സി.പി.എം പ്രവര്‍ത്തകരുടെ അറസ്​റ്റ്​: ചോമ്പാല എസ്.ഐയെ സ്ഥലംമാറ്റി

വ​ട​ക​ര: ചോ​മ്പാ​ല എ​സ്.​ഐ പ്ര​ശോ​ഭി​നെ സ്ഥ​ലം​മാ​റ്റി. പെ​രു​വ​ണ്ണാ​മൂ​ഴി സ്​​റ്റേ​ഷ​നി​ലേ​ക്കാ​ണ് മാ​റ്റി​യ​ത്. പു​തു​വ​ത്സ​രാ​ഘോ​ഷ​വു​മാ​യി ബ​ന്ധ​പ്പെ​ട്ട് ര​ണ്ടു സി.​പി.​എം പ്ര​വ​ര്‍ത്ത​ക​രെ അ​റ​സ്​​റ്റ്​ ചെ​യ്ത സം​ഭ​വ​ത്തി‍െൻറ പ്ര​തി​കാ​ര​മാ​യാ​ണ് സ്ഥ​ലം​മാ​റ്റ​മെ​ന്ന് പ​റ​യു​ന്നു.

ക​ണ്ണൂ​ര്‍ സ്വ​ദേ​ശി​യാ​ണ് പ്ര​ശോ​ഭ്. തെ​ര​ഞ്ഞെ​ടു​പ്പ് അ​ടു​ത്തി​രി​ക്കെ പൊ​തു സ്ഥ​ലം​മാ​റ്റം ന​ട​ക്കാ​നി​രി​ക്കെ​യു​ള്ള ഈ ​ന​ട​പ​ടി പൊ​ലീ​സി‍െൻറ വീ​ര്യം ത​ക​ര്‍ക്കാ​ന്‍ മാ​ത്ര​മേ സ​ഹാ​യി​ക്കൂ​വെ​ന്നാ​ണ് പൊ​ലീ​സി​നു​ള്ളി​ല്‍ നി​ന്നു​ള്ള വി​മ​ര്‍ശ​നം. പ്ര​വ​ര്‍ത്ത​ക​രെ അ​റ​സ്​​റ്റ്​ ചെ​യ്ത​തി​നെ ചൊ​ല്ലി ചോ​മ്പാ​ല പൊ​ലീ​സി​നെ​തി​രെ സി.​പി.​എം നേ​താ​ക്ക​ള്‍ പോ​ര്‍വി​ളി ന​ട​ത്തി​യി​രു​ന്നു.

പ്ര​വ​ര്‍ത്ത​ക​രു​ടെ അ​റ​സ്​​റ്റി​നെ തു​ട​ര്‍ന്നു​ള്ള പൊ​ലീ​സി​നെ​തി​രാ​യ സി.​പി.​എം നേ​താ​വി‍െൻറ പ്ര​സം​ഗം വി​വാ​ദ​മാ​യി​രു​ന്നു. ഇ​തി‍െൻറ തു​ട​ര്‍ച്ച​യാ​യി, ചോ​മ്പാ​ല സ്​​റ്റേ​ഷ​നി​ല്‍ സി.​പി.​എം നേ​താ​വു​മാ​യു​ണ്ടാ​യ വാ​ക്ത​ര്‍ക്ക​ത്തി‍െൻറ ദൃ​ശ്യ​ങ്ങ​ള്‍ വ്യാ​പ​ക​മാ​യി പ്ര​ച​രി​ച്ചി​രു​ന്നു. വി​ഷ​യം മു​ഖ്യ​മ​ന്ത്രി​യു​ടെ ശ്ര​ദ്ധ​യി​ലു​ള്‍പ്പെ​ടെ സി.​പി.​എം എ​ത്തി​ച്ചി​രു​ന്നു. വീ​ട്ടി​ല്‍ ക​യ​റി സ്ത്രീ​ക​ളെ ഉ​ള്‍പ്പെ​ടെ ഭീ​ഷ​ണി​പ്പെ​ടു​ത്തി​യു​ള്ള പൊ​ലീ​സ് ന​ട​പ​ടി നാ​ടി​നു യോ​ജി​ച്ച​ത​ല്ലെ​ന്ന നി​ല​പാ​ടാ​ണ് സി.​പി.​എം മു​ന്നോ​ട്ടു​വെ​ച്ച​ത്.