wdd3

മദ്യലഹരിയിൽ വാക്കേറ്റം; മരുമകന്റെ അടിയേറ്റ് വീണ മധ്യവയസ്കൻ മരിച്ചു WDD THU MANI KOOPUKOLANY 56 കാട്ടിക്കുളം: മദ്യലഹരിയിലുണ്ടായ വാക്കേറ്റത്തിൽ മരുമകന്റെ അടിയേറ്റ് വീണ മധ്യവയസ്കൻ മരിച്ചു. കാട്ടിക്കുളം ചേലൂർ കൂപ്പ് കോളനിയിലെ മണി (56) ആണ് മരിച്ചത്. സംഭവവുമായി ബന്ധപ്പെട്ട് മണിയുടെ സഹോദരിയുടെ മകൻ രാജ്‌മോഹനെ തിരുനെല്ലി പൊലീസ് കസ്റ്റഡിയിലെടുത്തു. വ്യാഴാഴ്ച ഉച്ചക്ക് രണ്ടോടെയാണ് സംഭവം. രാജ്‌മോഹന്റെ അടിയേറ്റ് വീണ മണിയുടെ തല കോൺക്രീറ്റ് ഭിത്തിയിൽ ഇടിക്കുകയായിരുന്നു. തലയുടെ പിൻവശത്തെ ആഴത്തിലുള്ള മുറിവാണ് മരണകാരണമെന്ന് പൊലീസ് പറഞ്ഞു. പ്രദേശവാസികൾ ഇരുവരെയും മാനന്തവാടിയിലെ വയനാട് ഗവ. മെഡിക്കൽ കോളജ് ആശുപത്രിയിലെത്തിച്ചെങ്കിലും രക്ഷിക്കാനായില്ല. ആശുപത്രിയിൽനിന്നാണ് രാജ്‌മോഹനെ പൊലീസ് കസ്റ്റഡിയിലെടുത്തത്. മരിച്ച മണി അവിവാഹിതനാണ്. തിരുനെല്ലി ഇൻസ്പെക്ടർ പി.എൽ. ഷൈജുവിന്റെ നേതൃത്വത്തിൽ ഇൻക്വസ്റ്റ് നടത്തിയ മൃതദേഹം മെഡിക്കൽ കോളജിൽ പോസ്റ്റ്‌മോർട്ടം നടത്തി.