അത്യാഹിത വിഭാഗത്തിൽ എക്സ്റേ ‘പണിമുടക്ക്’

കോ​ഴി​ക്കോ​ട്: മെ​ഡി​ക്ക​ൽ കോ​ള​ജ് പി.​എം.​എ​സ്.​എ​സ്.​വൈ അ​ത്യാ​ഹി​ത വി​ഭാ​ഗ​ത്തി​ൽ എ​ത്തി​യാ​ൽ അ​ത്യാ​വ​ശ്യ പ​രി​ശോ​ധ​ന​ക​ൾ​ക്ക് പ​ര​ക്കം​പാ​യ​ണം. സൂ​പ്പ​ർ സ്പെ​ഷാ​ലി​റ്റി എ​ന്നാ​ണ് പേ​രെ​ങ്കി​ലും പ്രാ​ഥ​മി​ക​മാ​യി വേ​ണ്ട എ​ക്സ്റേ പ്ര​വ​ർ​ത്തി​ക്കു​ന്ന ദി​വ​സ​ത്തേ​ക്കാ​ളേ​റെ പ​ണി​മു​ട​ക്കും. ര​ണ്ടാ​മ​ത്തെ യൂ​നി​റ്റ് തു​ട​ങ്ങാ​ൻ അ​ത്യാ​ധു​നി​ക മെ​ഷീ​ൻ മാ​സ​ങ്ങ​ൾ​ക്കു​മു​മ്പ് ആ​ശു​പ​ത്രി​യി​ൽ എ​ത്തി​ച്ചി​ട്ടു​ണ്ടെ​ങ്കി​ലും അ​ത് ലി​ഫ്റ്റ് ലോ​ബി​യി​ൽ പെ​ട്ടി പൊ​ളി​ക്കാ​തെ വി​ശ്ര​മി​ക്കു​ക​യാ​ണ്.

തി​ങ്ക​ളാ​ഴ്ച രാ​വി​ലെ​യും അ​ത്യാ​ഹി​ത വി​ഭാ​ഗ​ത്തി​ലെ എ​ക്സ്റേ യൂ​നി​റ്റ് പ്ര​വ​ർ​ത്ത​ന​ര​ഹി​ത​മാ​യി. അ​ത്യാ​ഹി​ത വി​ഭാ​ഗം തു​റ​ന്നി​ട്ട് ഒ​രു വ​ർ​ഷ​മാ​യി​ല്ലെ​ങ്കി​ലും പ​ത്തി​ലേ​റെ ത​വ​ണ​യാ​ണ് യ​ന്ത്രം കേ​ടാ​യ​ത്. എ​ത്ര ത​വ​ണ പ​ണി​മു​ട​ക്കി എ​ന്ന് പ​റ​യാ​ൻ അ​ധി​കൃ​ത​ർ​പോ​ലും ത​യാ​റാ​വു​ന്നി​ല്ല.

പ്രി​ന്റ​ർ പ്ര​വ​ർ​ത്തി​ക്കാ​ത്ത​താ​ണ് തി​ങ്ക​ളാ​ഴ്ച ഉ​ച്ച​ക്ക് മൂ​ന്നു വ​രെ എ​ക്സ്റേ യൂ​നി​റ്റ് അ​ട​ച്ചി​ടാ​നി​ട​യാ​ക്കി​യ​ത്. മൂ​ന്നാ​ഴ്ച​യോ​ളം അ​ട​ച്ചി​ട്ട് അ​റ്റ​കു​റ്റ​പ്പ​ണി ന​ട​ത്തി പ്ര​വ​ർ​ത്ത​നം തു​ട​ങ്ങി ര​ണ്ടാ​ഴ്ച ക​ഴി​യും​മു​മ്പാ​ണ് വീ​ണ്ടും പ​ണി​മു​ട​ക്കി​യ​ത്. ഇ​ട​ക്കി​ടെ എ​ക്സ്റേ പ​ണി​മു​ട​ക്കു​ന്ന​ത് രോ​ഗി​ക​ളെ ദു​രി​ത​ത്തി​ലാ​ക്കു​ന്നു. ര​ണ്ടാ​മ​ത്തെ യൂ​നി​റ്റ് പ്ര​വ​ർ​ത്തി​പ്പി​ച്ചാ​ൽ ഇ​തി​ന് പ​രി​ഹാ​ര​മാ​വും. എ​ന്നാ​ൽ, യൂ​നി​റ്റ് ഒ​ന്നി​ന് തൊ​ട്ട​ടു​ത്താ​യി യൂ​നി​റ്റ്-2 തു​റ​ക്കാ​നാ​യി റൂം ​സ​ജ്ജ​മാ​ക്കി​യി​ട്ടു​ണ്ടെ​ങ്കി​ലും മെ​ഷീ​ൻ സ്ഥാ​പി​ക്കാ​ൻ ന​ട​പ​ടി​യാ​യി​ട്ടി​ല്ല. മെ​ഷീ​ൻ സ്ഥാ​പി​ച്ചാ​ൽ​ത​ന്നെ ട്ര​യ​ൽ ക​ഴി​ഞ്ഞ് അ​തി​ന് അ​നു​മ​തി ല​ഭി​ക്ക​ണ​മെ​ങ്കി​ൽ മാ​സ​ങ്ങ​ൾ കാ​ത്തി​രി​ക്ക​ണം. ഇ​ത് സാ​ധാ​ര​ണ​ക്കാ​രാ​യ രോ​ഗി​ക​ളെ​യാ​ണ് പ്ര​യാ​സ​ത്തി​ലാ​ക്കു​ക. ഡി​ജി​റ്റ​ൽ റേ​ഡി​യോ​ഗ്രാ​ഫി​ക് സം​വി​ധാ​ന​വും കൂ​ടു​ത​ൽ പ്ര​വ​ർ​ത്ത​ന​ക്ഷ​മ​ത​യു​മു​ള്ള മെ​ഷീ​നാ​ണ് ര​ണ്ടാ​മ​ത്തെ യൂ​നി​റ്റി​ലേ​ക്കാ​യി മെ​ഡി​ക്ക​ൽ കോ​ള​ജി​ൽ എ​ത്തി​ച്ചി​രി​ക്കു​ന്ന​ത്.

