കാ​ട്ടു​പോ​ത്തു​ക​ൾ വി​ല​സു​ന്നു; ക​ണ്ണ​ട​ച്ച് അ​ധി​കൃ​ത​ർ

കൂ​രാ​ച്ചു​ണ്ട്: ഗ്രാ​മ​പ​ഞ്ചാ​യ​ത്തി​ലെ വി​വി​ധ ഭാ​ഗ​ങ്ങ​ളി​ൽ കാ​ട്ടു​പോ​ത്തു​ക​ൾ വി​ല​സു​മ്പോ​ഴും അ​ധി​കൃ​ത​ർ ജാ​ഗ്ര​ത കാ​ണി​ക്കാ​ത്ത​തി​ന്റെ അ​ന​ന്ത​ര​ഫ​ല​മാ​ണ് ക​ക്ക​യം പാ​ലാ​ട്ട് അ​ബ്ര​ഹാ​മി​ന്റെ ദാ​രു​ണാ​ന്ത്യം. ക​ക്ക​യം വ​ന​മേ​ഖ​ല​യി​ൽ​നി​ന്ന് കാ​ട്ടു​പോ​ത്തു​ക​ൾ നി​ര​ന്ത​രം ജ​ന​വാ​സ കേ​ന്ദ്ര​ങ്ങ​ളി​ലേ​ക്ക് സ്വൈ​ര​വി​ഹാ​രം ന​ട​ത്തു​ക​യാ​ണ്.

12 കി​ലോ​മീ​റ്റ​ർ ദൂ​ര​ത്തു​ള്ള കൂ​രാ​ച്ചു​ണ്ടി​ലെ ജ​ന​വാ​സ​കേ​ന്ദ്ര​ങ്ങ​ളി​ൽ തി​ങ്ക​ളാ​ഴ്ച പ​ട്ടാ​പ്പ​ക​ൽ കാ​ട്ടു​പോ​ത്ത് ഇ​റ​ങ്ങി​യി​രു​ന്നു. ഭാ​ഗ്യം​കൊ​ണ്ടാ​ണ് ആ​രെ​യും ആ​ക്ര​മി​ക്കാ​തി​രു​ന്ന​ത്. ഒ​രു​മാ​സം മു​മ്പാ​ണ് ക​ക്ക​യ​ത്ത് വി​നോ​ദ​സ​ഞ്ചാ​രി​ക​ളാ​യ അ​മ്മ​യെ​യും മ​ക​ളെ​യും കാ​ട്ടു​പോ​ത്ത് ആ​ക്ര​മി​ച്ച് പ​രി​ക്കേ​ൽ​പി​ച്ച​ത്. മ​നു​ഷ്യ​ജീ​വ​ന് ഭീ​ഷ​ണി​യാ​യ കാ​ട്ടു​പോ​ത്തു​ക​ളെ വെ​ടി​വെ​ക്കാ​നു​ള്ള ഉ​ത്ത​ര​വ് ന​ൽ​ക​ണ​മെ​ന്ന് കൂ​രാ​ച്ചു​ണ്ട് ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്റ് പോ​ളി കാ​ര​ക്ക​ട തി​ങ്ക​ളാ​ഴ്ച ജി​ല്ല ക​ല​ക്ട​റോ​ട് ആ​വ​ശ്യ​പ്പെ​ട്ടി​രു​ന്നെ​ങ്കി​ലും ഉ​ത്ത​ര​വൊ​ന്നും ല​ഭി​ച്ചി​ല്ല.

