തണൽ തുറക്കുമ്പോൾ നിറചിരിയുമായി കുഞ്ഞായൻ കോയ ഹാജി

ഉ​േള്ള്യരി: ആറ് പഞ്ചായത്തുകളിലെ വൃക്കരോഗികൾക്ക് ആശ്വാസത്തി​െൻറ തണൽ നിവർത്തി പിതാവി​െൻറ പേരിൽ പണിത കെട്ടിടം സ്വാതന്ത്ര്യദിനത്തിൽ തുറന്നുകൊടുക്കുമ്പോൾ അതിനു പിറകിലെ ചാലകശക്തിയായി പ്രവർത്തിച്ച റിട്ട. എൻജിനീയർ കെ. കുഞ്ഞായൻ കോയ ഹാജിയുടെ മുഖത്ത് ആശ്വാസത്തി​െൻറ പുഞ്ചിരി.

ഈസ്​റ്റ്​ മുക്കിനു സമീപം സംസ്ഥാനപാതയിൽ ഭാര്യക്കായി വാങ്ങി നൽകിയ ലക്ഷങ്ങൾ വിലമതിക്കുന്ന 10 സെൻറ് സ്ഥലത്താണ് ഇദ്ദേഹം ഡയാലിസിസ് സെൻറർ നിർമിച്ചത്. കെട്ടിട നിർമാണത്തിന് 60 ലക്ഷത്തോളം രൂപയും ചെലവഴിച്ചു.

പി.ഡബ്ല്യു.ഡി റിട്ട. എൻജിനീയറായ കുഞ്ഞായൻ കോയ വർഷങ്ങളോളം ഉള്ള്യേരി മഹല്ല് പ്രസിഡൻറ്​, ക്ഷേത്ര-മഹല്ല് കോഓഡിനേഷൻ ചെയർമാനായും പ്രവർത്തിച്ചിട്ടുണ്ട്.

അധ്യാപകനായിരുന്ന പിതാവ് ഇമ്പിച്ചി മമ്മു ഹാജിയുടെ പേരിലാണ് ഡയാലിസിസ് സെൻറർ നിർമിച്ചിരിക്കുന്നത്. ഉള്ള്യേരി, ബാലുശ്ശേരി, നടുവണ്ണൂർ, കോട്ടൂർ, അത്തോളി പഞ്ചായത്തുകളിലെ വൃക്കരോഗികൾക്ക് ഇവിടെ സേവനം ലഭ്യമാകും.

ഒരേസമയം 10 പേർക്ക് ഡയാലിസിസ് നടത്താൻ സൗകര്യമുണ്ട്​. രണ്ട് ഷിഫ്റ്റിലായണ് പ്രവർത്തനം. സെൻററി​െൻറ ഒന്നാം നിലയിൽ ഭിന്നശേഷിക്കാർക്കായുള്ള ഫിസിയോതെറപ്പി യൂനിറ്റും അടുത്തുതന്നെ പ്രവർത്തനം തുടങ്ങും.

ഡയാലിസിസ് സെൻററിലേക്ക് ഒരു കോടിയോളം രൂപയുടെ ഉപകരണങ്ങളാണ് ആവശ്യമുള്ളത്. വിവിധ സംഘടനകളും വ്യക്തികളും വാട്സ്​ആപ് കൂട്ടായ്മകളും ഉപകരണങ്ങൾ സ്പോൺസർ ചെയ്യുന്നുണ്ട്.

പ്രവർത്തനമാരംഭിച്ചാൽ പ്രതിമാസം മൂന്നു ലക്ഷത്തോളം രൂപ നടത്തിപ്പിനായി ചെലവ് വരും. ആഗസ്​റ്റ്​ 15ന് തൊഴിൽ-എക്സൈസ് മന്ത്രി ടി.പി. രാമകൃഷ്ണൻ ഉദ്ഘാടനം നിർവഹിക്കും.

പുരുഷൻ കടലുണ്ടി എം.എൽ.എ അധ്യക്ഷത വഹിക്കും. ഡയാലിസിസ് പ്ലാൻറ് ഉദ്ഘാടനം എം.കെ. രാഘവൻ എം.പി നിർവഹിക്കും. വിവിധ മേഖലകളിലെ പ്രശസ്ത വ്യക്തിത്വങ്ങൾ ഓൺലൈനായി നടക്കുന്ന ചടങ്ങിൽ സംബന്ധിക്കും.