വായനയുടെ ആനന്ദത്തിൽ നരിക്കുന്ന് യു.പി സ്കൂൾ

എടച്ചേരി :നരിക്കുന്ന് യു.പി സ്കൂൾ അധ്യാപകരക്ഷാകർതൃ സമിതിയുടെ ആഭിമുഖ്യത്തിൽ വായനാനന്ദം പരിപാടിക്ക് തുടക്കം കുറിച്ചു . സ്കൂളിലെ മുഴുവൻ കുട്ടികളേയും വായനയുടെ ലോകത്തേക്ക് കൈപിടിച്ചുയർത്തുകയാണ് പരിപാടിയുടെ ലക്ഷ്യം. എഴുത്തുകാരൻ ഹരീഷ് പഞ്ചമി പരിപാടി ഔപചാരികമായി ഉദ്ഘാടനം ചെയ്തു.

വിദ്യാരംഗം ജോ:കൺവീനർ നൈനിക സുമേഷ് അധ്യക്ഷതവഹിച്ചു. ഹെഡ്മാസ്റ്റർ സത്യൻ പാറോൽ, പി.ടി.എ പ്രസിഡന്റ് ബിജു മലയിൽ, മദർ പി.ടി.എ പ്രസിഡന്റ് വിജിഷ അനീഷ്, മനോജ് നാച്വറൽ, ഭാസ്ക്കരൻ ,പ്രജീഷ് പുന്നോളി , വിജേഷ്, റഷീദ് മാസ്റ്റർ, ബിനേഷ് . എൻ എന്നിവർ സംസാരിച്ചു. സ്കൂൾ ലീഡർ ജനീറ്റ അജയ് സ്വാഗതം പറഞ്ഞു.