ഇ​രു​മു​ന്ന​ണി​ക​ളും ഒ​പ്പ​ത്തി​നൊ​പ്പ​ം; ഉണ്ണികുളത്ത് ഭാഗ്യം ആരെ തുണക്കും​?

എ​ക​രൂ​ല്‍: ഉ​ണ്ണി​കു​ളം പ​ഞ്ചാ​യ​ത്ത്‌ ആ​രു ഭ​രി​ക്ക​ണ​മെ​ന്ന്‍ ഇ​ത്ത​വ​ണ​യും ഭാ​ഗ്യം തീ​രു​മാ​നി​ക്കും. ആ​കെ​യു​ള്ള 23ല്‍ 10 ​സീ​റ്റ് വീ​തം നേ​ടി ഇ​രു​മു​ന്ന​ണി​ക​ളും ഒ​പ്പ​ത്തി​നൊ​പ്പ​മാ​യ​തി​നാ​ൽ ന​റു​ക്കെ​ടു​പ്പി​ലൂ​ടെ ഭ​ര​ണം തീ​രു​മാ​നി​ക്കേ​ണ്ടി​വ​രു​ന്ന സ്ഥി​തി​യി​ലേ​ക്കാ​ണ് കാ​ര്യ​ങ്ങ​ള്‍ നീ​ങ്ങു​ന്ന​ത്.

മൂ​ന്ന്​ വാ​ര്‍ഡു​ക​ളി​ല്‍ വി​ജ​യി​ച്ച എ​ന്‍.​ഡി.​എ​യു​ടെ പി​ന്തു​ണ തേ​ടി​ല്ലെ​ന്ന് ഇ​രു​മു​ന്ന​ണി​ക​ളും തീ​രു​മാ​ന​മെ​ടു​ക്കു​ക​യും ഇ​രു​മു​ന്ന​ണി​ക​ളെ​യും പി​ന്തു​ണ​ക്കി​ല്ലെ​ന്ന് എ​ന്‍.​ഡി.​എ നി​ല​പാ​ടെ​ടു​ക്കു​ക​യും ചെ​യ്ത​തോ​ടെ​യാ​ണ് ന​റു​ക്കെ​ടു​പ്പി​ന് സാ​ധ്യ​ത കൂ​ടി​യ​ത്. 30ന് ​രാ​വി​ലെ പ്ര​സി​ഡ​ൻ​റ്​ തെ​ര​ഞ്ഞെ​ടു​പ്പും ഉ​ച്ച​ക്ക്​ ശേ​ഷം വൈ​സ് പ്ര​സി​ഡ​ൻ​റ്​ തെ​ര​ഞ്ഞെ​ടു​പ്പും ന​ട​ക്കും.

മൂ​ന്നു മു​ന്ന​ണി​ക​ളും സ്ഥാ​നാ​ര്‍ഥി​ക​ളെ നി​ര്‍ത്തി മ​ത്സ​ര രം​ഗ​ത്തു​ണ്ടാ​വും. വോ​ട്ടെ​ടു​പ്പി​ല്‍ തു​ല്യ​ത പാ​ലി​ച്ചാ​ല്‍ പി​ന്നീ​ട് ന​റു​ക്കെ​ടു​പ്പി​ലേ​ക്ക് ക​ട​ക്കും. ആ​രു​ടെ​യെ​ങ്കി​ലും വോ​ട്ട് അ​സാ​ധു​വാ​യാ​ല്‍ ന​റു​ക്കെ​ടു​പ്പ് ഇ​ല്ലാ​തെ​ത്ത​ന്നെ മ​റു​പ​ക്ഷം വി​ജ​യി​ക്കും. അ​തു​കൊ​ണ്ടു​ത​ന്നെ വ​ള​രെ ശ്ര​ദ്ധ​യോ​ടെ കൈ​കാ​ര്യം ചെ​യ്തി​ല്ലെ​ങ്കി​ല്‍ ഭ​ര​ണ​മാ​ണ് മു​ന്ന​ണി​ക​ള്‍ക്ക് ന​ഷ്​​ട​മാ​വു​ക.

മൂ​ന്ന് അം​ഗ​ങ്ങ​ളു​ള്ള എ​ന്‍.​ഡി.​എ​യും മ​ത്സ​ര രം​ഗ​ത്തു​ണ്ടാ​വും. ആ​ര്‍ക്കും കേ​വ​ല ഭൂ​രി​പ​ക്ഷം ല​ഭി​ക്കാ​തെ വ​ന്ന​തി​നെ തു​ട​ര്‍ന്ന്‍ ഫ​ല​പ്ര​ഖ്യാ​പ​ന ദി​നം മ്ലാ​ന​ത​യി​ലാ​യ ഇ​ട​ത് -വ​ല​ത് മു​ന്ന​ണി പ്ര​വ​ര്‍ത്ത​ക​ര്‍ ബു​ധ​ന​ഴ്ച ന​ട​ക്കു​ന്ന പ്ര​സി​ഡ​ൻ​റ്, വൈ​സ് പ്ര​സി​ഡ​ൻ​റ്​ തെ​ര​ഞ്ഞെ​ടു​പ്പി​ല്‍ പ്ര​തീ​ക്ഷ​യ​ര്‍പ്പി​ച്ച് ആ​കാം​ക്ഷ​യോ​ടെ കാ​ത്തി​രി​ക്കു​ക​യാ​ണ്.