വ​ട​ക​ര താലൂക്ക് ഓഫിസ് തീവെപ്പ്; പൊലീസ് വീഴ്ചയെന്ന്​ വിമർശനം

വ​ട​ക​ര: താ​ലൂ​ക്ക് ഓ​ഫി​സ് ക​ത്തി​ന​ശി​ച്ച സം​ഭ​വം പൊ​ലീ​സ് വീ​ഴ്ച​യി​ലേ​ക്ക് വി​ര​ൽ ചൂ​ണ്ടു​ന്നു. മൂ​ന്നു കെ​ട്ടി​ട​ങ്ങ​ളി​ലു​ണ്ടാ​യ തീ​വെ​പ്പ് കേ​സി​ൽ ആ​ന്ധ്ര​പ്ര​ദേ​ശ് സ്വ​ദേ​ശി സ​തീ​ഷ് നാ​രാ​യ​ണ​ൻ അ​റ​സ്​​റ്റി​ലാ​യ​തോ​ടെ നേ​ര​ത്തെ​യു​ണ്ടാ​യ തീ​വെ​പ്പ് ഗൗ​ര​വ​ത്തി​ലെ​ടു​ക്കാ​ത്ത പൊ​ലീ​സ് ന​ട​പ​ടി​ക്കെ​തി​രെ ക​ടു​ത്ത വി​മ​ർ​ശ​ന​മാ​ണ് ഉ​യ​രു​ന്ന​ത്.

ലാ​ൻ​ഡ്​​ അ​ക്വി​സി​ഷ​ൻ ഓ​ഫി​സി​നും ജി​ല്ല വി​ദ്യാ​ഭ്യാ​സ ഓ​ഫി​സി​ലും എ​ൽ.​ഐ.​സി ഓ​ഫി​സ് കെ​ട്ടി​ട​ത്തി​ലും തീ​വെ​പ്പ് ന​ട​ന്ന​പ്പോ​ൾ മേ​ഖ​ല​യി​ൽ ചു​റ്റി​ക്ക​റ​ങ്ങു​ന്ന ആ​ളെ​പ്പ​റ്റി പൊ​ലീ​സി​‍െൻറ ശ്ര​ദ്ധ​യി​ൽ​പെ​ടു​ത്തി​യെ​ങ്കി​ലും വേ​ണ്ട രീ​തി​യി​ൽ പൊ​ലീ​സ് അ​ന്വേ​ഷ​ണം ന​ട​ത്തി​യി​രു​ന്നി​ല്ല.

താ​ലൂ​ക്ക് ഓ​ഫി​സ് ക​ത്തി​ന​ശി​ച്ച​തോ​ടെ ഉ​ണ​ർ​ന്ന പൊ​ലീ​സ് 24 മ​ണി​ക്കൂ​റി​നി​ടെ പ്ര​തി​യെ പി​ടി​കൂ​ടി. സി.​സി.​ടി.​വി ദൃ​ശ്യ​ങ്ങ​ൾ കേ​ന്ദ്രീ​ക​രി​ച്ച് ന​ട​ത്തി​യ അ​ന്വേ​ഷ​ണ​ത്തി​ലാ​ണ് പ്ര​തി വ​ല​യി​ലാ​യ​ത്. താ​ലൂ​ക്ക് ഓ​ഫി​സ് ക​ത്തി​ച്ച​തി​ലും പ്ര​തി​ക്ക് പ​ങ്കു​ണ്ടെ​ന്ന ഉ​റ​ച്ച വി​ശ്വാ​സ​ത്തി​ലാ​ണ് പൊ​ലീ​സ്.

ശാ​സ്ത്രീ​യ അ​ന്വേ​ഷ​ണ റി​പ്പോ​ർ​ട്ട് ല​ഭി​ച്ചാ​ൽ അ​റ​സ്​​റ്റ്​ രേ​ഖ​പ്പെ​ടു​ത്തി​യേ​ക്കും. ഇ​തു സം​ബ​ന്ധി​ച്ച സൂ​ച​ന​യാ​ണ് ജി​ല്ല പൊ​ലീ​സ് മേ​ധാ​വി ഡോ. ​ശ്രീ​നി​വാ​സി​‍െൻറ വാ​ക്കു​ക​ളി​ലും പ്ര​ക​ട​മാ​കു​ന്ന​ത്. നേ​ര​ത്തെ ഉ​ണ​ർ​ന്നു പ്ര​വ​ർ​ത്തി​ച്ചി​രു​ന്നെ​ങ്കി​ൽ വ​ൻ ദു​ര​ന്തം ഒ​ഴി​വാ​ക്കാ​മാ​യി​രു​ന്നു​വെ​ന്ന വി​മ​ർ​ശ​ന​മാ​ണ് പൊ​ലീ​സി​നെ​തി​രെ ഉ​യ​രു​ന്ന​ത്. പ്ര​തി പ​ര​സ്പ​ര വി​രു​ദ്ധ​മാ​യി സം​സാ​രി​ക്കു​ന്ന​തി​നാ​ൽ മ​നഃ​ശാ​സ്​​ത്ര പ​രി​ശോ​ധ​ന​ക്ക് വി​ധേ​യ​മാ​ക്ക​ണ​മെ​ന്ന് പൊ​ലീ​സ് വ്യ​ക്ത​മാ​ക്കി​യി​ട്ടു​ണ്ട്.

എ​ന്നാ​ൽ, തീ​വെ​പ്പി​ന് സ​ർ​ക്കാ​ർ ഓ​ഫി​സു​ക​ൾ ഇ​യാ​ൾ തെ​ര​ഞ്ഞെ​ടു​ത്ത​ത് ദു​രൂ​ഹ​ത ഉ​യ​ർ​ത്തു​ന്നു​ണ്ട്. ക​ണ്ണൂ​രി​ലും വി​ല്യാ​പ്പ​ള്ളി​യി​ലും ഇ​യാ​ൾ​ക്ക് ബ​ന്ധു​ക്ക​ളു​ണ്ട്. വി​ല്യാ​പ്പ​ള്ളി​യി​ലു​ള്ള ആ​ളെ പൊ​ലീ​സ് വി​ളി​പ്പി​ച്ചെ​ങ്കി​ലും വ​ർ​ഷ​ങ്ങ​ളാ​യി ഇ​യാ​ളു​മാ​യി ബ​ന്ധം പു​ല​ർ​ത്തു​ന്നി​ല്ലെ​ന്നാ​ണ് പൊ​ലീ​സി​ന് മൊ​ഴി ന​ൽ​കി​യ​ത്.