യു.​പി സ്കൂ​ളി​ലെ അ​ധ്യാ​പ​ക​നു​മാ​യ വി​നോ​ദ് പാ​ല​ങ്ങാ​ടി​ന്റെ സം​വി​ധാ​ന​ത്തി​ൽ അ​മ്പ​ല​പ്പൊ​യി​ൽ എ.​യു.​പി സ്കൂ​ളി​ലെ വി​ദ്യാ​ർ​ഥി​ക​ൾ അ​വ​ത​രി​പ്പി​ച്ച ശാ​ർ​ദൂ​ല​വി​ക്രീ​ഡി​തം എ​ന്ന നാ​ട​കം മി​ക​ച്ച ര​ണ്ടാ​മ​ത്തെ നാ​ട​ക​മാ​യി തെ​ര​ഞ്ഞെ​ടു​ക്ക​പ്പെ​ട്ടു.

ജി​ല്ല​യി​ലെ പൊ​തു​വി​ദ്യാ​ല​യ​ത്തി​ൽ പ​ഠി​പ്പി​ക്കു​ന്ന നാ​ട​ക​പ്ര​വ​ർ​ത്ത​ക​രാ​യ അ​ധ്യാ​പ​ക​രു​ടെ കൂ​ട്ടാ​യ്മ​യാ​ണ് ടീ​ച്ചേ​ഴ്സ് തി​യ​റ്റ​ർ അ​റ്റ് കാ​ലി​ക്ക​റ്റ്. കോ​ഴി​ക്കോ​ട് ഡ​യ​റ്റ് ലെ​ക്ച​റ​ർ മി​ത്തു തി​മോ​ത്തി​യാ​ണ് ഈ ​കൂ​ട്ടാ​യ്മ​യു​ടെ കോ​ഓ​ഡി​നേ​റ്റ​ർ. ടീ​ച്ചേ​ഴ്സ് തി​യ​റ്റ​റി​ന്റെ ആ​ഭി​മു​ഖ്യ​ത്തി​ൽ അ​ധ്യാ​പ​ക​ർ അ​ര​ങ്ങി​ലും അ​ണി​യ​റ​യി​ലും എ​ത്തു​ന്ന പു​തി​യ നാ​ട​കം ത​യാ​റാ​ക്കാ​നു​ള്ള ശ്ര​മ​ത്തി​ലാ​ണ് ടീ​ച്ചേ​ഴ്സ് തി​യ​റ്റ​ർ അം​ഗ​ങ്ങ​ൾ.

ഇവിടം ആതിഥ്യത്തിന്റെ മനോഹര കഥകൾ പൂക്കുമിടം...

പേ​രാ​മ്പ്ര: ചേ​ച്ചീ, കു​റ​ച്ചു​നേ​രം ഞ​ങ്ങ​ൾ ഇ​വി​ടെ ഇ​രി​ക്ക​ട്ടെ... അ​തി​നെ​ന്താ എ​ത്ര വേ​ണ​മെ​ങ്കി​ലും ഇ​രു​ന്നോ​ളൂ -ക​ലോ​ത്സ​വ വേ​ദി​ക്ക് സ​മീ​പ​ത്തു​ള്ള വീ​ട്ടി​ലെ രാ​ധേ​ച്ചി​യു​ടെ വാ​ക്കു​ക​ളാ​ണി​ത്.

ക​ലോ​ത്സ​വ​ത്തി​ൽ വേ​ദി​യി​ൽ ക​യ​റു​ന്ന​തി​നു മു​മ്പ് അ​വ​സാ​ന​വ​ട്ട പ​രി​ശീ​ല​ന​ത്തി​ന് വീ​ടു​ക​ൾ അ​ന്വേ​ഷി​ച്ചു​ന​ട​ക്കു​ന്ന​ത് പ​തി​വാ​ണ്. പേ​രാ​മ്പ്ര​യു​ടെ ആ​തി​ഥ്യ​ത്തി​ന്റെ ക​ഥ​ക​ളാ​ണ് മ​ത്സ​രാ​ർ​ഥി​ക​ൾ​ക്ക് പ​റ​യാ​നു​ള്ള​ത്.

