മാഹി ബൈപാസ് രാജപാതയായി; അയൽപക്ക ബന്ധങ്ങളില്ലാതായി

വ​ട​ക​ര: വി​ക​സ​ന കു​തി​പ്പി​ലേ​ക്ക് ന​ഗ​ര​ങ്ങ​ൾ​ക്കൊ​പ്പം ഗ്രാ​മ​പ്ര​ദേ​ശ​ങ്ങ​ളും മാ​റു​ക​യാ​ണ്. മാ​ഹി ബൈ​പാ​സ് രാ​ജ​പാ​ത​യാ​യി. ഒ​പ്പം പ​ഴ​യ അ​യ​ൽ​പ​ക്ക ബ​ന്ധ​ങ്ങ​ളും ഇ​ല്ലാ​താ​യി. ക​ണ്ണൂ​ർ ജി​ല്ല​യി​ലെ മു​ഴ​പ്പി​ല​ങ്ങാ​ട് മു​ത​ൽ കോ​ഴി​ക്കോ​ട് ജി​ല്ല അ​തി​ർ​ത്തി​യാ​യ അ​ഴി​യൂ​ർ​വ​രെ 18.6 കി​ലോ​മീ​റ്റ​ർ ദൂ​ര​ത്തി​ലാ​ണ് ബൈ​പാ​സ് നി​ർ​മാ​ണം.

ദേ​ശീ​യ​പാ​ത​യി​ൽ ക​ണ്ണൂ​ർ ജി​ല്ല​യി​ലെ മു​ഴ​പ്പി​ല​ങ്ങാ​ട് മു​ത​ൽ കോ​ഴി​ക്കോ​ട് ജി​ല്ല അ​തി​ർ​ത്തി​യാ​യ അ​ഴി​യൂ​ർ​വ​രെ​യാ​ണ് ബൈ​പാ​സ്. കൂ​റ്റ​ൻ മ​തി​ലു​ക​ളാ​ൽ ദേ​ശീ​യ​പാ​ത കെ​ട്ടി​പ്പൊ​ക്കി​യ​തോ​ടെ ഉ​റ​ക്കം തെ​ളി​ഞ്ഞ് എ​ന്നും രാ​വി​ലെ ക​ണ്ടി​രു​ന്ന​വ​രു​ടെ മു​ഖ​ങ്ങ​ൾ കാ​ണാ​താ​യ​തി​ന്റെ സ​ങ്ക​ട​ങ്ങ​ൾ പ​ല​രും പ​ങ്കു​വെ​ക്കു​ക​യാ​ണ്.

എ​ന്നും ഒ​രു​മി​ച്ച് പോ​യി​രു​ന്ന​വ​രെ കാ​ണാ​താ​യി. തി​ര​ക്കു​ക​ൾ​ക്കി​ട​യി​ൽ വ​ല്ല​പ്പോ​ഴും ഫോ​ണി​ൽ ബ​ന്ധ​പ്പെ​ട്ടാ​ലാ​യി. പാ​ത നി​ർ​മാ​ണം തു​ട​ങ്ങി​യ​പ്പോ​ൾ​ത​ന്നെ ബ​ന്ധ​ങ്ങ​ൾ അ​റ്റു​തു​ട​ങ്ങി​യി​രു​ന്നു. പു​തി​യ ത​ല​മു​റ​യി​ലേ​ക്ക് വ​രു​ന്ന​തോ​ടെ പൂ​ർ​ണ​മാ​യി ബ​ന്ധ​ങ്ങ​ൾ ഇ​ല്ലാ​താ​വും. യാ​ത്രാ​ക്ലേ​ശ​ത്തി​ന് പു​തി​യ പാ​ത​ക​ൾ വേ​ണം എ​ന്നാ​ൽ, സ​ഞ്ചാ​ര സ്വാ​ത​ന്ത്ര​മി​ല്ലാ​താ​ക്ക​രു​ത്.

ദേ​ശീ​യ​പാ​ത നി​ർ​മാ​ണ സ​മ​യ​ത്ത് ഇ​ത്ര​യും ദു​രി​ത​ങ്ങ​ൾ സ​മ്മാ​നി​ക്കു​മെ​ന്ന് അ​റി​ഞ്ഞി​രു​ന്നി​ല്ല. ദേ​ശീ​യ പാ​ത​യോ​ര​ത്തെ ബാ​ല​ന്റെ വാ​ക്കു​ക​ളാ​ണി​ത്. മാ​ഹി ജ​ന​റ​ൽ ആ​ശു​പ​ത്രി​യെ​യാ​ണ് സാ​ധാ​ര​ണ​ക്കാ​ർ പ്ര​ധാ​ന​മാ​യും ആ​ശ്ര​യി​ക്കാ​റു​ള്ള​ത്. മാ​ഹി ബൈ​പാ​സി​ന്റ ഇ​രു​വ​ശ​ത്തു​മു​ള്ള​വ​ർ അ​നു​ഭ​വി​ക്കു​ന്ന ക​ഷ്ട​പ്പാ​ടു​ക​ളും വേ​ദ​ന​ക​ളും തി​രി​ച്ച​റി​ഞ്ഞ് നി​ർ​മാ​ണം പു​രോ​ഗ​മി​ക്കു​ന്ന അ​ഴി​യൂ​ർ റീ​ച്ചി​ൽ ആ​വ​ശ്യ​മാ​യ ക്ര​മീ​ക​ര​ണ​ങ്ങ​ൾ വ​രു​ത്തി സ​ഞ്ചാ​ര സ്വാ​ത​ന്ത്രം ഉ​റ​പ്പു​വ​രു​ത്ത​ണ​മെ​ന്ന ആ​വ​ശ്യം ശ​ക്ത​മാ​ണ്.

