കോ​ഴി​ക്കോ​ട് ജില്ലയിൽ 25,25,712 വോട്ടര്‍മാര്‍; അന്തിമ വോട്ടര്‍പട്ടിക പ്രസിദ്ധീകരിച്ചു

കോ​ഴി​ക്കോ​ട്: പ്ര​ത്യേ​ക സം​ക്ഷി​പ്ത വോ​ട്ട​ര്‍പ​ട്ടി​ക പു​തു​ക്ക​ലി​ന്റെ ഭാ​ഗ​മാ​യി ജി​ല്ല​യി​ലെ അ​ന്തി​മ വോ​ട്ട​ര്‍പ​ട്ടി​ക പ്ര​സി​ദ്ധീ​ക​രി​ച്ചു. ആ​കെ 25,25,712 വോ​ട്ട​ര്‍മാ​രാ​ണ് പ​ട്ടി​ക​യി​ലു​ള്ള​ത്. 13,02,649 സ്ത്രീ ​വോ​ട്ട​ര്‍മാ​രും 12,23,014 പു​രു​ഷ വോ​ട്ട​ര്‍മാ​രും 49 ഭി​ന്ന​ലിം​ഗ വോ​ട്ട​ര്‍മാ​രും 34,695 പ്ര​വാ​സി വോ​ട്ട​ര്‍മാ​രും ലി​സ്റ്റി​ലു​ണ്ട്.

2023 ജ​നു​വ​രി ഒ​ന്ന് യോ​ഗ്യ​ത തീ​യ​തി​യാ​യു​ള്ള അ​ന്തി​മ വോ​ട്ട​ര്‍പ​ട്ടി​ക​യാ​ണ് പ്ര​സി​ദ്ധീ​ക​രി​ച്ച​ത്. 2022 സെ​പ്റ്റം​ബ​ര്‍ ഒ​മ്പ​തി​ന് പ്ര​സി​ദ്ധീ​ക​രി​ച്ച ക​ര​ട് വോ​ട്ട​ര്‍പ​ട്ടി​ക​യി​ല്‍ ആ​കെ വോ​ട്ട​ര്‍മാ​രു​ടെ എ​ണ്ണം 25,19,755 ആ​യി​രു​ന്നു. ക​ര​ട് വോ​ട്ട​ര്‍ പ​ട്ടി​ക പ്ര​സി​ദ്ധീ​ക​രി​ച്ച 2022 സെ​പ്റ്റം​ബ​ർ11 മു​ത​ല്‍ 2022 ഡി​സം​ബ​ർ 18 വ​രെ​യു​ള്ള സം​ക്ഷി​പ്ത വോ​ട്ട​ര്‍പ​ട്ടി​ക പു​തു​ക്ക​ല്‍ കാ​ല​യ​ള​വി​ല്‍ ന​ട​ന്ന വോ​ട്ട​ര്‍പ​ട്ടി​ക ശു​ദ്ധീ​ക​ര​ണ പ്ര​ക്രി​യ​യു​ടെ പ​ശ്ചാ​ത്ത​ല​ത്തി​ല്‍ മ​ര​ണ​പ്പെ​ട്ട​തും താ​മ​സം മാ​റി​യ​തു​മു​ള്‍പ്പെ​ടെ 16,322 വോ​ട്ട​ര്‍മാ​രെ പ​ട്ടി​ക​യി​ല്‍നി​ന്ന് ഒ​ഴി​വാ​ക്കി​യി​ട്ടു​ണ്ട്.

സം​സ്ഥാ​ന മു​ഖ്യ തെ​ര​ഞ്ഞെ​ടു​പ്പ് ഓ​ഫി​സ​ര്‍ സ​ഞ്ജ​യ് കൗ​ളി​ന്റെ നി​ര്‍ദേ​ശ​പ്ര​കാ​രം ജി​ല്ല​ക​ള്‍തോ​റും വോ​ട്ട​ര്‍പ​ട്ടി​ക പു​തു​ക്ക​ലി​നാ​യി തീ​വ്ര​യ​ജ്ഞ​മാ​ണ് ന​ട​ന്ന​ത്. കൂ​ടു​ത​ല്‍ വോ​ട്ട​ര്‍മാ​ര്‍ പ​ട്ടി​ക​യി​ല്‍നി​ന്ന് നീ​ക്ക​പ്പെ​ട്ട​ത് വോ​ട്ട​ര്‍പ​ട്ടി​ക ശു​ദ്ധീ​ക​രി​ച്ചു​വെ​ന്ന​തി​ന് തെ​ളി​വാ​ണെ​ന്ന് സ​ഞ്ജ​യ് കൗ​ള്‍ പ​റ​ഞ്ഞു. പ്ര​ത്യേ​ക സം​ക്ഷി​പ്ത വോ​ട്ട​ര്‍പ​ട്ടി​ക പു​തു​ക്ക​ല്‍ കാ​ല​യ​ള​വി​ല്‍ ബൂ​ത്ത് ലെ​വ​ല്‍ ഓ​ഫി​സ​ര്‍മാ​ര്‍ നി​ര​ന്ത​രം വീ​ടു​ക​ള്‍ സ​ന്ദ​ര്‍ശി​ച്ചാ​ണ് ഏ​റ്റ​വും പു​തി​യ വി​വ​ര​ങ്ങ​ള്‍ ശേ​ഖ​രി​ച്ച​ത്.

സം​സ്ഥാ​ന മു​ഖ്യ തെ​ര​ഞ്ഞെ​ടു​പ്പ് ഓ​ഫി​സ​റു​ടെ വെ​ബ്‌​സൈ​റ്റി​ല്‍ (www.ceo.kerala.gov.in) അ​ന്തി​മ വോ​ട്ട​ര്‍പ​ട്ടി​ക വി​വ​ര​ങ്ങ​ള്‍ ല​ഭ്യ​മാ​ണ്. കൂ​ടാ​തെ സൂ​ക്ഷ്മ പ​രി​ശോ​ധ​ന​ക​ൾ​ക്ക് താ​ലൂ​ക്ക് ഓ​ഫി​സു​ക​ളി​ലും വി​ല്ലേ​ജ് ഓ​ഫി​സു​ക​ളി​ലും ബൂ​ത്ത് ലെ​വ​ല്‍ ഓ​ഫി​സ​റു​ടെ കൈ​വ​ശ​വും അ​ന്തി​മ വോ​ട്ട​ര്‍പ​ട്ടി​ക ല​ഭി​ക്കും. അം​ഗീ​കൃ​ത രാ​ഷ്ട്രീ​യ പാ​ര്‍ട്ടി​ക​ള്‍ക്ക് താ​ലൂ​ക്ക് ഓ​ഫി​സു​ക​ളി​ല്‍നി​ന്ന് വോ​ട്ട​ര്‍പ​ട്ടി​ക കൈ​പ്പ​റ്റി സൂ​ക്ഷ്മ​പ​രി​ശോ​ധ​ന ന​ട​ത്താം.