അനാഥത്വത്തിന്‍റെ നോവുകളലിഞ്ഞു; യാസറിനും ജംഷീനക്കും ഇനി പുതുജീവിതം

കി​ണാ​ശേ​രി: ന​ഷ്ട​പ്പെ​ട്ടു​പോ​യ മാ​തൃ​വാ​ത്സ​ല്യ​ത്തി​നു പ​ക​രം നാ​ടൊ​ന്നാ​യി ഒ​രു​ക്കി​യ സ്നേ​ഹ​ത്ത​ണ​ലി​ൽ ജം​ഷീ​ന​യും യാ​സ​റു​മൊ​ന്നാ​യി. ഒ​ന്ന​ര പ​തി​റ്റാ​ണ്ട് മു​മ്പ് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ മാ​താ​വി​നാ​ൽ ഉ​പേ​ക്ഷി​ക്ക​പ്പെ​ട്ട കു​റ്റി​ക്കാ​ട്ടൂ​ർ സ്വ​ദേ​ശി ജം​ഷീ​ന​യു​ടെ ജീ​വി​ത​ത്തി​ലേ​ക്കാ​ണ് ചേ​ള​ന്നൂ​ർ സ്വ​ദേ​ശി യാ​സ​ർ അ​റ​ഫാ​ത്ത് എ​ത്തു​ന്ന​ത്.

2007ലാ​ണ് നാ​ലും ര​ണ്ടും വ​യ​സ്സു​ള്ള ജം​ഷീ​ന​യെ​യും ജം​ഷീ​റ​യേ​യും മാ​താ​വ് ന​സീ​റ മെ​ഡി​ക്ക​ൽ കോ​ള​ജി​ൽ ചി​കി​ത്സ​യി​ൽ ക​ഴി​യു​ന്ന സു​ഹൃ​ത്ത് സി​ന്ധു​വി​ന്റെ അടുക്കൽ ഉ​പേ​ക്ഷി​ച്ചു​പോ​വു​ന്ന​ത്. ഭ​ക്ഷ​ണം വാ​ങ്ങി വ​രാ​മെ​ന്നു​പ​റ​ഞ്ഞ ന​സീ​റ​യെ കാ​ണാ​താ​യ​തോ​ടെ സി​ന്ധു മെ​ഡി​ക്ക​ൽ കോ​ള​ജ് പൊ​ലീ​സി​ൽ വി​വ​ര​മ​റി​യി​ച്ചു. നേ​ര​ത്തേ പി​താ​വ് ന​ഷ്ട​പ്പെ​ട്ട കു​ട്ടി​ക​ൾ​ക്ക് മാ​താ​വും ന​ഷ്ട​മാ​യി എ​ന്ന​റി​ഞ്ഞ​തോ​ടെ​യാ​ണ് ഇ​വ​രു​ടെ സം​ര​ക്ഷ​ണം ഏ​റ്റെ​ടു​ക്കാ​ൻ കി​ണാ​ശേ​രി യ​തീം​ഖാ​ന ഭാ​ര​വാ​ഹി​ക​ൾ മു​ന്നോ​ട്ടു​വ​ന്ന​ത്.

വി​വാ​ഹ​പ്രാ​യ​മാ​യ​തോ​ടെ ജം​ഷീ​ന​ക്കാ​യി ന​ല്ല പാ​തി​യെ തേ​ടി​യു​ള്ള യ​തീം​ഖാ​ന ഭാ​ര​വാ​ഹി​ക​ളു​ടെ അ​ന്വേ​ഷ​ണ​ങ്ങ​ൾ​ക്കി​ട​യി​ലാ​ണ് യാ​സ​ർ അ​റ​ഫാ​ത്ത് എ​ത്തു​ന്ന​ത്. സ​ഹോ​ദ​ര​നൊ​പ്പം കാ​പ്പാ​ട് യ​തീം​ഖാ​ന​യി​ൽ പ​ഠി​ച്ചു​വ​ള​ർ​ന്ന യാ​സ​ർ ഇ​പ്പോ​ൾ കോ​ഴി​ക്കോ​ട് ടാ​റ്റാ മോ​ട്ടോ​ർ​സി​ൽ ജീ​വ​ന​ക്കാ​ര​നാ​ണ്. അ​നാ​ഥ​ത്വ​ത്തി​ന്റെ വ്യ​ഥ ആ​വോ​ള​മ​റി​ഞ്ഞ യാ​സ​റി​ന് ജം​ഷീ​ന​യെ ജീ​വി​ത​ത്തി​ലേ​ക്ക് ചേ​ർ​ത്തു​നി​ർ​ത്തു​ന്ന​തി​ൽ ര​ണ്ടാ​മ​തൊ​ന്ന് ആ​ലോ​ചി​ക്കേ​ണ്ടി​വ​ന്നി​ല്ല.

യ​തീം​ഖാ​ന​യു​ടെ ഒ​ലി​വ് സ്കൂ​ൾ അ​ങ്ക​ണ​ത്തി​ലൊ​രു​ക്കി​യ സൗ​ഹൃ​ദ​വി​രു​ന്നി​ൽ നി​ര​വ​ധി പേ​രാ​ണ് വ​ധൂ​വ​ര​ന്മാ​രെ ആ​ശീ​ർ​വ​ദി​ക്കാ​നെ​ത്തി​യ​ത്. ഭാ​ര​വാ​ഹി​ക​ളാ​യ കെ.​ടി. ബീ​രാ​ൻ​കോ​യ, മ​മ്മ​ദ് കോ​യ ഹാ​ജി, എം.​പി. അ​ഹ​മ്മ​ദ് തു​ട​ങ്ങി​യ​വ​രു​ടെ നേ​തൃ​ത്വ​ത്തി​ലാ​ണ് ച​ട​ങ്ങൊ​രു​ക്കി​യ​ത്.