ഈ ​ഭാ​ഗ​ങ്ങ​ളി​ലെ നി​ല​വി​ലെ പ്ര​ശ്ന​ങ്ങ​ൾ​ക്ക് കൃ​ത്യ​മാ​യ പ​രി​ഹാ​രം കാ​ണാ​ൻ ഇ​തു​വ​രെ ക​ഴി​ഞ്ഞി​ട്ടി​ല്ല. ജ​ന​പ്ര​തി​നി​ധി​ക​ളും ജ​ന​ങ്ങ​ളും ഉ​യ​ർ​ത്തു​ന്ന പ്ര​ശ്ന​ങ്ങ​ൾ​ക്ക് ശാ​ശ്വ​ത പ​രി​ഹാ​രം കാ​ണാ​തെ ദേ​ശീ​യ​പാ​ത അ​തോ​റി​റ്റി മു​ഖം തി​രി​ഞ്ഞ് നി​ൽ​ക്കു​ക​യാ​ണ്. ആ​വ​ശ്യ​മാ​യ അ​ടി​പ്പാ​ത​ക​ൾ അ​നു​വ​ദി​ച്ചാ​ൽ ആ​ശ്വാ​സ​മാ​വു​മെ​ങ്കി​ലും അ​ധി​കൃ​ത​ർ ത​യാ​റാ​വു​ന്നി​ല്ല.

ദേ​ശീ​യ​പാ​ത നി​ർ​മാ​ണം പൂ​ർ​ത്തി​യാ​വു​ന്ന​തോ​ടെ പ​ല​രു​ടെ​യും വീ​ടു​ക​ൾ വെ​ള്ള​ക്കെ​ട്ടി​ലാ​വും. ശാ​സ്ത്രീ​യ​മാ​യ ഡ്രെ​യ്നേ​ജ് സം​വി​ധാ​ന​ത്തി​ന്റെ അ​പ​ര്യാ​പ്ത​ത പ​ല​യി​ട​ത്തും പ്ര​ക​ട​മാ​ണ്.

മാ​ഹി ബൈ​പാ​സ് പൂ​ർ​ണ​മാ​യും ഒ​രു​ങ്ങി​ക്ക​ഴി​ഞ്ഞു. അ​ഞ്ച​ര​ക്ക​ണ്ടി​പ്പു​ഴ​ക്ക് കു​റു​കെ മു​ഴ​പ്പി​ല​ങ്ങാ​ടി​നെ ചി​റ​ക്കു​നി​യു​മാ​യി ബ​ന്ധി​പ്പി​ക്കു​ന്ന 420 മീ​റ്റ​ർ നീ​ള​മു​ള്ള പാ​ലം, എ​ര​ഞ്ഞോ​ളി​പ്പു​ഴ​ക്ക് കു​റു​കെ​യു​ള്ള പാ​ലം, ക​വി​യൂ​ർ​മു​ത​ൽ മാ​ഹി​വ​രെ​യു​ള്ള 870 മീ​റ്റ​ർ പാ​ലം എ​ന്നി​വ പാ​ത​യു​ടെ ഭാ​ഗ​മാ​യി നി​ർ​മി​ച്ചു. വ​ട​ക​ര-​ക​ണ്ണൂ​ർ പാ​ത​യി​ൽ ഗ​താ​ഗ​ത​ക്കു​രു​ക്ക് ഏ​റ്റ​വും രൂ​ക്ഷ​മാ​യ ര​ണ്ടു പ​ട്ട​ണ​ങ്ങ​ൾ മാ​ഹി​യും ത​ല​ശ്ശേ​രി​യു​മാ​ണ്.

ദൂ​രം കു​റ​വാ​ണെ​ങ്കി​ലും അ​ഴി​യൂ​രി​ൽ​നി​ന്ന് മാ​ഹി​യും ത​ല​ശ്ശേ​രി​യും പി​ന്നി​ട്ട് മു​ഴ​പ്പി​ല​ങ്ങാ​ട് എ​ത്ത​ണ​മെ​ങ്കി​ൽ ചു​രു​ങ്ങി​യ​ത് 40 മി​നി​റ്റെ​ങ്കി​ലും എ​ടു​ക്കും. ഇ​ത് എ​ത്ര​യും നീ​ളാം. പാ​ത യാ​ഥാ​ർ​ഥ്യ​മാ​വു​ന്ന​തോ​ടെ യാ​ത്ര 20 മി​നി​റ്റാ​യി കു​റ​യും. ഇ​തോ​ടെ ക​ണ്ണൂ​ർ യാ​ത്ര സു​ഗ​മ​മാ​കും.