മണ്ണിടിച്ചിൽ ഭീഷണി: വേങ്ങേരി ജങ്ഷനിൽ ഇരുചക്രവാഹനങ്ങൾക്ക് മരണയാത്ര

വേ​ങ്ങേ​രി: ദേ​ശീ​യ​പാ​ത​യി​ലെ വേ​ങ്ങേ​രി ജ​ങ്​​ഷ​നി​ൽ ഇ​രു​ച​ക്ര​വാ​ഹ​ന യാ​ത്ര അ​പ​ക​ട​ക​ര​മാ​യ രീ​തി​യി​ൽ. കോ​ഴി​ക്കോ​ട്-​ക​ക്കോ​ടി ഭാ​ഗ​ത്തേ​ക്ക് നി​യ​ന്ത്ര​ണ​ത്തി​നു വി​ധേ​യ​മാ​യി ക​ട​ത്തി​വി​ടു​ന്ന സ​ർ​വി​സ് റോ​ഡി​ൽ നി​റ​യെ കു​ണ്ടും​കു​ഴി​ക​ളു​മാ​ണ്. ടാ​റി​ങ് ന​ട​ത്തു​ക​യോ മ​റ്റു സൗ​ക​ര്യ​ങ്ങ​ളൊ​രു​ക്കു​ക​യോ ചെ​യ്യാ​ത്ത ഈ ​ചെ​മ്മ​ൺ​റോ​ഡ് മ​ഴ​പെ​യ്യു​ന്ന​തോ​ടെ ച​ളി​ക്ക​ള​മാ​കും. ദേ​ശീ​യ പാ​ത​യു​ടെ വ​ശ​ത്ത് സു​ര​ക്ഷാ​ഭി​ത്തി ഒ​രു​ക്കാ​ത്ത​തും വെ​ള്ളം നി​റ​ഞ്ഞ് മ​ണ്ണ് കു​തി​ർ​ന്നു നി​ൽ​ക്കു​ന്ന​തി​നാ​ലും മ​ൺ​ഭി​ത്തി​ക്കു​മു​ക​ളി​ലൂ​ടെ ഇ​രു​ച​ക്ര​വാ​ഹ​ന​വും മ​റ്റു​ചെ​റി​യ വാ​ഹ​ന​ങ്ങ​ളും ഓ​ടി​ക്കു​ന്ന​ത് ഏ​തു​സ​മ​യ​വും വ​ലി​യ അപകട​ത്തി​നി​ട​യാ​ക്കും.

വെ​ങ്ങ​ളം - രാ​മ​നാ​ട്ടു​ക​ര ആ​റു​വ​രി ദേ​ശീ​യ​പാ​ത​ക്ക് കു​റു​കെ വേ​ങ്ങേ​രി ജ​ങ്ഷ​നി​ൽ 45 മീ​റ്റ​ർ വീ​തി​യി​ലും 27 മീ​റ്റ​ർ നീ​ള​ത്തി​ലും മേ​ൽ​പാ​ലം നി​ർ​മി​ക്കു​ന്ന​തി​നി​ടെ ജ​പ്പാ​ൻ കു​ടി​വെ​ള്ള പ​ദ്ധ​തി​യു​ടെ പൈ​പ്പ് പൊ​ട്ടി മ​ണ്ണി​ടി​ഞ്ഞി​രു​ന്നു. ഇ​തേ​ത്തു​ട​ർ​ന്ന് ക​ഴി​ഞ്ഞ ജ​നു​വ​രി 31ന് ​നി​ർ​മാ​ണം നി​ർ​ത്തി​വെ​ച്ച് വാ​ഹ​ന​ങ്ങ​ൾ അ​പ​ക​ട​ത്തി​ൽ പെ​ടാ​തി​രി​ക്കാ​ൻ അ​രി​കു​ഭാ​ഗ​ത്ത് കോ​ൺ​ക്രീ​റ്റ് സു​ര​ക്ഷ ക​ട്ട​ക​ൾ സ്ഥാ​പി​ച്ചി​രു​ന്നു. ഈ ​സു​ര​ക്ഷ ക​ട്ട​ക​ൾ മ​റ്റി​ട​ങ്ങ​ളി​ലെ ആ​വ​ശ്യ​ങ്ങ​ൾ​ക്ക് ക്ര​മേ​ണ ക​രാ​റു​കാ​ർ കൊ​ണ്ടു​പോ​വു​ക​യാ​യി​രു​ന്നു. 13.5 മീ​റ്റ​ർ നീ​ള​ത്തി​ലും 45 മീ​റ്റ​ർ വീ​തി​യി​ലും മാ​ത്ര​മേ മേ​ൽ​പാ​ലം പൂ​ർ​ത്തി​യാ​യി​രു​ന്നു​ള്ളൂ. ആ​റു വ​രി​യു​ടെ അ​വ​ശേ​ഷി​ക്കു​ന്ന പാ​തി​ഭാ​ഗ​ത്ത് റോ​ഡ് താ​ഴ്ത്തി പു​തി​യ പാ​ത നി​ർ​മി​ക്കു​ന്ന​തി​നി​ട​യി​ലാ​ണ് മ​ണ്ണി​ടി​ഞ്ഞ്. മ​ഴ​പെ​യ്ത​തോ​ടെ റോ​ഡി​ൽ ച​ളി​നി​റ​ഞ്ഞ​തി​നാ​ൽ തി​ര​ക്കും ച​ളി​ക്കു​ണ്ടു​ക​ളും ഒ​ഴി​വാ​ക്കാ​ൻ ഇ​ടി​യാ​നി​ട​യു​ള്ള ഭാ​ഗ​ത്തു​കൂ​ടി​യാ​ണ് ഇ​പ്പോ​ൾ ഇ​രു​ച​ക്ര​വാ​ഹ​ന​ങ്ങ​ൾ സ​ഞ്ച​രി​ക്കു​ന്ന​ത്. യാ​ത്ര​ക്കാ​ർ പ​ല​രും ക​രു​തു​ന്ന​ത് ഉ​റ​പ്പു​ള്ള ഭാ​ഗ​മാ​ണി​തെ​ന്നാ​ണ്. ഈ ​ഭാ​ഗം അ​ട​ച്ചു​കെ​ട്ടാ​ത്ത​ത് കൂ​ടു​ത​ൽ അ​പ​ക​ട​ത്തി​നി​ട​യാ​ക്കു​ക​യാ​ണ്. അ​രി​കി​ലൂ​ടെ​ പോ​കു​ന്ന വാ​ഹ​ന​ങ്ങ​ൾ നി​യ​ന്ത്ര​ണം വി​ട്ടാ​ൽ​പോ​ലും മീ​റ്റ​റു​ക​ൾ താ​ഴ്ച​യു​ള്ള ഭാ​ഗ​ത്തേ​ക്കു​വീ​ണ് ജീ​വ​ൻ അ​പ​ക​ട​ത്തി​ലാ​കും. ച​ളി​ക്കു​ള​മാ​യ ഭാ​ഗ​ത്ത് ക്വോ​റി​വേ​സ്റ്റോ മ​റ്റോ ഇ​ട്ടാ​ൽ അ​പ​ക​ട​യാ​ത്ര ഒ​ഴി​വാ​ക്കാ​മെ​ന്നാ​ണ് പ്ര​ദേ​ശ​വാ​സി​ക​ൾ പ​റ​യു​ന്ന​ത്.

