കാത്തിരിപ്പിന് അറുതി; വല്ലത്താ‌യിക്കടവ് പാലം ‍നിര്‍മാണത്തിന് അനുമതി

മു​ക്കം: കാ​ര​ശ്ശേ​രി പ​ഞ്ചാ​യ​ത്തി​ൽ ചെ​റു​പു​ഴ​യു​ടെ വ​ല്ല​ത്താ‌​യി​ക്ക​ട​വി​ൽ കോ​ൺ​ക്രീ​റ്റ് പാ​ലം നി​ർ​മി​ക്കു​ന്ന​തി​ന് 4.7 കോ​ടി​യു​ടെ ഭ​ര​ണാ​നു​മ​തി ല​ഭി​ച്ച​താ​യി ലി​ന്‍റോ ജോ​സ​ഫ് എം.​എ​ല്‍.​എ അ​റി​യി​ച്ചു. മ​ഴ ശ​ക്ത​മാ​വു​ക​യോ മ​ല​വെ​ള്ള​പ്പാ​ച്ചി​ലു​ണ്ടാ​വു​ക​യോ ചെ​യ്താ​ൽ ദി​വ​സ​ങ്ങ​ളോ​ളം വെ​ള്ള​ത്തി​ല്‍ മു​ങ്ങു​ന്ന വെ​ന്‍റ് പൈ​പ്പ് പാ​ല​മാ​ണ് ഇ​വി​ടെ​യു​ള്ള​ത്. മ​ഴ​യാ​രം​ഭി​ച്ചാ​ൽ പാ​ലം വെ​ള്ള​ത്തി​ൽ മു​ങ്ങി ഗ​താ​ഗ​തം ദി​വ​സ​ങ്ങ​ളോ​ളം ത​ട​സ്സ​പ്പെ​ടു​ക പ​തി​വാ​ണ്. മു​ക്ക​ത്തു​നി​ന്ന് കാ​ര​മൂ​ല വ​ഴി വ​ല്ല​ത്താ​യി​പ്പാ​റ, തേ​ക്കും​കു​റ്റി, കൂ​മ്പാ​റ, ക​ക്കാ​ടം​പൊ​യി​ൽ ഭാ​ഗ​ത്തേ​ക്ക് എ​ളു​പ്പ​ത്തി​ൽ എ​ത്തി​ച്ചേ​രാ​നു​ള്ള മാ​ർ​ഗ​മാ​ണി​ത്. ഈ ​ഭാ​ഗ​ങ്ങ​ളി​ലെ വി​ദ്യാ​ർ​ഥി​ക​ൾ മു​ക്ക​ത്തെ​യും കാ​ര​മൂ​ല​യി​ലെ​യും വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ൽ എ​ത്തു​ന്ന​തും ഇ​തു​വ​ഴി​യാ​ണ്.

മ​ഴ​യി​ൽ വെ​ള്ള​ത്തി​ൽ മു​ങ്ങു​ന്ന വെൻറ് പൈ​പ്പ് പാ​ല​ത്തി​നു​പ​ക​രം ഇ​വി​ടെ കോ​ൺ​ക്രീ​റ്റ് പാ​ലം വേ​ണ​മെ​ന്ന ആ​വ​ശ്യ​ത്തി​ന് വ​ര്‍ഷ​ങ്ങ​ളു​ടെ പ​ഴ​ക്ക​മു​ണ്ട്. കോ​ണ്‍ക്രീ​റ്റ് പാ​ലം പ​ണി​യാ​ൻ നാ​ലു​കോ​ടി രൂ​പ​യു​ടെ ഭ​ര​ണാ​നു​മ​തി ല​ഭി​ക്കു​ക​യും 2021 ഫെ​ബ്രു​വ​രി​യി​ൽ അ​ന്ന​ത്തെ പൊ​തു​മ​രാ​മ​ത്ത് മ​ന്ത്രി പ്ര​വൃ​ത്തി ഉ​ദ്ഘാ​ട​നം ന​ട​ത്തു​ക​യും ചെ​യ്തു. എ​ന്നാ​ല്‍, അ​പ്രോ​ച്ച് റോ​ഡ് നി​ർ​മാ​ണ​ത്തി​ന് സ്ഥ​ലം ല​ഭ്യ​മാ​വാ​തെ വ​ന്ന​തോ​ടെ പ്ര​വൃ​ത്തി ആ​രം​ഭി​ക്കു​ന്ന​ത് നീ​ണ്ടു. അ​പ്രോ​ച്ച് റോ​ഡി​ന് പ​രി​ഹാ​ര​മാ​യെ​ങ്കി​ലും പൊ​തു​മ​രാ​മ​ത്ത് വ​കു​പ്പി​ന്‍റെ നി​ര​ക്ക് പ​രി​ഷ്ക​ര​ണം വി​ല​ങ്ങു​ത​ടി​യാ​യി. ഇ​തി​നാ​ണ് ഇ​പ്പോ​ള്‍ പു​തു​ക്കി​യ ഭ​ര​ണാ​നു​മ​തി ല​ഭി​ച്ച​തോ​ടെ പ​രി​ഹാ​ര​മാ​യി​രി​ക്കു​ന്ന​ത്.