യാത്രക്കാർ കുറഞ്ഞു; സ്വകാര്യ ബസ് തൊഴിലാളികൾ പ്രതിസന്ധിയിൽ

വ​ട​ക​ര: നി​പ പ​ശ്ചാ​ത്ത​ല​ത്തി​ൽ യാ​ത്ര​ക്കാ​ർ ഗ​ണ്യ​മാ​യി കു​റ​ഞ്ഞ​തോ​ടെ സ്വ​കാ​ര്യ ബ​സ് തൊ​ഴി​ലാ​ളി​ക​ൾ പ്ര​തി​സ​ന്ധി​യി​ൽ. വ​ട​ക​ര​യി​ൽ​നി​ന്ന് വി​വി​ധ ഭാ​ഗ​ങ്ങ​ളി​ലേ​ക്ക് സ​ർ​വി​സ് ന​ട​ത്തു​ന്ന ചി​ല ബ​സു​ക​ൾ സ​ർ​വി​സ് നി​ർ​ത്തു​ക​യും ചി​ല​ത് ട്രി​പ്പു​ക​ൾ ഒ​ഴി​വാ​ക്കു​ക​യും ചെയ്തു. വ​ട​ക​ര പു​തി​യ സ്റ്റാ​ൻ​ഡി​ൽ​നി​ന്ന് കു​റ്റ്യാ​ടി ഭാ​ഗ​ത്തേ​ക്കു​ള്ള ബ​സു​ക​ൾ മൊ​കേ​രി​യി​ൽ ഓ​ട്ടം അ​വ​സാ​നി​പ്പി​ക്കു​ന്ന​തി​നാ​ൽ ഈ ​ഭാ​ഗ​ത്തേ​ക്ക് യാ​ത്ര​ക്കാ​ർ ന​ന്നെ കു​റ​വാ​ണ്.

ജ​ന​ങ്ങ​ൾ അ​ത്യാ​വ​ശ്യ കാ​ര്യ​ങ്ങ​ൾ​ക്കു​മാ​ത്രം പു​റ​ത്തി​റ​ങ്ങു​ന്ന​തി​നാ​ൽ ബ​സു​ക​ളി​ൽ യാ​ത്ര​ക്കാ​രും കു​റ​ഞ്ഞു. മി​ക്ക ബ​സു​ക​ളും വി​ര​ലി​ലെ​ണ്ണാ​വു​ന്ന യാ​ത്ര​ക്കാ​രു​മാ​യാ​ണ് സ​ർ​വി​സ് ന​ട​ത്തു​ന്ന​ത്. കു​റ്റ്യാ​ടി ബ​സ് സ്റ്റാ​ൻ​ഡി​ലേ​ക്ക് നി​ല​വി​ൽ ബ​സു​ക​ൾ ഒ​ന്നും പ്ര​വേ​ശി​ക്കു​ന്നി​ല്ല. വ​ട​ക​ര​യി​ൽ​നി​ന്ന് വി​ല്യാ​പ്പ​ള്ളി വ​ഴി ആ​യ​ഞ്ചേ​രി​യി​ലേ​ക്കു​ള്ള പ​ത്തോ​ളം ബ​സു​ക​ൾ സ​ർ​വി​സ് നി​ർ​ത്തി​വെ​ച്ചു. വ​ട​ക​ര, ആ​യ​ഞ്ചേ​രി വ​ഴി ക​ക്ക​ട്ടി​ലി​ലേ​ക്കും കു​റ്റ്യാ​ടി​യി​ലേ​ക്കും ഭാ​ഗി​ക​മാ​യാ​ണ് ബ​സ് സ​ർ​വി​സു​ള്ള​ത്. ഇ​വി​ട​ങ്ങ​ളി​ൽ 20ഓ​ളം ബ​സു​ക​ളാ​ണ് സ​ർ​വി​സ് ന​ട​ത്തി​യി​രു​ന്ന​ത്.

വ​ട​ക​ര പ​ഴ​യ ബ​സ് സ്റ്റാ​ൻ​ഡി​ൽ​നി​ന്ന് ആ​യ​ഞ്ചേ​രി വ​ഴി കു​റ്റ്യാ​ടി​യി​ലേ​ക്ക് കെ.​എ​സ്.​ആ​ർ.​ടി.​സി ഒ​രു ഷെ​ഡ്യൂ​ൾ മാ​ത്ര​മാ​ണ് സ​ർ​വി​സ് ന​ട​ത്തു​ന്ന​ത്. വ​ട​ക​ര ത​ണ്ണീ​ർ​പ​ന്ത​ൽ റൂ​ട്ടി​ലും യാ​ത്ര​ക്കാ​ർ കു​റ​ഞ്ഞു. ഈ ​റൂ​ട്ടി​ൽ വി​ല്യാ​പ്പ​ള്ളി ടൗ​ൺ ഉ​ൾ​പ്പെ​ടെ ഏ​താ​നും സ്റ്റോ​പ്പു​ക​ളി​ൽ ബ​സു​ക​ൾ നി​ർ​ത്തി ആ​ളു​ക​ളെ ക​യ​റ്റാ​നും ഇ​റ​ക്കാ​നും പാ​ടി​ല്ലെ​ന്ന ക​ർ​ശ​ന നി​ർ​ദേ​ശ​വു​മു​ണ്ട്. യാ​ത്ര​ക്കാ​ർ കു​റ​ഞ്ഞ​തോ​ടെ ബ​സ് തൊ​ഴി​ലാ​ളി​ക​ളു​ടെ സ്ഥി​തി ദ​യ​നീ​യ​മാ​ണ്.

ആ​യ​ഞ്ചേ​രി, തി​രു​വ​ള്ളൂ​ർ, വി​ല്യാ​പ്പ​ള്ളി പ​ഞ്ചാ​യ​ത്തു​ക​ളി​ലെ 20ഓ​ളം വാ​ർ​ഡു​ക​ൾ നി​യ​ന്ത്ര​ണ മേ​ഖ​ല​യാ​യി പ്ര​ഖ്യാ​പി​ച്ച​തോ​ടെ പ്ര​ധാ​ന ടൗ​ണു​ക​ളി​ൽ​നി​ന്ന് ഉ​ൾ​പ്ര​ദേ​ശ​ത്തേ​ക്കു​ള്ള ഓ​ട്ടോ ടാ​ക്സി സ​ർ​വി​സു​ക​ളും നി​ല​ച്ച നി​ല​യി​ലാ​ണ്.