പോ​ത്തി​ന്റെ ആ​ക്ര​മ​ണ​ത്തി​ൽ ഒ​രാ​ൾ മ​രി​ച്ച​തോ​ടെ ജ​ന​വാ​സ​കേ​ന്ദ്ര​ത്തി​ൽ ഇ​റ​ങ്ങി​യ പോ​ത്തു​ക​ളെ വെ​ടി​വെ​ക്കാ​ൻ ഉ​ത്ത​ര​വി​ട​ണ​മെ​ന്ന് സ​മ്മ​ർ​ദം ശ​ക്ത​മാ​യി​ട്ടു​ണ്ട്. അ​തു​കൊ​ണ്ട് ജി​ല്ല ക​ല​ക്ട​ർ ഉ​ന്ന​ത വ​നം വ​കു​പ്പ് ഉ​ദ്യോ​ഗ​സ്ഥ​രു​മാ​യി ആ​ലോ​ചി​ച്ച് ഉ​ത്ത​ര​വി​റ​ക്കു​മെ​ന്നാ​ണ് അ​റി​യു​ന്ന​ത്. കാ​ട്ടു​പോ​ത്തു​ക​ൾ മാ​ത്ര​മ​ല്ല കാ​ട്ടാ​ന​ക​ളും കൂ​രാ​ച്ചു​ണ്ട് പ​ഞ്ചാ​യ​ത്തി​ലെ ജ​ന​ജീ​വി​ത​ത്തി​ന് ത​ട​സ്സ​മാ​വു​ക​യാ​ണ്.

ഒ​രാ​ഴ്ച മു​മ്പ് ക​ക്ക​യം 30ാം മൈ​ലി​ൽ തു​വ്വ​ക്ക​ട​വ് മേ​ഖ​ല​യി​ൽ കാ​ട്ടാ​ന​ക്കൂ​ട്ടം വ്യാ​പ​ക​മാ​യി കൃ​ഷി ന​ശി​പ്പി​ച്ചു. വ​ന്യ​മൃ​ഗ​ങ്ങ​ൾ കാ​ടി​റ​ങ്ങു​ന്ന​ത് ത​ട​യാ​ൻ വ​നം വ​കു​പ്പ് കാ​ര്യ​ക്ഷ​മ​മാ​യ ഒ​രു ന​ട​പ​ടി​യും സ്വീ​ക​രി​ക്കു​ന്നി​ല്ലെ​ന്നാ​ണ് നാ​ട്ടു​കാ​രു​ടെ പ​രാ​തി. പെ​രു​വ​ണ്ണാ​മൂ​ഴി ഫോ​റ​സ്റ്റ് റേ​ഞ്ചി​നു കീ​ഴി​ലെ ക​ക്ക​യം ഡി​വി​ഷ​നി​ൽ ആ​വ​ശ്യ​ത്തി​ന് വ​ന​പാ​ല​ക​രോ സം​വി​ധാ​ന​ങ്ങ​ളോ ഇ​ല്ലെ​ന്നാ​ണ് ആ​രോ​പ​ണം.

വ​ന്യ​മൃ​ഗ​ങ്ങ​ളെ തു​ര​ത്താ​ൻ കു​റ​ച്ച് പ​ട​ക്ക​മ​ല്ലാ​തെ മ​റ്റൊ​ന്നു​മി​ല്ല. കാ​ട്ടാ​ന​ക​ളെ തു​ര​ത്താ​ൻ പ​ട​ക്കം ഉ​പ​യോ​ഗി​ച്ച​പ്പോ​ൾ കൈ​യി​ലി​രു​ന്ന് പൊ​ട്ടി ഫോ​റ​സ്റ്റ് വാ​ച്ച​ർ​ക്ക് പ​രി​ക്കേ​റ്റി​രു​ന്നു. കാ​ട്ടു​മൃ​ഗ​ശ​ല്യം ഇ​ങ്ങ​നെ അ​ധി​ക​രി​ക്കു​ക​യാ​ണെ​ങ്കി​ൽ എ​ല്ലാം ഉ​പേ​ക്ഷി​ച്ച് സു​ര​ക്ഷി​ത താ​വ​ളം തേ​ടി പോ​കേ​ണ്ടി​വ​രു​മെ​ന്നാ​ണ് ക​ർ​ഷ​ക​ർ പ​റ​യു​ന്ന​ത്. കാ​ട്ടു​പ​ന്നി, മു​ള്ള​ൻ​പ​ന്നി, കു​ര​ങ്ങ് തു​ട​ങ്ങി​യ​വ​യു​ടെ ശ​ല്യ​വും കൂ​രാ​ച്ചു​ണ്ട് പ​ഞ്ചാ​യ​ത്തി​ൽ ഉ​ട​നീ​ള​മു​ണ്ട്.