കൂ​ട്ട​ത്തോ​ടെ വോ​ട്ട് ത​ള്ള​ൽ; തെ​ര​ഞ്ഞെ​ടു​പ്പ് ഫ​യ​ലു​ക​ൾ ക​ണ്ടെ​ത്താ​നാ​യി​ല്ല, ഡെ​പ്യൂ​ട്ടി ഡ​യ​റ​ക്ട​ർ ന​ഗ​ര​സ​ഭ​യി​ൽ പ​രി​ശോ​ധ​ന​ക്കെ​ത്തി

കൊ​ടു​വ​ള്ളി: കൂ​ട്ട​ത്തോ​ടെ വോ​ട്ട് ത​ള്ളി​യ കൊ​ടു​വ​ള്ളി ന​ഗ​ര​സ​ഭ​യി​ൽ വോ​ട്ട​ർ​മാ​ർ ജി​ല്ല ക​ല​ക്ട​ർ​ക്ക് ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ൽ ത​ദ്ദേ​ശ വ​കു​പ്പ് ഡെ​പ്യൂ​ട്ടി ഡ​യ​റ​ക്ട​ർ ബൈ​ജു ജോ​സ് ന​ഗ​ര​സ​ഭ​യി​ൽ പ​രി​ശോ​ധ​ന​ക്കെ​ത്തി. ശ​നി​യാ​ഴ്ച ഉ​ച്ച​ക്ക് 12.30ഓ​ടെ​യാ​ണ് ജി​ല്ല ക​ല​ക്ട​റു​ടെ നി​ർ​ദേ​ശ​പ്ര​കാ​രം പ​രി​ശോ​ധ​ന​ക്കെ​ത്തി​യ​ത്. അ​സി. ഇ​ല​ക്ട​റ​ൽ ര​ജി​സ്‌​ട്രേ​ഷ​ൻ ഓ​ഫി​സ​റാ​യ ന​ഗ​ര​സ​ഭ അ​സി. സെ​ക്ര​ട്ട​റി പി. ​സി​ന്ധു​വി​നോ​ട് ഫ​യ​ലു​ക​ൾ ആ​വ​ശ്യ​പ്പെ​ട്ടു.

സെ​ക്ര​ട്ട​റി​യു​ടെ ഓ​ഫി​സ് പ​രി​ശോ​ധി​ച്ചെ​ങ്കി​ലും വോ​ട്ട​ർ പ​ട്ടി​ക പു​തു​ക്ക​ൽ ഫോ​റ​ങ്ങ​ളും മ​റ്റു രേ​ഖ​ക​ളും ഉ​ൾ​പ്പെ​ട്ട ഫ​യ​ലു​ക​ളൊ​ന്നും ക​ണ്ടെ​ത്താ​ൻ ക​ഴി​ഞ്ഞി​ല്ല. ഇ​ക്കാ​ര്യ​ത്തി​ലു​ള്ള നി​യ​മാ​നു​സൃ​ത ന​ട​പ​ടി​ക്ര​മ​ങ്ങ​ൾ പാ​ലി​ക്ക​പ്പെ​ട്ടി​ട്ടി​ല്ലെ​ന്നും ബോ​ധ്യ​പ്പെ​ട്ടു. ന​ഗ​ര​സ​ഭ ചെ​യ​ർ​മാ​ൻ വെ​ള്ള​റ അ​ബ്ദു ഉ​ൾ​പ്പെ​ടെ​യു​ള്ള​വ​രി​ൽ​നി​ന്നും ഓ​ഫി​സ് ജീ​വ​ന​ക്കാ​രി​ൽ​നി​ന്നും ഡെ​പ്യൂ​ട്ടി ഡ​യ​റ​ക്ട​ർ വി​വ​ര​ങ്ങ​ൾ ചോ​ദി​ച്ചു​മ​ന​സ്സി​ലാ​ക്കു​ക​യും ചെ​യ്തു.

