കാ​രു​ണ്യ​മി​ല്ലാ​തെ കാ​രു​ണ്യ മെ​ഡി​ക്ക​ൽ​സ്

വ​ട​ക​ര: ജി​ല്ല ആ​ശു​പ​ത്രി​യി​ൽ കാ​രു​ണ്യ മെ​ഡി​ക്ക​ൽ ഷോ​പ്പി​ൽ അ​വ​ശ്യ​മ​രു​ന്നു​ക​ൾ ല​ഭി​ക്കു​ന്നി​ല്ല. കി​ഡ്നി രോ​ഗി​ക​ൾ ഉ​ൾ​പ്പെ​ടെ ഗു​രു​ത​ര രോ​ഗി​ക​ൾ​ക്കു​ള്ള മ​രു​ന്നു​ക​ളാ​ണ് കാ​രു​ണ്യ ഷോ​പ്പി​ൽ​നി​ന്ന് ല​ഭി​ക്കാ​ത്ത​ത്.

മ​രു​ന്നു​ക​ൾ ല​ഭി​ക്കാ​താ​യ​തോ​ടെ സ്വ​കാ​ര്യ മെ​ഡി​ക്ക​ൽ ഷോ​പ്പു​ക​ളെ​യാ​ണ് രോ​ഗി​ക​ൾ ആ​ശ്ര​യി​ക്കു​ന്ന​ത്. ജി​ല്ല ആ​ശു​പ​ത്രി ധ​ന്വ​ന്ത​രി ഡ​യാ​ലി​സി​സ് സെ​ന്റ​റി​ൽ ദി​നം​പ്ര​തി നി​ര​വ​ധി പേ​രാ​ണ് ഡ​യാ​ലി​സി​സി​ന് വി​ധേ​യ​മാ​കു​ന്ന​ത്. കാ​രു​ണ്യ​യി​ൽ​നി​ന്ന് മ​രു​ന്ന് ല​ഭി​ക്കാ​ത്ത​ത് വ​ൻ സാ​മ്പ​ത്തി​ക​ബാ​ധ്യ​ത​യാ​ണ് രോ​ഗി​ക​ൾ​ക്ക് വ​രു​ത്തു​ന്ന​ത്.

കാ​രു​ണ്യ മെ​ഡി​ക്ക​ൽ ഷോ​പ്പു​ക​ൾ​ക്ക് ആ​ശു​പ​ത്രി​യു​മാ​യി ബ​ന്ധ​മി​ല്ലെ​ങ്കി​ലും അ​ടി​സ്ഥാ​ന സൗ​ക​ര്യ​മൊ​രു​ക്കി ന​ൽ​കി​യ​ത് പാ​വ​പ്പെ​ട്ട രോ​ഗി​ക​ൾ​ക്ക് ആ​ശ്ര​യ​മാ​വാ​നാ​ണ്. എ​ന്നാ​ൽ,

പ​ല മ​രു​ന്നു​ക​ളും ല​ഭി​ക്കു​ന്നി​ല്ലെ​ങ്കി​ൽ കാ​രു​ണ്യ ഷോ​പ് എ​ന്തി​ന് എ​ന്ന ചോ​ദ്യ​മു​യ​രു​ന്നു​ണ്ട്. ജി​ല്ല കേ​ന്ദ്ര​ങ്ങ​ളി​ലു​ള്ള കാ​രു​ണ്യ മെ​ഡി​ക്ക​ൽ ഷോ​പ്പു​ക​ളി​ൽ ആ​വ​ശ്യ​ത്തി​ന് മ​രു​ന്ന് ല​ഭി​ക്കു​മ്പോ​ൾ താ​ഴേ​ക്കി​ട​യി​ൽ പ്ര​വ​ർ​ത്തി​ക്കു​ന്ന ഷോ​പ്പു​ക​ളെ അ​വ​ഗ​ണി​ക്കു​ന്ന​താ​ണ് പ​ല മ​രു​ന്നു​ക​ളു​ടെ​യും ക്ഷാ​മ​ത്തി​നി​ട​യാ​ക്കു​ന്ന​തെ​ന്ന് സൂ​ച​ന​യു​ണ്ട്. ആ​ശു​പ​ത്രി​യി​ൽ​നി​ന്ന് ഡോ​ക്ട​ർ​മാ​ർ കു​റി​ക്കു​ന്ന മ​രു​ന്നു​ക​ൾ കാ​രു​ണ്യ​വ​ഴി ല​ഭ്യ​മാ​ക്കി​യാ​ൽ രോ​ഗി​ക​ൾ​ക്ക്

ഏ​റെ ആ​ശ്ര​യ​മാ​വു​മെ​ങ്കി​ലും മ​രു​ന്നു​ക​ൾ ല​ഭി​ക്കാ​ത്ത​ത് സ്വ​കാ​ര്യ ഷോ​പ്പു​ക​ൾ​ക്ക് ചാ​ക​ര​യാ​ണ്. കാ​രു​ണ്യ​യു​ടെ തു​ട​ക്ക​ത്തി​ൽ ആ​ശു​പ​ത്രി ഫാ​ർ​മ​സി​യി​ൽ​നി​ന്ന് ല​ഭി​ക്കാ​ത്ത മ​രു​ന്നു​ക​ൾ ല​ഭ്യ​മാ​യി​രു​ന്നു. പി​ന്നീ​ട് പ​ല മ​രു​ന്നു​ക​ളും അ​പ്ര​ത്യ​ക്ഷ​മാ​വു​ക​യും ചി​ല​പ്പോ​ൾ ല​ഭി​ക്കു​ന്ന അ​വ​സ്ഥ​യി​ലേ​ക്ക് ചു​രു​ങ്ങു​ക​യു​മു​ണ്ടാ​യി.

ജീ​വി​ത​ശൈ​ലീ​രോ​ഗ​ങ്ങ​ൾ​ക്കു​ൾ​പ്പെ​ടെ​യു​ള്ള മ​രു​ന്നു​ക​ൾ​ക്കും കാ​രു​ണ്യ മ​രു​ന്ന് ഷോ​പ്പു​ക​ളെ​യാ​ണ് ആ​ശ്ര​യി​ച്ചി​രു​ന്ന​ത്. രോ​ഗി​ക​ൾ​ക്ക് ത​ണ​ലാ​വാ​ൻ തു​ട​ങ്ങി​യ പ​ദ്ധ​തി സ്വ​കാ​ര്യ ഷോ​പ്പു​ക​ൾ​ക്ക് അ​നു​കൂ​ല​ന​ട​പ​ടി സ്വീ​ക​രി​ക്കു​ന്ന​താ​ണ് മ​രു​ന്നു​ക​ളു​ടെ ദൗ​ർ​ല​ഭ്യ​ത​ക്ക് ഇ​ട​യാ​ക്കു​ന്ന​തെ​ന്ന് ആ​ക്ഷേ​പ​മു​ണ്ട്. കാ​ര്യ​ക്ഷ​മ​മാ​യി കാ​രു​ണ്യ മെ​ഡി​ക്ക​ൽ ഷോ​പ്പു​ക​ൾ പ്ര​വ​ർ​ത്തി​ക്കാ​ൻ ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് ആ​വ​ശ്യം.