ഇ​ത് സ്ഥാ​പി​ക്കു​ന്ന​തോ​ടെ എ​ക്സ്റേ എ​ടു​ക്കു​ന്ന​തി​ന് വേ​ഗം കൂ​ടും. നി​ല​വി​ൽ 900 വ​രെ എ​ക്സ്റേ​യാ​ണ് ഒ​രു ദി​വ​സം അ​ത്യാ​ഹി​ത വി​ഭാ​ഗ​ത്തി​ൽ എ​ടു​ക്കു​ന്ന​ത്. പ​ഴ​യ കാ​ഷ്വാ​ലി​റ്റി​യി​ൽ ര​ണ്ട് എ​ക്സ്റേ യൂ​നി​റ്റു​ക​ൾ ഉ​ണ്ടാ​യി​രു​ന്ന​തി​നാ​ൽ ഒ​രു യ​ന്ത്രം പ്ര​വ​ർ​ത്ത​ന ര​ഹി​ത​മാ​യാ​ലും രോ​ഗി​ക​ൾ ഇ​ന്ന​ത്തെ​പ്പോ​ലെ ദു​രി​ത​ത്തി​ല​ക​പ്പെ​ട്ടി​രു​ന്നി​ല്ല. എ​ച്ച്.​എ​ൽ.​എ​ല്ലി​ന്‍റെ ടെ​ക്നി​ക്ക​ൽ വി​ഭാ​ഗം കൈ​കാ​ര്യം​ചെ​യ്യു​ന്ന ‘ഹൈ​ക്’ ആ​ണ് അ​ത്യാ​ഹി​ത വി​ഭാ​ഗ​ത്തി​ൽ എ​ക്സ്റേ മെ​ഷീ​ൻ സ്ഥാ​പി​ച്ച​ത്. ഇ​വ​ർ​ക്ക് കേ​ര​ള​ത്തി​ൽ ടെ​ക്നീ​ഷ്യ​ന്മാ​രി​ല്ല. പ​രാ​തി ര​ജി​സ്റ്റ​ർ ചെ​യ്ത​തി​നു​ശേ​ഷം ഡ​ൽ​ഹി​യി​ൽ​നി​ന്ന് ആ​ളെ​ത്തി വേ​ണം പ്ര​ശ്നം പ​രി​ഹ​രി​ക്കാ​ൻ. ഇ​താ​ണ് കൂ​ടു​ത​ൽ പ്ര​തി​സ​ന്ധി​ക്കി​ട​യാ​ക്കു​ന്ന​ത്.

കൈ​കാ​ലു​ക​ൾ​ക്ക് പ​രി​ക്കേ​റ്റ​വ​രെ ട്രോ​ളി​ക​ളി​ലും വീ​ൽ​ചെ​യ​റു​ക​ളി​ലും ലി​ഫ്റ്റ് വ​ഴി മു​ക​ളി​ലെ​ത്തി​ച്ച് ആ​കാ​ശ​പാ​ത വ​ഴി, നേ​ര​ത്തേ അ​ത്യാ​ഹി​ത വി​ഭാ​ഗം പ്ര​വ​ർ​ത്തി​ച്ചി​രു​ന്ന മെ​ഡി​ക്ക​ൽ കോ​ള​ജ് ആ​ശു​പ​ത്രി കോം​പ്ല​ക്സി​ൽ എ​ത്തി​ക്ക​ണം. അ​വി​ടെ 14ാം ബ്ലോ​ക്കി​ൽ​നി​ന്ന് പ​രി​ശോ​ധ​ന​ക്ക് വി​ധേ​യ​രാ​വു​ന്ന രോ​ഗി​ക​ൾ​ക്ക് റി​പ്പോ​ർ​ട്ട് ല​ഭി​ക്ക​ണ​മെ​ങ്കി​ൽ 100 മീ​റ്റ​ർ​കൂ​ടി ന​ട​ന്ന് മെ​യി​ൻ കൗ​ണ്ട​റി​ൽ ചെ​ന്ന് പ​ണം അ​ട​ക്ക​ണം. ഇ​തെ​ല്ലാം ക​ഴി​യു​മ്പോ​ഴേ​ക്കും ചി​കി​ത്സ മ​ണി​ക്കൂ​റു​ക​ൾ വൈ​കും.

പി.​എം.​എ​സ്.​എ​സ്.​വൈ ബ്ലോ​ക്ക് ഉ​ദ്ഘാ​ട​നം ക​ഴി​ഞ്ഞ് പി​റ്റേ ദി​വ​സം​ത​ന്നെ എ​ക്സ്റേ മെ​ഷീ​ൻ പ്ര​വ​ർ​ത്ത​നം നി​ല​ച്ചു. നി​ല​വാ​രം കു​റ​ഞ്ഞ എ​ക്സ്റേ മെ​ഷീ​നാ​ണ് പു​തി​യ കാ​ഷ്വാ​ലി​റ്റി ബ്ലോ​ക്കി​ൽ സ്ഥാ​പി​ച്ച​തെ​ന്നാ​ണ് ആ​രോ​പ​ണം.