ദേശീയപാത വെള്ളക്കെട്ട്: പരിഹരിക്കാൻ പ്രത്യേക സംഘം

വ​ട​ക​ര: ദേ​ശീ​യ​പാ​ത നി​ർ​മാ​ണ പ്ര​വൃ​ത്തി​യു​മാ​യി ബ​ന്ധ​പ്പെ​ട്ട് മൂ​രാ​ട് മു​ത​ൽ അ​ഴി​യൂ​ർ വ​രെ വെ​ള്ള​ക്കെ​ട്ട് ഒ​ഴി​വാ​ക്കാ​ൻ പ്ര​ത്യേ​ക സം​ഘ​ത്തെ നി​യ​മി​ക്കാ​ൻ തീ​രു​മാ​ന​മാ​യി. മ​ഴ​ക്കാ​ല​ത്ത് ദേ​ശീ​യ​പാ​ത​യോ​ര​ത്ത് ഉ​ണ്ടാ​കു​ന്ന വെ​ള്ള​ക്കെ​ട്ട് ഉ​ൾ​പ്പെ​ടെ അ​ടി​യ​ന്ത​ര സാ​ഹ​ച​ര്യ​ത്തെ നേ​രി​ടാ​നാ​ണ് പ്ര​ത്യേ​ക ദു​ര​ന്ത നി​വാ​ര​ണ സം​ഘ​ത്തെ നി​യോ​ഗി​ച്ച​ത്. ജി​ല്ല, താ​ലൂ​ക്ക് അ​ധി​കൃ​ത​രോ​ട് കെ.​കെ. ര​മ എം.​എ​ൽ.​എ​യും ആ​ർ.​ഡി.​ഒ വി​ളി​ച്ച യോ​ഗ​ത്തി​ൽ ജ​ന​പ്ര​തി​നി​ധി​ക​ളും ഇ​ക്കാ​ര്യം ആ​വ​ശ്യ​പ്പെ​ട്ടി​രു​ന്നു.

മ​ഴ വ​രു​ന്ന​തോ​ടെ ദേ​ശീ​യ​പാ​ത​യി​ൽ വ്യാ​പ​ക വെ​ള്ള​ക്കെ​ട്ടി​ന് സാ​ധ്യ​ത നി​ല​നി​ൽ​ക്കു​ന്ന​താ​യി താ​ലൂ​ക്ക് വി​ക​സ​ന സ​മി​തി യോ​ഗ​ത്തി​ൽ അം​ഗ​ങ്ങ​ൾ ചൂ​ണ്ടി​ക്കാ​ട്ടി​യി​രു​ന്നു. ഇ​തു​സം​ബ​ന്ധി​ച്ച അ​റി​യി​പ്പ് ല​ഭി​ച്ച​താ​യി കെ.​കെ. ര​മ എം.​എ​ൽ.​എ അ​റി​യി​ച്ചു. ദേ​ശീ​യ​പാ​ത അ​തോ​റി​റ്റി ക​രാ​ർ ക​മ്പ​നി​യോ​ട് വെ​ള്ള​ക്കെ​ട്ട് ഒ​ഴി​വാ​ക്കാ​ൻ സ​ജ്ജ​മാ​വാ​ൻ നി​ർ​ദേ​ശം ന​ൽ​കി​യി​രു​ന്നു.

ര​ണ്ടു സം​ഘ​ത്തെ തീ​രു​മാ​നി​ച്ചു​ള്ള അ​റി​യി​പ്പ് എ​ൻ.​എ​ച്ച്.​എ.​ഐ ബ​ന്ധ​പ്പെ​ട്ട ക​ൺ​സ​ൽ​ട്ട​ൻ​സി​ക്ക് കൈ​മാ​റി. ക​ൺ​സ​ൽ​ട്ട​ൻ​സി​യി​ലെ എ​ൻ​ജി​നീ​യ​ർ​മാ​രും പ്ര​വൃ​ത്തി ക​രാ​റെ​ടു​ത്ത ക​മ്പ​നി​യു​ടെ പ്ര​തി​നി​ധി​ക​ളും ഉ​ൾ​പ്പെ​ടു​ന്ന​താ​ണ് സം​ഘം.

അ​ഴി​യൂ​ർ മു​ത​ൽ പാ​ലോ​ളി​പ്പാ​ലം വ​രെ ഒ​രു സം​ഘ​വും മൂ​രാ​ടു​മു​ത​ൽ വെ​ങ്ങ​ളം​വ​രെ മ​റ്റൊ​രു സം​ഘ​വും ഉ​ണ്ടാ​കും. ആ​ദ്യ സം​ഘ​ത്തി​ൽ മൊ​ത്തം 12 പേ​രു​ണ്ട്. ര​ണ്ടാ​മ​ത്തെ സം​ഘ​ത്തി​ൽ 17 പേ​രും. മ​ഴ ശ​ക്ത​മാ​കു​മ്പോ​ൾ ഏ​തു​സ​മ​യ​ത്തും ഇ​വ​രു​ടെ സേ​വ​നം ല​ഭ്യ​മാ​കും. ദേ​ശീ​യ​പാ​ത നി​ർ​മാ​ണ പ്ര​വൃ​ത്തി​യു​ടെ ഭാ​ഗ​മാ​യി പ​ല ഭാ​ഗ​ങ്ങ​ളും ഉ​ഴു​തു​മ​റി​ച്ചി​ട്ട​തി​നാ​ൽ എ​വി​ടെ​യൊ​ക്കെ വെ​ള്ളം ഇ​ര​ച്ചു​ക​യ​റു​മെ​ന്ന​തു സം​ബ​ന്ധി​ച്ച് ഒ​രു രൂ​പ​വു​മി​ല്ല. അ​തു​കൊ​ണ്ടു​​ത​ന്നെ പാ​ത​യോ​ര​ത്തെ താ​മ​സ​ക്കാ​ർ ആ​ശ​ങ്ക​യി​ലാ​ണ്.