സു​ര​ക്ഷയില്ലാതെ കെ​ട്ടി​ട​ നി​ർ​മാ​ണം അ​പ​ക​ടം ക്ഷ​ണി​ച്ചു​വ​രു​ത്തു​ന്നു

വ​ട​ക​ര: മാ​ന​ദ​ണ്ഡ​ങ്ങ​ളും സു​ര​ക്ഷ​യും ച​ട്ട​ങ്ങ​ളും കാ​റ്റി​ൽ​പ​റ​ത്തി കെ​ട്ടി​ട​ങ്ങ​ൾ നി​ർ​മി​ക്കു​ന്ന​ത് വ​ർ​ധി​ക്കു​ന്നു. ആ​ഡം​ബ​ര നി​ർ​മാ​ണ​ത്തി​ന്റെ ഭാ​ഗ​മാ​യാ​ണ് കൂ​ടു​ത​ലാ​യും സു​ര​ക്ഷ ഉ​റ​പ്പു​വ​രു​ത്താ​തെ കെ​ട്ടി​ട നി​ർ​മാ​ണ​ങ്ങ​ൾ ന​ട​ക്കു​ന്ന​ത്. വീ​ടു​ക​ളു​ടെ​യും മ​റ്റും ഭം​ഗി കൂ​ട്ടു​ന്ന​തി​ന് കെ​ട്ടി​ട ഭാ​ഗ​ങ്ങ​ൾ അ​ധി​ക​വും നി​ർ​മി​ക്കു​ന്ന​ത് സു​ര​ക്ഷി​ത​ത്വ​മി​ല്ലാ​തെ​യാ​ണ്. ഇ​ത്ത​രം നി​ർ​മാ​ണ​ങ്ങ​ൾ അ​പ​ക​ട​ത്തി​ലേ​ക്ക് ന​യി​ക്കു​മ്പോ​ഴാ​ണ് ച​ർ​ച്ച​ക​ൾ കൊ​ഴു​ക്കു​ക​യും ക​ണ്ണു​തു​റ​പ്പി​ക്കു​ക​യും ചെ​യ്യു​ന്ന​ത്. വ​ള​യ​ത്ത് ക​ഴി​ഞ്ഞ​ദി​വ​സം ര​ണ്ടു യു​വാ​ക്ക​ളാ​ണ് വീ​ട് നി​ർ​മാ​ണ​പ്ര​വൃ​ത്തി​ക്കി​ടെ സ്ലാ​ബ് ത​ക​ർ​ന്നു​വീ​ണ് മ​രി​ച്ച​ത്. ര​ണ്ടു​പേ​ർ​ക്ക് ഗു​രു​ത​ര​മാ​യി പ​രി​ക്കേ​ൽ​ക്കു​ക​യു​മു​ണ്ടാ​യി. വീ​ടി​ന്റെ ര​ണ്ടാം​നി​ല​യി​ലെ സ​ൺ​ഷെ​യ്ഡി​ന്റെ ഭാ​ഗം തൊ​ഴി​ലാ​ളി​ക​ൾ​ക്കു​മേ​ൽ വീ​ണാ​ണ് ദാ​രു​ണ സം​ഭ​വ​മു​ണ്ടാ​യ​ത്.

