രാത്രിയായാൽ യു.കെ.എസ് റോഡ് സാമൂഹിക വിരുദ്ധരുടെ താവളം

കോ​ഴി​ക്കോ​ട്: ന​ഗ​ര മ​ധ്യ​ത്തി​ലെ യു.​കെ. ശ​ങ്കു​ണ്ണി റോ​ഡ് (യു.​കെ.​എ​സ് റോ​ഡ്) രാ​ത്രി സാ​മൂ​ഹി​ക വി​രു​ദ്ധ​രു​ടെ​യും മോ​ഷ്ടാ​ക്ക​ളു​ടെ​യും താ​വ​ള​മാ​കു​ന്നു. മാ​വൂ​ർ റോ​ഡി​ൽ​നി​ന്ന് വ​യ​നാ​ട് റോ​ഡി​ലെ ജി​ല്ല മൃ​ഗാ​ശു​പ​ത്രി​ക്ക​ടു​ത്തേ​ക്കും കു​നി​യി​ൽ കാ​വ് ഭാ​ഗ​ത്തേ​ക്കു​മെ​ല്ലാം എ​ളു​പ്പം എ​ത്താ​വു​ന്ന പാ​ത​യി​ൽ ഇ​രു​ട്ടാ​യാ​ൽ സ്​​ത്രീ​ക​ള​ട​ക്ക​മു​ള്ള​വ​ർ​ക്ക് വ​ഴി​ന​ട​ക്കാ​ൻ ക​ഴി​യാ​ത്ത അ​വ​സ്ഥ​യാ​ണ്. ന​ഗ​ര​ത്തി​ലെ വി​വി​ധ സ്ഥാ​പ​ന​ങ്ങ​ളി​ൽ പ​ഠി​ക്കു​ന്ന വി​ദ്യാ​ർ​ഥി​ക​ൾ രാ​ത്രി എ​ട്ടി​നും ഒ​മ്പ​തി​നു​മെ​ല്ലാം ഇ​വി​ടെ​യു​ള്ള ഹോ​സ്റ്റ​ലു​ക​ളി​ലേ​ക്ക് ന​ട​ന്നു​പോ​കു​ന്ന​ത് വ​ലി​യ ഭ​യ​പ്പാ​ടോ​ടെ​യാ​ണ്.

രാ​ത്രി​യാ​വു​ന്ന​തോ​ടെ ഈ ​റോ​ഡി​നോ​ട് ചേ​ർ​ന്നു​ള്ള കാ​ടു​മൂ​ടി​യ ഒ​ഴി​ഞ്ഞ പ​റ​മ്പു​ക​ളാ​ണ് സാ​മൂ​ഹി​ക വി​രു​ദ്ധ​ർ ആ​ദ്യം ത​മ്പ​ടി​ക്കു​ന്ന​ത്. അ​വി​ടെ കൂ​ടി​നി​ന്ന് മ​ദ്യ​പി​ച്ച ശേ​ഷ​മാ​ണ് സം​ഘ​ങ്ങ​ൾ റോ​ഡി​ലേ​ക്കി​റ​ങ്ങു​ന്ന​ത്. ഈ ​ഭാ​ഗ​ത്തെ പാ​ണ​ക്കാ​ട് ഉ​റ​മ​റ​ലി ശി​ഹാ​ബ് ത​ങ്ങ​ൾ സ്മാ​ര​ക​ത്തോ​ട് ചേ​ർ​ന്നു​ള്ള നി​ർ​മാ​ണം നി​ല​ച്ച കെ​ട്ടി​ട​മു​ള്ള സ്ഥ​ല​വും തൊ​ട്ട​പ്പു​റ​ത്ത്​ എ​തി​ർ​വ​ശ​ത്തു​ള്ള ഒ​ഴി​ഞ്ഞ സ്ഥ​ല​വു​മാ​ണ് ഇ​ത്ത​ര​ക്കാ​രു​ടെ പ്ര​ധാ​ന വി​ഹാ​ര കേ​ന്ദ്രം. ഈ ​ര​ണ്ട് സ്ഥ​ല​ങ്ങ​ളി​ലും ആ​ൾ പൊ​ക്ക​ത്തി​ൽ കാ​ടു​മൂ​ടി​ക്കി​ട​ക്കു​ന്ന​ത് ഇ​ത്ത​ര​ക്കാ​ർ​ക്ക് അ​നു​ഗ്ര​ഹ​മാ​വു​ക​യാ​ണ്.

