ബൈപാസ് വീതികൂട്ടലി​ന്‍റെ മറവിൽ തണ്ണീർത്തടം മണ്ണിട്ട് നികത്തി

കോ​ഴി​ക്കോ​ട്: ബൈ​പ്പാ​സി​ൽ മ​ലാ​പ്പ​റ​മ്പി​നും ചേ​വ​ര​മ്പ​ല​ത്തി​നും ഇ​ട​ക്ക് റോ​ഡ് ന​വീ​ക​ര​ണ​ത്തി​​ന്‍റെ മ​റ​വി​ൽ ത​ണ്ണീ​ർ​ത്ത​ടം മ​ണ്ണി​ട്ട് നി​ക​ത്താ​ൻ ശ്ര​മി​ച്ച​ത് നാ​ട്ടു​കാ​ർ ത​ട​ഞ്ഞു. ബൈ​പാ​സ് വീ​തി​കൂ​ട്ട​ൽ പ്ര​വൃ​ത്തി ഏ​റ്റെ​ടു​ത്ത ക​രാ​റു​കാ​ര​നാ​ണ് സ്വ​കാ​ര്യ വ്യ​ക്തി​യു​ടെ എ​ട്ടേ​ക്ക​റോ​ളം വ​രു​ന്ന ത​ണ്ണീ​ർ​ത്ത​ട ഭൂ​മി​യി​ൽ മ​ണ്ണി​ട്ട് നി​ക​ത്താ​ൻ കൂ​ട്ടു​നി​ന്ന​തെ​ന്നാ​ണ്​ നാ​ട്ടു​കാ​രു​ടെ ആ​ക്ഷേ​പം. ര​ണ്ടു ദി​വ​സ​മാ​യി മ​ണ്ണി​ട​ൽ ത​കൃ​തി​യാ​യി ന​ട​ക്കു​ന്നു​ണ്ടെ​ങ്കി​ലും വെ​ള്ളി​യാ​ഴ്ച രാ​വി​ലെ​യാ​ണ് ഇ​ത് നാ​ട്ടു​കാ​രു​ടെ ശ്ര​ദ്ധ​യി​ൽ​പ്പെ​ട്ട​ത്. തു​ട​ർ​ന്ന്, പ്ര​വൃ​ത്തി​ക​ൾ ത​ട​ഞ്ഞു.

പ​ത്ത് മീ​റ്റ​ർ ഉ​യ​ര​ത്തി​ൽ ബൈ​പ്പാ​സി​ൽ​നി​ന്ന് 50 മീ​റ്റ​റോ​ളം ഭാ​ഗം നി​ല​വി​ൽ നി​ക​ത്തി. മ​ണ്ണി​ട്ട് നി​ക​ത്താ​നു​ള്ള ഭാ​ഗ​ങ്ങ​ൾ പ്ര​ത്യേ​കം അ​ട​യാ​ള​പ്പെ​ടു​ത്തി​യി​ട്ടു​ണ്ട്. ബൈ​പാ​സ് ആ​റു വ​രി പാ​ത​യാ​ക്കു​ന്ന​തി​​ന്‍റെ പ്ര​വൃ​ത്തി​ക​ൾ ന​ട​ക്കു​ന്ന​തി​നാ​ൽ റോ​ഡി​​ന്‍റെ ഇ​രു​വ​ശ​വും നി​ല​വി​ൽ മ​ണ്ണി​ട്ട് നി​ക​ത്തു​ന്നു​ണ്ട്. ഈ ​ഭാ​ഗ​ങ്ങ​ളി​ൽ ഇ​ട്ട മ​ണ്ണാ​ണ് ത​ണ്ണീ​ർ​ത്ത​ട​ത്തി​ലേ​ക്ക് മ​ണ്ണ്മാ​ന്തി ഉ​പ​യോ​ഗി​ച്ച് മാ​റ്റി​യി​ട്ട​ത്. ബൈ​പ്പാ​സ് പ്ര​വൃ​ത്തി​ക​ൾ​ക്ക് അ​നു​യോ​ജ്യ​മ​ല്ലാ​ത്ത​തി​നാ​ലാ​ണ് മ​ണ്ണ് ത​ണ്ണീ​ർ​ത്ത​ട​ത്തി​ലേ​ക്കി​ട്ട​തെ​ന്നാ​ണ് ക​രാ​റു​കാ​ര​​ന്‍റെ വി​ശ​ദീ​ക​ര​ണം. പാ​ച്ചാ​ക്കി​ൽ ഓ​വു​ചാ​ൽ അ​വ​സാ​നി​ക്കു​ന്ന ഭാ​ഗ​മാ​ണി​ത്.