ഒ​രു​വി​ധ സു​ര​ക്ഷി​ത​ത്വ​വു​മി​ല്ലാ​തെ കെ​ട്ടി​പ്പൊ​ക്കി​യ സ​ൺ​ഷെ​യ്ഡ് മ​റ്റു നി​ർ​മാ​ണ പ്ര​വൃ​ത്തി​ക്കി​ടെ ത​ക​ർ​ന്നു​വീ​ഴു​ക​യാ​യി​രു​ന്നു. ആ​വ​ശ്യ​ത്തി​ലു​മ​ധി​കം വീ​തി​യി​ൽ നി​ർ​മി​ച്ച സ​ൺ​ഷെ​യ്ഡാ​ണ് അ​പ​ക​ടം ക്ഷ​ണി​ച്ചു​വ​രു​ത്തി​യ​തെ​ന്നാ​ണ് ഈ ​രം​ഗ​ത്തെ വി​ദ​ഗ്ധാ​ഭി​പ്രാ​യം. പ​ല​യി​ട​ങ്ങ​ളി​ലും വീ​ടു​ക​ൾ​ക്കും കെ​ട്ടി​ട​ങ്ങ​ൾ​ക്കും ഇ​ത്ത​ര​ത്തി​ലു​ള്ള നി​ർ​മാ​ണ​രീ​തി ക​ണ്ടു​വ​രു​ന്നു​ണ്ട്. കെ​ട്ടി​ടം നി​ർ​മി​ച്ച​വ​രാ​യി​രി​ക്കി​ല്ല പ​ല​പ്പോ​ഴും മ​റ്റു പ്ര​വൃ​ത്തി​ക​ളി​ൽ ഏ​ർ​പ്പെ​ടു​ന്ന​ത്. അ​തു​കൊ​ണ്ടു​ത​ന്നെ നേ​ര​ത്തേ​യു​ള്ള നി​ർ​മാ​ണ​ത്തെ​ക്കു​റി​ച്ച് അ​റി​വി​ല്ലാ​ത്ത​തി​നാ​ൽ അ​പ​ക​ട​ത്തി​ൽ​പെ​ടാ​ൻ സാ​ധ്യ​ത​യേ​റെ​യാ​ണ്. നി​ർ​മാ​ണ​വൈ​ദ​ഗ്ധ്യ​മി​ല്ലാ​തെ സ്വ​യം എ​ൻ​ജി​നീ​യ​ർ​മാ​രാ​യി പ്ര​വൃ​ത്തി ന​ട​ത്തു​ന്ന​തും വ​ർ​ധി​ച്ചു​വ​രു​ന്നു​ണ്ട്. വ​ള​യ​ത്ത് ന​ട​ന്ന അ​പ​ക​ട​ത്തി​നു​പി​ന്നാ​ലെ പ​ല​സ്ഥ​ല​ത്തും കെ​ട്ടി​ട നി​ർ​മാ​ണ​ത്തി​നി​ടെ ത​ക​ർ​ന്ന വീ​ടു​ക​ളു​ടെ ഭാ​ഗ​ങ്ങ​ൾ സ​മൂ​ഹ മാ​ധ്യ​മ​ങ്ങ​ളി​ൽ പ​ല​രും പ​ങ്കു​വെ​ക്കു​ന്നു​ണ്ട്. അ​പ​ക​ട​ങ്ങ​ളി​ൽ പ​രി​ക്കേ​ൽ​ക്കാ​തെ ര​ക്ഷ​പ്പെ​ട്ട​തി​നാ​ൽ പു​റം​ലോ​കം അ​റി​യാ​തെ​പോ​യ സം​ഭ​വ​ങ്ങ​ളു​മു​ണ്ട്. കെ​ട്ടി​ട നി​ർ​മാ​ണ​ത്തി​ന് അം​ഗീ​കാ​രം ന​ൽ​കു​മ്പോ​ൾ സു​ര​ക്ഷി​ത​ത്വം സം​ബ​ന്ധി​ച്ച പ​രി​ശോ​ധ​ന​ക​ൾ പ​ല​പ്പോ​ഴും വ​ഴി​പാ​ടാ​വു​ക​യാ​ണ്.

കെ​ട്ടി​ട​നി​ർ​മാ​ണം ക​ഴി​ഞ്ഞു​ള്ള പ​രി​ശോ​ധ​ന​ക​ളി​ൽ സു​ര​ക്ഷ വെ​ളി​പ്പെ​ടാ​റി​ല്ല. വീ​ടു​ക​ൾ ഉ​ൾ​പ്പെ​ടെ​യു​ള്ള കെ​ട്ടി​ട​ങ്ങ​ൾ നി​ർ​മി​ക്കു​മ്പോ​ൾ ആ​ഡം​ബ​ര​ത്തി​നു പു​റ​മെ സു​ര​ക്ഷ ഉ​റ​പ്പു​വ​രു​ത്താ​നും ജാ​ഗ്ര​ത ആ​വ​ശ്യ​മാ​ണെ​ന്ന് ചൂ​ണ്ടി​ക്കാ​ണി​ക്ക​പ്പെ​ടു​ന്നു.