ജലവിതരണ പൈപ്പ് പൊട്ടി; കുടിവെള്ളം മുട്ടി

കു​ന്ദ​മം​ഗ​ലം: പ​ഞ്ചാ​യ​ത്തി​ലെ ചെ​ത്തു​ക​ട​വ് കു​രി​ക്ക​ത്തൂ​ർ റോ​ഡി​ൽ ശി​വ​ഗി​രി​യി​ൽ ജ​ല​വി​ത​ര​ണ പൈ​പ്പ് പൊ​ട്ടി​യ​തോ​ടെ കു​ടി​വെ​ള്ളം മു​ട്ടി ദു​രി​ത​ത്തി​ലാ​യി നി​ര​വ​ധ കു​ടും​ബ​ങ്ങ​ൾ. ചെ​ത്തു​ക​ട​വ് കു​രി​ക്ക​ത്തൂ​ർ റോ​ഡി​ന്റെ പു​ന​ർ​നി​ർ​മാ​ണം ന​ട​ന്നു​വ​രു​ക​യാ​ണ്.

ഇ​തി​ന്റെ ഭാ​ഗ​മാ​യി ശി​വ​ഗി​രി​യി​ൽ റോ​ഡി​ലെ ക​യ​റ്റം കു​റ​ക്കു​ന്ന​തി​ന്റെ പ്ര​വൃ​ത്തി ന​ട​ക്കു​ന്ന​തി​നി​ട​യി​ലാ​ണ് റോ​ഡി​ന് കു​റു​കെ​യു​ള്ള പ്ര​ധാ​ന പൈ​പ്പ് പൊ​ട്ടി​യ​ത്. ദി​വ​സ​ങ്ങ​ൾ​ക്കു​മു​മ്പ് പൊ​ട്ടി​യ പൈ​പ്പ് ന​ന്നാ​ക്കു​ന്ന​തി​നാ​യി ജ​ല​വ​കു​പ്പ് ഉ​ദ്യോ​ഗ​സ്ഥ​രെ​യും ജ​ന​പ്ര​തി​നി​ധി​ക​ളെ​യും ബ​ന്ധ​പ്പെ​ട്ടെ​ങ്കി​ലും ഇ​തു​വ​രെ പ്ര​ശ്ന​ത്തി​ന് പ​രി​ഹാ​രം കാ​ണാ​നാ​യി​ല്ലെ​ന്ന് നാ​ട്ടു​കാ​ർ പ​റ​യു​ന്നു.

ജ​ല​വി​ത​ര​ണം മു​ട​ങ്ങി​യ​തോ​ടെ കു​ന്ദ​മം​ഗ​ലം പ​ഞ്ചാ​യ​ത്തി​ലെ 12,14 വാ​ർ​ഡു​ക​ളി​ലെ കു​ടും​ബ​ങ്ങ​ളാ​ണ് പ്ര​യാ​സ​ല​ത്തി​ലാ​യ​ത്. വേ​ന​ൽ ക​ന​ത്ത​തോ​ടെ പ​ല വീ​ടു​ക​ളി​ലും കി​ണ​റു​ക​ൾ വ​റ്റി​വ​ര​ണ്ട സ്ഥി​തി​യാ​ണ്. ജ​ൽ​ജീ​വ​ൻ പ​ദ്ധ​തി വ​ന്ന​തോ​ടെ പ്രാ​ദേ​ശി​ക കു​ടി​വെ​ള്ള പ​ദ്ധ​തി​ക​ളും ഏ​റ​ക്കു​റെ നി​ല​ച്ച മ​ട്ടാ​ണ്. അ​തേ​സ​മ​യം പ്ര​ശ്നം ശ്ര​ദ്ധ​യി​ൽ​പ്പെ​ട്ടെ​ന്നും അ​ടു​ത്ത ദി​വ​സം ത​ന്നെ പ​രി​ഹ​രി​ക്കു​മെ​ന്നും ജ​ല​വ​കു​പ്പ് അ​ധി​കൃ​ത​ർ പ​റ​ഞ്ഞു.