വ​ട​ക​ര താലൂക്ക്​​ ഓഫിസ്​ തീപിടിത്തം: അന്വേഷണം തെലങ്കാനയിലേക്കും

വ​ട​ക​ര: താ​ലൂ​ക്ക് ഓ​ഫി​സ് ക​ത്തി​ച്ച കേ​സി​ൽ തെ​ല​ങ്കാ​ന സ്വ​ദേ​ശി അ​റ​സ്​​റ്റി​ലാ​യ​തോ​ടെ അ​ന്വേ​ഷ​ണം തെ​ല​​ങ്കാ​ന​യി​ലേ​ക്കും വ്യാ​പി​പ്പി​ക്കു​ന്നു.

അ​റ​സ്​​റ്റി​ലാ​യ സ​തീ​ഷ് നാ​രാ​യ​ണ‍െൻറ ബ​ന്ധ​ങ്ങ​ളും കു​ടും​ബ​പ​ശ്ചാ​ത്ത​ല​വു​മാ​ണ് പൊ​ലീ​സ് അ​ന്വേ​ഷി​ക്കു​ന്ന​ത്. നാ​ട്ടി​ൽ ഇ​യാ​ൾ​ക്ക് ബ​ന്ധു​ക്ക​ൾ ഉ​ണ്ടെ​ന്ന വി​വ​ര​ങ്ങ​ളു​ടെ അ​ടി​സ്ഥാ​ന​ത്തി​ൽ ഇ​തു​സം​ബ​ന്ധി​ച്ചും അ​ന്വേ​ഷ​ണം ന​ട​ക്കു​ന്നു​ണ്ട്. ഹൈ​ദ​രാ​ബാ​ദി​ലാ​ണ് ഇ​യാ​ൾ താ​മ​സി​ച്ചി​രു​ന്ന​ത്. അ​വി​ടെ ഇ​ല​ക്ട്രോ​ണി​ക്സ് ക​ട​യി​ൽ ജീ​വ​ന​ക്കാ​ര​നാ​ണ്. മാ​താ​വ് മ​ല​യാ​ളി​യാ​ണ്.

ഇ​യാ​ൾ​ക്ക് കൂ​ടു​ത​ലാ​യും മ​ല​യാ​ളി ബ​ന്ധ​മാ​ണു​ള്ള​തെ​ന്നും പൊ​ലീ​സ് പ​റ​ഞ്ഞു. ക​ഴി​ഞ്ഞ ജൂ​ണി​ൽ വ​രെ സ​മൂ​ഹ​മാ​ധ്യ​മ​ങ്ങ​ളി​ലും സ​ജീ​വ​മാ​യി​രു​ന്നു. താ​ലൂ​ക്ക് ഓ​ഫി​സി​ന് തീ​യി​ടാ​നു​ള്ള സാ​ഹ​ച​ര്യം സം​ബ​ന്ധി​ച്ച് കൂ​ടു​ത​ൽ വി​വ​ര​ങ്ങ​ൾ ല​ഭ്യ​മാ​കാ​ൻ ചോ​ദ്യം ചെ​യ്യ​ലി​ന് പൊ​ലീ​സ് കോ​ട​തി​യി​ൽ ക​സ്​​റ്റ​ഡി അ​പേ​ക്ഷ ന​ൽ​കും.

റിപ്പോർട്ട് തേടി കേന്ദ്ര ഇന്‍റലിജൻസ് വിഭാഗം

വ​ട​ക​ര: താ​ലൂ​ക്ക് ഓ​ഫി​സ് തീ​വെ​ച്ച് ന​ശി​പ്പി​ച്ച സം​ഭ​വ​ത്തി​ൽ കേ​ന്ദ്ര ഇ​ന്‍റ​ലി​ജ​ൻ​സ് വി​ഭാ​ഗം പൊ​ലി​സി​ൽ​നി​ന്ന്​ റി​പ്പോ​ർ​ട്ട് തേ​ടി. സം​ഭ​വ​ത്തി​ൽ തെ​ല​ങ്കാ​ന സ്വ​ദേ​ശി സ​തീ​ശ് നാ​രാ​യ​ണ​ൻ അ​റ​സ്​​റ്റി​ലാ​യ​തോ​ടെ ഇ​യാ​ൾ​ക്ക് മാ​വോ​വാ​ദി ഉ​ൾ​പ്പെ​ടെ തീ​വ്ര സ്വ​ഭാ​വ​മു​ള്ള സം​ഘ​ട​ന​ക​ളു​മാ​യി ബ​ന്ധ​മു​ണ്ടോ തു​ട​ങ്ങി​യ കാ​ര്യ​ങ്ങ​ളാ​ണ് കേ​ന്ദ്ര ഇ​ന്‍റ​ലി​ജ​ൻ​സ് അ​ന്വേ​ഷി​ക്കു​ന്ന​ത്. നി​ല​വി​ലു​ള്ള അ​​ന്വേ​ഷ​ണ​ത്തി​ൽ ഇ​ത്ത​രം ബ​ന്ധ​ങ്ങ​ൾ പ്ര​തി​ക്ക് ഉ​ള്ള​താ​യി വി​വ​രം ല​ഭി​ച്ചി​ട്ടി​ല്ലെ​ന്ന് ക്രൈം​ബ്രാ​ഞ്ച് ഡി.​വൈ.​എ​സ്.​പി ആ​ർ. ഹ​രി​ദാ​സ് പ​റ​ഞ്ഞു.

ഹൈ​ദ​രാ​ബാ​ദി​ൽ കാ​ർ ക​ത്തി​ച്ച കേ​സി​ൽ ഒ​രു വ​ർ​ഷം ത​ട​വ് ശി​ക്ഷ ഇ​യാ​ൾ അ​നു​ഭ​വി​ച്ചി​ട്ടു​ണ്ട്. ഇ​യാ​ളു​ടെ കു​ടും​ബം താ​മ​സി​ച്ച കെ​ട്ടി​ട ഉ​ട​മ​യു​ടെ കാ​ർ ക​ത്തി​ച്ച കേ​സി​ലാ​ണ് ജ​യി​ൽ ശി​ക്ഷ അ​നു​ഭ​വി​ച്ച​ത്. മു​ർ​ഷി​ദ​ബാ​ദി​ൽ ക​ഴി​യു​ന്ന​തി​നി​ടെ 12 ദി​വ​സം മു​മ്പാ​ണ് വ​ട​ക​ര​യി​ൽ എ​ത്തി​യ​ത്. 20 വ​ർ​ഷം മു​മ്പ് പി​താ​വ് മ​രി​ച്ച​തോ​ടെ മാ​ന​സി​ക അ​സ്വാ​സ്ഥ്യം ഉ​ള്ള​താ​യി പൊ​ലീ​സി​ന് വി​വ​രം ല​ഭി​ച്ചി​ട്ടു​ണ്ട്. ഇ​തു സം​ബ​ന്ധി​ച്ചും പൊ​ലീ​സ് അ​ന്വേ​ഷ​ണം ന​ട​ത്തു​ന്നു​ണ്ട്.