വെൽഫെയർ പാർട്ടി യുദ്ധവിരുദ്ധ സംഗമം

കോഴിക്കോട്: റഷ്യയുടെ യുക്രെയ്ൻ അധിനിവേശത്തിനെതിരെ കേന്ദ്ര സർക്കാർ മൗനം വെടിയണമെന്ന് വെൽഫെയർ പാർട്ടി സംസ്ഥാന സെക്രട്ടറി പി.കെ. അബ്ദുറഹിമാൻ. പാർട്ടി ജില്ല കമ്മിറ്റി നടത്തിയ യുദ്ധവിരുദ്ധ സംഗമം ഉദ്ഘാടനം ചെയ്യുകയായിരുന്നു അദ്ദേഹം. ജില്ല വൈസ് പ്രസിഡന്‍റ് എ.പി. വേലായുധൻ അധ്യക്ഷത വഹിച്ചു. ടി.കെ. മാധവൻ, രമേശ് നന്മണ്ട, നഈം ഗഫൂർ, മുസ്തഫ പാലാഴി, ഇ.പി. അൻവർ സാദത്ത് എന്നിവർ സംസാരിച്ചു.