തു​ട​ർ​ന്ന് കൊ​ടു​വ​ള്ളി ന​ഗ​ര​സ​ഭ​യി​ലെ 37 വാ​ർ​ഡു​ക​ളി​ൽ​നി​ന്നും വി​വി​ധ അ​പേ​ക്ഷ​ക​ർ ഒ​പ്പി​ട്ടു സ​മ​ർ​പ്പി​ച്ച മു​ഴു​വ​ൻ അ​ഞ്ച്, 13, 14 ഫോ​റ​ങ്ങ​ളും അ​വ വി​ത​ര​ണം ന​ട​ത്തി​യ​തു​മാ​യി ബ​ന്ധ​പ്പെ​ട്ട മ​റ്റു രേ​ഖ​ക​ളും ബ​ൾ​ക്ക് ട്രാ​ൻ​സ്ഫ​ർ ന​ട​ത്തി​യ​ത് സം​ബ​ന്ധി​ച്ച നോ​ട്ടീ​സും അ​നു​ബ​ന്ധ രേ​ഖ​ക​ളും കൊ​ടു​വ​ള്ളി ന​ഗ​ര​സ​ഭ ഓ​ഫി​സി​ലി​ല്ലെ​ന്നും ബ​ൾ​ക്ക് ട്രാ​ൻ​സ്ഫ​ർ സം​ബ​ന്ധി​ച്ച നി​യ​മാ​നു​സൃ​തം പാ​ലി​ക്കേ​ണ്ട ഒ​രു ന​ട​പ​ടി​ക്ര​മ​ങ്ങ​ളും പാ​ലി​ച്ചി​ട്ടി​ല്ല എ​ന്നും അ​സി. സെ​ക്ര​ട്ട​റി ഡി.​ഡി​ക്ക് രേ​ഖാ​മൂ​ലം മ​റു​പ​ടി ന​ൽ​കി. റി​പ്പോ​ർ​ട്ടി​ലെ വി​ശ​ദാം​ശ​ങ്ങ​ൾ ജോ. ​ഡ​യ​റ​ക്‌​ട​ർ​ക്കും ജി​ല്ല ക​ല​ക്ട​ർ​ക്കും കൈ​മാ​റു​മെ​ന്നും തു​ട​ർ​ന​ട​പ​ടി​ക്കാ​യി ശി​പാ​ർ​ശ ചെ​യ്യു​മെ​ന്നും ഡെ​പ്യൂ​ട്ടി ഡ​യ​റ​ക്ട​ർ അ​റി​യി​ച്ചു.

ഇ​ല​ക്ഷ​ൻ ചു​മ​ത​ല​യു​ള്ള ന​ഗ​ര​സ​ഭ സെ​ക്ര​ട്ട​റി ഓ​ഫി​സി​ലെ​ത്തി​യി​ട്ട് ഒ​രാ​ഴ്ച പി​ന്നി​ട്ടി​രി​ക്കു​ക​യാ​ണ്. തി​ങ്ക​ളാ​ഴ്ച വോ​ട്ട​ർ​പ​ട്ടി​ക​യി​ൽ​നി​ന്ന് പു​റ​ത്താ​യ​വ​ർ കൂ​ട്ട​ത്തോ​ടെ ക​ല​ക്ട‌​റേ​റ്റി​ന് മു​ന്നി​ൽ പ്ര​തി​ഷേ​ധി​ക്കു​ക​യും ക​ല​ക്ട​ർ​ക്ക് പ​രാ​തി ന​ൽ​കു​ക​യും ചെ​യ്തി​രു​ന്നു. മൂ​ന്നു ദി​വ​സ​ത്തി​നു​ള്ളി​ൽ അ​ന്വേ​ഷി​ച്ച് റി​പ്പോ​ർ​ട്ട് ന​ൽ​കാ​ൻ ക​ല​ക്ട‌​ർ ഉ​ത്ത​ര​വി​ട്ടി​രു​ന്നു. ഇ​തി​ൽ തു​ട​ർ​ന​ട​പ​ടി​ക​ൾ സ്വീ​ക​രി​ക്കേ​ണ്ട സെ​ക്ര​ട്ട​റി ന​ഗ​ര​സ​ഭ​യി​ലെ​ത്താ​ത്ത​തി​നാ​ൽ ആ​ളു​ക​ൾ​ക്ക് കൃ​ത്യ​മാ​യ മ​റു​പ​ടി കി​ട്ടാ​ത്ത​തി​നാ​ൽ അ​നി​ശ്ചി​ത​ത്വം തു​ട​രു​ക​യും ന​ഗ​ര​സ​ഭ​യി​ൽ വ​ലി​യ പ്ര​തി​ഷേ​ധ​ങ്ങ​ൾ​ക്ക് കാ​ര​ണ​മാ​വു​ക​യും ചെ​യ്തു.

ന​ഗ​ര​സ​ഭ​യി​ലെ 22ഓ​ളം വാ​ർ​ഡു​ക​ളി​ൽ​നി​ന്ന് വോ​ട്ട​ർ​മാ​രെ കൂ​ട്ട​ത്തോ​ടെ ഒ​ഴി​വാ​ക്കു​ക​യോ മ​റ്റു വാ​ർ​ഡു​ക​ളി​ലേ​ക്ക് മാ​റ്റു​ക​യോ ആ​ണ് ചെ​യ്ത​ത്. എ​ൽ.​ഡി.​എ​ഫ് ഇ​ല​ക്ഷ​ൻ ചു​മ​ത​ല​യു​ള്ള ഉ​ദ്യോ​ഗ​സ്ഥ​രെ സ്വാ​ധീ​നി​ച്ച് വോ​ട്ട​ർ പ​ട്ടി​ക​യി​ൽ ക്ര​മ​ക്കേ​ട് ന​ട​ത്തു​ക​യാ​യി​രു​ന്നു എ​ന്നാ​ണ് യു.​ഡി.​എ​ഫ് ആ​രോ​പി​ക്കു​ന്ന​ത്. ക്ര​മ​ക്കേ​ട് സം​ബ​ന്ധി​ച്ച് നി​യ​മ​ന​ട​പ​ടി​ക​ളു​മാ​യി മു​ന്നോ​ട്ടു​പോ​കാ​നാ​ണ് യു.​ഡി.​എ​ഫ് തീ​രു​മാ​നം.

