ത​ണ​ലൊ​ഴി​ഞ്ഞ് വ​ട​ക​ര റെ​യി​ൽ​വേ സ്റ്റേ​ഷ​ൻ

വ​ട​ക​ര: ത​ണ​ലൊ​ഴി​ഞ്ഞ് വ​ട​ക​ര റെ​യി​ൽ​വേ സ്റ്റേ​ഷ​ൻ പ​രി​സ​രം; കോ​ടാ​ലി കാ​ത്ത് അ​വ​സാ​ന മ​ര​വും. അ​മൃ​ത് ഭാ​ര​ത് പ​ദ്ധ​തി​യി​ൽ ഉ​ൾ​പ്പെ​ടു​ത്തി വി​ക​സ​ന​ത്തി​ന്റെ ഭാ​ഗ​മാ​യി റെ​യി​ൽ​വേ സ്റ്റേ​ഷ​ൻ പ​രി​സ​ര​ത്തെ മ​ര​ങ്ങ​ൾ പൂ​ർ​ണ​മാ​യി മു​റി​ച്ചു​മാ​റ്റി. ഒ​രു പ​ന മാ​ത്ര​മാ​ണ് കോ​ടാ​ലി കാ​ത്ത് കി​ട​ക്കു​ന്ന​ത്. ഇ​തു​കൂ​ടി മു​റി​ച്ചു​മാ​റ്റു​ന്ന​തോ​ടെ പ​തി​റ്റാ​ണ്ടു​ക​ളാ​യി യാ​ത്ര​ക്കാ​ർ​ക്ക് ത​ണ​ലേ​കി​യ മ​ര​ങ്ങ​ൾ ഓ​ർ​മ​യാ​കും.

അ​മ്പ​തി​ല​ധി​കം ത​ണ​ൽ മ​ര​ങ്ങ​ളാ​ണ് സ്റ്റേ​ഷ​ൻ പ​രി​സ​ര​ത്തു​നി​ന്ന് മു​റി​ച്ചു​മാ​റ്റി​യ​ത്. യാ​ത്ര​ക്കാ​ർ​ക്ക് പു​റ​മെ ഓ​ട്ടോ, ടാ​ക്സി ഡ്രൈ​വ​ർ​മാ​ർ ഉ​ൾ​പ്പെ​ടെ​യു​ള്ള​വ​ക്കും ത​ണ​ലേ​കി​യ മ​ര​മു​ത്ത​ശ്ശി​മാ​ർ വ​രെ ഓ​ർ​മ​യാ​യി. നേ​ര​​ത്തേ വ​ട​ക​ര റെ​യി​ൽ​വേ സ്റ്റേ​ഷ​ൻ ഗ്രാ​മീ​ണ സൗ​ന്ദ​ര്യ​ത്തി​ന്റെ പ്ര​തീ​തി ഉ​യ​ർ​ത്തി​യി​രു​ന്നു. സ്റ്റേ​ഷ​ൻ മു​റ്റ​ത്തു​ത​ന്നെ കു​ള​വും ത​ണ​ലൊ​രു​ക്കി ധാ​രാ​ളം മ​ര​ങ്ങ​ളു​മൊ​ക്കെ​യാ​യി കാ​ഴ്ച​ക്ക് ഏ​റെ ഭം​ഗി നി​ല​നി​ന്നി​രു​ന്നു.

റെ​യി​ൽ​വേ സ്റ്റേ​ഷ​നോ​ടു ചേ​ർ​ന്ന് ബാ​ക്കി​യാ​യു​ള്ള​ത് ക​ണ്ട​ൽ​ക്കാ​ടു​ക​ളാ​ണ്. ക​ണ്ട​ൽ​ക്കാ​ടു​ക​ളാ​ക​ട്ടെ, മാ​ലി​ന്യം വ​ലി​ച്ചെ​റി​യാ​നു​ള്ള ഇ​ട​മാ​ക്കി​യി​ട്ടു​ണ്ട്. ക​ണ്ട​ൽ​ക്കാ​ടു​ക​ളു​ടെ സം​ര​ക്ഷ​ണ​ത്തി​ന് പ​ദ്ധ​തി​ക​ൾ ന​ട​പ്പാ​ക്കി​യി​രു​ന്നെ​ങ്കി​ലും പാ​തി​വ​ഴി​യി​ൽ നി​ല​ച്ച സ്ഥി​തി​യാ​ണ്. റെ​യി​ൽ​വേ സ്റ്റേ​ഷ​ൻ പ​രി​സ​ര​ത്ത് ബ്രി​ട്ടീ​ഷു​കാ​രു​ടെ കാ​ല​ത്ത് പ​ണി​ത കു​ടി​വെ​ള്ള ടാ​ങ്ക് മാ​ത്ര​മാ​ണ് പൊ​ളി​ച്ചു​നീ​ക്കാ​നു​ള്ള​ത്. കാ​ലം ടാ​ങ്കി​ന് ഒ​രു പ​രി​ക്കും ഏ​ൽ​പി​ച്ചി​ട്ടി​ല്ല. കേ​ടു​പാ​ടി​ല്ലാ​ത്ത ടാ​ങ്ക് നി​ല​നി​ർ​ത്താ​നാ​ണ് ശ്ര​മം.

21.66 കോ​ടി​യു​ടെ ന​വീ​ക​ര​ണ പ്ര​വൃ​ത്തി​യാ​ണ് സ്റ്റേ​ഷ​ൻ കേ​ന്ദ്രീ​ക​രി​ച്ച് ന​ട​ക്കു​ന്ന​ത്. പാ​ർ​ക്കി​ങ് സൗ​ക​ര്യം ഒ​രു​ക്കു​ന്ന​തി​ന്റെ ഭാ​ഗ​മാ​യാ​ണ് മ​ര​ങ്ങ​ൾ​ക്ക് കോ​ടാ​ലി വീ​ണ​ത്. വി​ക​സ​ന​ത്തോ​ടൊ​പ്പം മു​റി​ച്ചു​മാ​റ്റി​യ മ​ര​ങ്ങ​ൾ​ക്ക് പ​ക​രം വെ​ച്ചു​പി​ടി​പ്പി​ച്ച് പ​ഴ​യ ത​ണ​ലൊ​രു​ക്കാ​ൻ ആ​വ​ശ്യ​മാ​യ ന​ട​പ​ടി സ്വീ​ക​രി​ക്ക​ണ​മെ​ന്ന് ആ​വ​ശ്യം ഉ​യ​രു​ന്നു​ണ്ട്.