ക​ലു​ങ്കി​​ന്‍റെ ഭൂ​രി​ഭാ​ഗ​വും മ​ണ്ണി​ട്ടു​നി​ക​ത്തി​യി​ട്ടു​ണ്ട്. ഇ​തി​നാ​ൽ, പു​ൽ​പ​റ​മ്പ് കോ​ള​നി, മ​മ്മ​ളി​ത്താ​ഴം, പാ​ച്ചാ​ക്കി​ൽ, തോ​ട്ടി​ൽ​പ്പീ​ടി​ക പ്ര​ദേ​ശ​ങ്ങ​ളി​ൽ മ​ഴ​ക്കാ​ല​മാ​യാ​ൽ വെ​ള്ള​പ്പൊ​ക്കം ഉ​ണ്ടാ​വു​മെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്. റ​വ​ന്യൂ ഉ​ദ്യോ​ഗ​സ്ഥ​ർ സ്ഥ​ല​ത്തെ​ത്തി പ്ര​വൃ​ത്തി​ക​ൾ നി​ർ​ത്താ​ൻ ആ​വ​ശ്യ​പ്പെ​ടു​ക​യും മ​ണ്ണ് നീ​ക്കം ചെ​യ്യാ​നു​ള്ള ന​ട​പ​ടി​യെ​ടു​ക്കാ​മെ​ന്ന് നാ​ട്ടു​കാ​ർ​ക്ക് ഉ​റ​പ്പ് കൊ​ടു​ക്കു​ക​യും ചെ​യ്തു. വി​വി​ധ രാ​ഷ്ട്രീ​യ പാ​ർ​ട്ടി​ക​ളു​ടെ നേ​തൃ​ത്വ​ത്തി​ൽ സ്ഥ​ല​ത്ത് കൊ​ടി​ക​ൾ സ്ഥാ​പി​ച്ചു. ഭൂ​ഉ​ട​മ​യും ക​രാ​റു​കാ​ര​നും ത​മ്മി​ലു​ള്ള ഗൂ​ഢാ​ലോ​ച​ന​യാ​ണി​തെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്.

സ​മീ​പ പ്ര​ദേ​ശ​ങ്ങ​ളി​ൽ ഇ​തി​ന് മു​മ്പും സ​മാ​ന സം​ഭ​വ​ങ്ങ​ൾ ന​ട​ന്നി​ട്ടു​ണ്ടെ​ന്നാ​ണ് ഇ​വ​ർ പ​റ​യു​ന്ന​ത്. അ​ന്ന​മ്മ ജോ​ർ​ജെ​ന്ന വ്യ​ക്തി​യു​ടെ സ്ഥ​ല​മാ​ണി​തെ​ന്നാ​ണ് റ​വ​ന്യൂ അ​ധി​കൃ​ത​ർ പ​റ​യു​ന്ന​ത്.

''ക​ല​ക്ട​റെ നേ​രി​ൽ ക​ണ്ട് സം​സാ​രി​ച്ചി​രു​ന്നു. ത​ണ്ണീ​ർ​ത്ത​ട​ത്തി​ൽ മ​ണ്ണി​ട്ട് നി​ക​ത്താ​നു​ള്ള ഒ​രു അ​നു​മ​തി​യും ന​ൽ​കി​യി​ല്ലെ​ന്നാ​ണ് ക​ല​ക്ട​ർ പ​റ​ഞ്ഞ​ത്. ശ​നി​യാ​ഴ്ച എം.​എ​ൽ.​എ സ്ഥ​ലം സ​ന്ദ​ർ​ശി​ക്കാ​മെ​ന്ന് പ​റ​ഞ്ഞി​ട്ടു​ണ്ട്. രാ​ത്രി​യും പ​ക​ലു​മാ​യി മ​ണ്ണി​ട്ട് നി​ക​ത്തു​ന്ന​ത് ശ്ര​ദ്ധ​യി​ൽ​പ്പെ​ട്ടി​രു​ന്നു. എ​ന്നാ​ലി​ത് ബൈ​പ്പാ​സ് വീ​തി​കൂ​ട്ട​ലി​​ന്‍റെ ഭാ​ഗ​മാ​ണെ​ന്നാ​യി​രു​ന്നു ക​രു​തി​യ​ത്. പി​ന്നീ​ടാ​ണ് വ​സ്തു​ത ബോ​ധ്യ​മാ​യ​ത്. തു​ട​ർ​ന്ന്, എ​ൻ.​എ​ച്ച് ഉ​ദ്യോ​ഗ​സ്ഥ​രു​മാ​യി ബ​ന്ധ​പ്പെ​ട്ട​പ്പോ​ൾ കോ​ട​തി അ​നു​മ​തി ഉ​ണ്ടെ​ന്നാ​ണ് പ​റ​ഞ്ഞ​ത്. എ​ന്നാ​ൽ, ഉ​ത്ത​ര​വി​​ന്‍റെ പ​ക​ർ​പ്പൊ​ന്നും ഇ​വ​ർ​ക്ക് ഹാ​ജ​രാ​ക്കാ​നാ​യി​ല്ല''

എം.​എ​ൻ. പ്ര​വീ​ൺ സി​വി​ൽ സ്റ്റേ​ഷ​ൻ വാ​ർ​ഡ് കൗ​ൺ​സി​ല​ർ