കൊ​ടു​വ​ള്ളി ന​ഗ​ര​സ​ഭ സെ​ക്ര​ട്ട​റി​യെ മാ​റ്റാ​ൻ തെ​ര. ക​മീ​ഷ​ൻ നി​ർ​ദേ​ശം

കൊ​ടു​വ​ള്ളി: ത​ദ്ദേ​ശ സ്ഥാ​പ​ന​ങ്ങ​ളി​ലേ​ക്കു​ള്ള പൊ​തു​തെ​ര​ഞ്ഞെ​ടു​പ്പ് ന​ട​ക്കാ​നി​രി​ക്കു​ന്ന സാ​ഹ​ച​ര്യ​ത്തി​ൽ അ​ന​ധി​കൃ​ത​മാ​യി ജോ​ലി​ക്ക് ഹാ​ജ​രാ​കാ​ത്ത കൊ​ടു​വ​ള്ളി ന​ഗ​ര​സ​ഭ സെ​ക്ര​ട്ട​റി​യെ അ​ടി​യ​ന്ത​ര​മാ​യി സ്ഥ​ലം​മാ​റ്റാ​നും തു​ട​ർ​ന​ട​പ​ടി സ്വീ​ക​രി​ക്കാ​നും സം​സ്ഥാ​ന തെ​ര​ഞ്ഞെ​ടു​പ്പ് ക​മീ​ഷ​ൻ ത​ദ്ദേ​ശ വ​കു​പ്പ് സെ​ക്ര​ട്ട​റി​ക്ക് നി​ർ​ദേ​ശം ന​ൽ​കി.

ന​ഗ​ര​സ​ഭ സെ​ക്ര​ട്ട​റി വി.​എ​സ്. മ​നോ​ജി​നെ​തി​രെ​യാ​ണ് ന​ട​പ​ടി. ന​ഗ​ര​സ​ഭ​യി​ലെ വോ​ട്ട​ർ പ​ട്ടി​ക​യി​ൽ​നി​ന്ന് വോ​ട്ട​ർ​മാ​രെ കൂ​ട്ട​ത്തോ​ടെ ത​ള്ളി​യ​താ​യു​ള്ള പ​രാ​തി​ക്ക് പി​ന്നാ​ലെ സെ​ക്ര​ട്ട​റി ദി​വ​സ​ങ്ങ​ളാ​യി ഓ​ഫി​സി​ൽ എ​ത്തി​യി​രു​ന്നി​ല്ല. തെ​ര​ഞ്ഞെ​ടു​പ്പു​മാ​യി ബ​ന്ധ​പ്പെ​ട്ട പ​രാ​തി​ക​ൾ ഉ​ൾ​പ്പെ​ടെ​യു​ള്ള ഫ​യ​ലു​ക​ൾ ന​ഗ​ര​സ​ഭ​യി​ൽ​നി​ന്ന് കാ​ണാ​നി​ല്ലെ​ന്ന പ​രാ​തി​യെ തു​ട​ർ​ന്ന്​ ഡെ​പ്യൂ​ട്ടി ഡ​യ​റ​ക്ട​ർ ശ​നി​യാ​ഴ്ച ന​ഗ​ര​സ​ഭ ഓ​ഫി​സി​ൽ എ​ത്തു​ക​യും പ​രി​ശോ​ധ​ന ന​ട​ത്തു​ക​യും പ​രാ​തി​യി​ൽ ക​ഴ​മ്പു​ണ്ടെ​ന്ന് ക​ണ്ടെ​ത്തു​ക​യും ചെ​യ്തി​രു​ന്നു. തു​ട​ർ​ന​ട​പ​ടി​ക്കാ​യി ക​ല​ക്ട​ർ​ക്ക് റി​പ്പോ​ർ​ട്ട് ന​ൽ​കു​ക​യും ചെ​യ്തു. ഇ​തി​നു പി​ന്നാ​ലെ​യാ​ണ് സെ​ക്ര​ട്ട​റി​ക്കെ​തി​രാ​യ ന​ട​പ​ടി.