ദേശീയപാത വികസനം: ഊരാളുങ്കൽ സൊസൈറ്റിയുടെ ആസ്ഥാനമന്ദിരം ഓർമയാകുന്നു

വടകര: ഊരാളുങ്കൽ ലേബർ കോ​ൺട്രാക്​ട്​ കോഓപറേറ്റിവ്​ സൊസൈറ്റിയുടെ അ​ര​നൂ​റ്റാ​ണ്ടി​ലേ​റെ പ​ഴ​ക്ക​മു​ള്ള ആ​സ്ഥാ​ന മ​ന്ദി​രം പൊ​ളി​ച്ചു​നീ​ക്കു​ന്നു. സൊ​സൈ​റ്റി​യു​ടെ, ഊ​രാ​ളു​ങ്ക​ലി​ലെ​യും പ​രി​സ​ര​പ്ര​ദേ​ശ​ങ്ങ​ളു​ടെ​യും വി​ക​സ​ന​ത്തി​ലും ജ​ന​ങ്ങ​ളു​ടെ ക്ഷേ​മ​ത്തി​ലും കു​ട്ടി​ക​ളു​ടെ വി​ദ്യാ​ഭ്യാ​സ​ത്തി​ലും സു​പ്ര​ധാ​ന പ​ങ്കു വ​ഹി​ച്ച തീ​രു​മാ​ന​ങ്ങ​ൾ എ​ടു​ത്ത മ​ന്ദി​ര​മാ​ണ് ഓ​ർ​മ​യാ​കു​ന്ന​ത്. 1925ൽ ​പി​റ​വി​യെ​ടു​ത്ത സൊ​സൈ​റ്റി​യു​ടെ ആ​ദ്യ​ത്തെ ഓ​ഫി​സ് നാ​ദാ​പു​രം റോ​ഡ് റെ​യി​ല്‍വേ സ്​​റ്റേ​ഷ​ന​ടു​ത്ത് വാ​ട​ക​ക്കെ​ട്ടി​ട​ത്തി​ലാ​യി​രു​ന്നു.

സ്ഥാ​പ​ക​രി​ലൊ​രാ​ളാ​യ പാ​ലേ​രി ച​ന്ത​മ്മ​​ന്‍റെ കു​ടും​ബ​ത്തി​െൻറ ചാ​യ​ക്ക​ട​യു​ടെ മു​ക​ളി​ലെ നി​ല​യി​ലാ​യി​രു​ന്നു ഇ​ത്. 1954ലാ​ണ്​ പു​തി​യ ആ​സ്ഥാ​ന​മ​ന്ദി​ര​ത്തി​നു സ്ഥ​ലം വാ​ങ്ങി​യ​ത്. ഇ​പ്പോ​ഴ​ത്തെ ദേ​ശീ​യ പാ​ത​യോ​ടു​ ചേ​ർ​ന്ന് അ​ന്ന് 500 രൂ​പ​ക്ക്​ വാ​ങ്ങി​യ സ്ഥ​ല​ത്താ​ണ്​ കെ​ട്ടി​ടം ഉ​ണ്ടാ​ക്കി​യ​ത്. 1969ലാ​ണ് ഓ​ഫി​സ്​ പ്ര​വ​ർ​ത്ത​നം ഇ​ങ്ങോ​ട്ട്​ മാ​റ്റി​യ​ത്. ദേ​ശീ​യ​പാ​ത വീ​തി​കൂ​ട്ടു​മ്പോ​ൾ സ്വ​ന്തം ചെ​ല​വി​ൽ പൊ​ളി​ച്ചു​നീ​ക്കു​മെ​ന്ന നി​ല​പാ​ട് സൊ​സൈ​റ്റി നേ​ര​ത്തേ പ്ര​ഖ്യാ​പി​ച്ചി​രു​ന്നു. പി​റ​കി​ൽ ബ​ഹു​നി​ല ഓ​ഫി​സ് നി​ർ​മി​ക്കു​ക​യും ചെ​യ്​​തു.

ത​ല​മു​റ​ക​ളു​ടെ വി​യ​ർ​പ്പി​​ന്‍റെ മ​ണ​മു​ള്ള കെ​ട്ടി​ടം യ​ന്ത്ര​ങ്ങ​ൾ ​െവ​ച്ച് ഇ​ടി​ച്ചു​നി​ര​ത്തു​ന്ന​തി​നു​ പ​ക​രം എ​ല്ലാ ആ​ദ​ര​വോ​ടും വൈ​കാ​രി​ക​ത​യോ​ടും ഓ​രോ ഇ​ഷ്​​ടി​ക​യും വാ​തി​ലും ജ​ന​ലും ന​ട​ക്ക​ല്ലും പൊ​ളി​ച്ചെ​ടു​ത്തു സം​ര​ക്ഷി​ക്കാ​നാ​ണ്​ പ​ദ്ധ​തി. പൊ​ളി​ക്ക​ൽ വ്യാ​ഴാ​ഴ്ച വൈ​കീ​ട്ട് ആ​റി​ന്​ ആ​രം​ഭി​ക്കും. അ​ടു​ത്ത ദി​വ​സ​ങ്ങ​ളി​ലും തു​ട​രും.

പൊ​ളി​ക്കു​ന്ന​തി​​ന്‍റെ മു​ന്നോ​ടി​യാ​യി ബു​ധ​നാ​ഴ്ച പ​ഴ​യ ഓ​ഫി​സി​നു​മു​ന്നി​ൽ സൊ​സൈ​റ്റി​യു​ടെ ആ​ദ്യ​കാ​ല​പ്ര​വ​ർ​ത്ത​ക​രും ഇ​ന്ന​ത്തെ ഭാ​ര​വാ​ഹി​ക​ളും ജീ​വ​ന​ക്കാ​രും അ​ണി​നി​ര​ന്ന് ഫോ​ട്ടോ എ​ടു​ത്തു. കെ​ട്ടി​ടം പൂ​ർ​ണ​മാ​യി പൊ​ളി​ച്ചു​നീ​ക്കി ആ​ഗ​സ്​​റ്റ്​ 23ന്​ ​പു​തി​യ കെ​ട്ടി​ട​ത്തി​ലേ​ക്ക് മാ​റും.