പേ​രാ​മ്പ്ര ഹൈ​സ്കൂ​ൾ കാ​ൻ​റീ​ന​ടു​ത്ത സ്റ്റേ​ജി​ൽ മ​ത്സ​രി​ക്കു​ന്ന പ​ല​രും സ്കൂ​ൾ കു​ന്നു​ക​യ​റി എ​ത്തി​യ​ത് രാ​ധേ​ച്ചി​യു​ടെ വീ​ട്ടി​ലേ​ക്കാ​യി​രി​ക്കും. നി​റ​ഞ്ഞ സ്നേ​ഹ​ത്തോ​ടെ ഓ​രോ കു​ട്ടി​യെ​യും ഹൃ​ദ​യം​കൊ​ണ്ട് സ്വീ​ക​രി​ച്ച് അ​വ​ർ​ക്ക് അ​വ​സാ​ന​വ​ട്ട പ​രി​ശീ​ല​ന​ത്തി​നു​ള്ള സൗ​ക​ര്യ​ങ്ങ​ൾ ചെ​യ്തു​കൊ​ടു​ത്തു

ഇ​വ​ർ. ക്ഷീ​ണി​ക്കു​മ്പോ​ൾ ന​ല്ല ഏ​ല​ക്ക ഇ​ട്ട് തി​ള​പ്പി​ച്ച ചൂ​ടു​വെ​ള്ള​വും കൊ​ടു​ത്ത് രാ​ധേ​ച്ചി മ​ത്സ​രാ​ർ​ഥി​ക​ൾ​ക്ക് ഊ​ർ​ജം പ​ക​ർ​ന്നു. ഓ​രോ ദി​വ​സ​വും ഈ ​കു​ന്ന് ക​യ​റി എ​ത്തി​യ​ത് നി​ര​വ​ധി വി​ദ്യാ​ർ​ഥി​ക​ളാ​ണ്. ഒ​രു ദി​വ​സം മാ​ർ​ഗം​ക​ളി​യു​ടെ ടീ​മു​ക​ൾ ആ​യി​രു​ന്നു ഈ ​വീ​ട്ടി​ലെ​ത്തി​യ​ത്. രാ​ത്രി​യാ​വോ​ളം അ​വ​ർ വീ​ടി​ന്റെ മു​ന്നി​ലി​രു​ന്ന് അ​വ​സാ​ന ഒ​രു​ക്ക​ങ്ങ​ൾ ന​ട​ത്തി. പി​ന്നെ ഒ​രു പ​ക​ൽ രാ​ധേ​ച്ചി​യു​ടെ വീ​ട്ടു​മു​റ്റം ഗ​സ​ൽ പൂ​ക്കു​ന്ന താ​ഴ്‌​വ​ര​യാ​യി.

ദിയക്ക് ഇരട്ടനേട്ടം

പേ​രാ​മ്പ്ര: ഹൈ​സ്കൂ​ൾ വി​ഭാ​ഗം ക​ഥ​ക​ളി സം​ഗീ​ത​ത്തി​ലും വ​യ​ലി​നി​ലും ജി​ല്ല​യെ പ്ര​തി​നി​ധാ​നം​ചെ​യ്ത് സം​സ്ഥാ​ന ക​ലോ​ത്സ​വ​ത്തി​ൽ പ​ന്ത​ലാ​യ​നി ഗ​വ. ഗേ​ൾ​സ് സ്കൂ​ളി​ലെ എ​സ്.​എ​സ്. ദി​യ ഉ​ണ്ടാ​വും. കൊ​യി​ലാ​ണ്ടി തൊ​ടു​വ​യ​ൽ സു​രേ​ഷ് ബാ​ബു​വി​ന്റെ​യും ശ്യാ​മ​ള​യു​ടെ​യും ഏ​ക​മ​ക​ളാ​ണ് ദി​യ. മൃ​ദം​ഗം, ചെ​ണ്ട ക​ലാ​കാ​ര​നാ​യ അ​ച്ഛ​നും ഗാ​യി​ക​യാ​യ അ​മ്മ​ക്കും പു​റ​മെ മ​ക​ളും സം​ഗീ​ത​ത്തി​ലും നാ​ദ​സ്വ​ര​ത്തി​ലും ചു​വ​ടു​റ​പ്പി​ക്കു​ക​യാ​ണ്. ശാ​സ്ത്രീ​യ സം​ഗീ​ത​ത്തി​ൽ ര​ണ്ടാം​സ്ഥാ​ന​വും എ ​ഗ്രേ​ഡും ദി​യ ക​ര​സ്ഥ​മാ​ക്കി.