പണവും മൊബൈലുകളും കവർന്ന നാടോടി സ്ത്രീ അറസ്​റ്റിൽ

രാമനാട്ടുകര: തൊഴിലാളികളുടെ താമസസ്ഥലത്ത് മോഷണം നടത്തി . എ.ബി.എം ഫോര്‍ കമ്പനിയുടെ തൊഴിലാളികളുടെ താമസസ്ഥലത്താണ് നാടോടി സ്ത്രീ മോഷണം നടത്തിയത്. തമിഴ് നാടോടി സ്ത്രീ ശിവകാമിയെയാണ് നാട്ടുകാര്‍ പിടികൂടി പൊലീസിലേല്‍പിച്ചത്. തോട്ടുങ്ങല്‍ കുറ്റിക്കാട്ടില്‍ ഷമീനയുടെ വീട്ടില്‍ ബുധനാഴ്ച മോഷ്​ടിക്കുന്നതിനിടെയാണ് നാട്ടുകാരുടെ പിടിയിലായത്. ചോദ്യം ചെയ്യലിലാണ് എ.ബി.എം ഫോര്‍ കമ്പനിയുടെ തൊഴിലാളികളുടെ താമസ സ്ഥലത്ത് മോഷണം നടത്തിയ വിവരം അറിയുന്നത്.

ആള്‍കൂട്ടത്തിനിടെ യുവതിയുടെ പക്കൽ നിന്നും കണ്ടെത്തിയ ഫോണുകളിലൊന്ന് തന്‍റെയാണെന്ന് തൊഴിലാളി പറഞ്ഞപ്പോള്‍ മറ്റെന്തെങ്കിലും നഷ്​ടപ്പെട്ടിട്ടുണ്ടോയെന്നു നോക്കാന്‍ തൊഴിലാളികള്‍ നിസരി ജങ്ഷനു സമീപത്തെ താമസസ്ഥലത്ത് അന്വേഷണം നടത്തിയത്. പൂട്ടുപൊളിച്ച് അകത്തുകയറിയാണ് മൊബൈല്‍ ഫോണുകളും 8000 രൂപയും അപഹരിച്ചത്.