തെ​രു​വ് വി​ള​ക്കു​ക​ൾ ഈ ​ഭാ​ഗ​ത്ത് ഇ​ല്ലാ​ത്ത​തും രാ​ത്രി സ​മ​യ​ത്ത് വ​ലി​യ ഭീ​ഷ​ണി​യാ​ണ്. ദേ​ശീ​യ പാ​ത അ​തോ​റി​റ്റി​യു​ടെ പ്ര​ത്യേ​ക അ​നു​മ​തി​യോ​ടെ പ്ലാ​ൻ മാ​റ്റി 45 മീ​റ്റ​ർ നീ​ള​ത്തി​ലും 13.5 മീ​റ്റ​ർ വീ​തി​യി​ലും നി​ർ​മി​ക്കു​ന്ന ഓ​വ​ർ​പാ​സി​ന്റെ ര​ണ്ടാം​ഘ​ട്ട കോ​ൺ​ക്രീ​റ്റ് പൂ​ർ​ത്തി​യാ​ക്കി​യി​ട്ടു​ണ്ടെ​ങ്കി​ലും അ​നു​ബ​ന്ധ​പ്ര​വൃ​ത്തി​ക​ൾ പൂ​ർ​ത്തി​യാ​ക്കി ആ​ഗ​സ്റ്റ് പാ​തി​യോ​ടെ മാ​ത്ര​മേ ഈ ​ഭാ​ഗം ര​ണ്ടു​വ​രി​യി​ൽ ഗ​താ​ഗ​ത​ത്തി​ന് തു​റ​ന്നു​കൊ​ടു​ക്കാ​നാ​വൂ എ​ന്നാ​ണ് ക​രാ​റു​കാ​ർ പ​റ​യു​ന്ന​ത്. റോ​ഡി​ലെ അ​റ്റ​കു​റ്റ​പ്പണി​ക​ൾ ന​ട​ത്തി സു​ര​ക്ഷാ​ഭി​ത്തി​ക​ൾ സ്ഥാ​പി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം. ദേ​ശീ​യ​പാ​ത നി​ർ​മാ​ണ​ത്തെ​തു​ട​ർ​ന്ന് ഗ​താ​ഗ​തം വ​ഴി​തി​രി​ച്ചു​വി​ട്ട മാ​ളി​ക്ക​ട​വ് -ത​ണ്ണീ​ർ​പ​ന്ത​ൽ പാ​ത​യി​ലെ വാ​ഹ​ന​പെ​രു​പ്പം​മൂ​ലം റോ​ഡ് ത​ക​ർ​ന്ന​തി​നാ​ൽ ഈ ​വ​ഴി​യു​ള്ള ഗ​താ​ഗ​തം നാ​ട്ടു​കാ​ർ ത​ട​ഞ്ഞു. ക​രാ​റു​കാ​രു​ടെ നി​രു​ത്ത​ര​വാ​ദ​പ​ര​മാ​യ ന​ട​പ​ടി​യി​ൽ പ്ര​തി​ഷേ​ധി​ച്ച് റോ​ഡ് പൂ​ർ​ണ​മാ​യും ന​ന്നാ​ക്കാ​തെ ബ​സു​ക​ൾ പോ​കാ​ൻ അ​നു​വ​ദി​ക്കി​ല്ലെ​ന്നാ ​ണ് നാ​ട്ടു​കാ​ർ പ​റ​യു​ന്ന​ത്.