മൊ​ഫ്യൂ​സി​ൽ ബ​സ് സ്റ്റാ​ൻ​ഡ്, കെ.​എ​സ്.​ആ​ർ.​ടി.​സി സ്റ്റാ​ൻ​ഡ്, സ്റ്റേ​ഡി​യം പ​രി​സ​രം എ​ന്നി​വി​ട​ങ്ങ​ളി​ൽ കേ​ന്ദ്രീ​ക​രി​ക്കു​ന്ന സാ​മൂ​ഹി​ക വി​രു​ദ്ധ​ർ രാ​ത്രി മ​ദ്യം വാ​ങ്ങി യു.​കെ.​എ​സ് റോ​ഡി​ലെ​ത്തി​യാ​ണ് സേ​വി​ക്കു​ന്ന​ത്. മ​ദ്യ​ക്കു​പ്പി​ക​ൾ റോ​ഡി​ല​ട​ക്കം പൊ​ട്ടി​ച്ചി​ടു​ന്ന​തും കാ​ൽ​ന​ട​ക്കാ​ർ​ക്ക് ഭീ​ഷ​ണി​യാ​ണ്. വൈ​കീ​ട്ടോ​ടെ അ​ട​ക്കു​ന്ന ഇ​വി​ട​ത്തെ ക​ട​ക​ളു​ടെ ഷീ​റ്റി​ന​ടി​യി​ലെ വ​രാ​ന്ത​ക​ളും ഇ​ത്ത​രം സം​ഘ​ങ്ങ​ൾ കൈ​യ​ട​ക്കു​ക​യാ​ണ്. ഇ​വി​ട​ങ്ങ​ളി​ൽ നി​ർ​ത്തി​യി​ടു​ന്ന ഇ​രു​ച​ക്ര വാ​ഹ​ന​ങ്ങ​ളി​ൽ നി​ന്ന് ഹെ​ൽ​മ​റ്റ്, മ​ഴ​ക്കോ​ട്ട്, ക​ണ്ണ​ട​ക​ൾ അ​ട​ക്ക​മു​ള്ള​വ മോ​ഷ്ടി​ക്കു​ന്ന​തും പ​തി​വാ​യി. ഇ​രു​ട്ടി​ന്റെ മ​റ​വി​ൽ റോ​ഡി​നോ​ട് ചേ​ർ​ന്നു​ള്ള ഭാ​ഗ​ങ്ങ​ളി​ൽ ചാ​ക്കു​ക​ളി​ൽ കൊ​ണ്ടു​വ​ന്ന് മാ​ലി​ന്യം ത​ള്ളാ​നും തു​ട​ങ്ങി.

അ​ടു​ത്തി​ടെ ​ക്ഷേ​ത്ര ഭ​ണ്ഡാ​രം ​കു​ത്തി​പ്പൊ​ളി​ച്ച പ്ര​തി​യെ തേ​ടി രാ​ത്രി പൊ​ലീ​സ് ഈ ​ഭാ​ഗ​ത്ത് വ്യാ​പ​ക പ​രി​ശോ​ധ​ന ന​ട​ത്തി​യി​രു​ന്നു. മോ​ഷ​ണ ദൃ​ശ്യ​ങ്ങ​ൾ സി.​സി.​ടി.​വി​യി​ൽ ല​ഭി​ച്ച പൊ​ലീ​സ് ആ​ളെ തി​രി​ച്ച​റി​ഞ്ഞ​തോ​ടെ മൊ​ബൈ​ൽ ഫോ​ൺ ന​മ്പ​ർ ക​ണ്ടെ​ത്തി ട​വ​ർ ലൊ​ക്കേ​ഷ​ൻ നോ​ക്കി​യ​പ്പോ​ഴാ​ണ് പ്ര​തി യു.​കെ.​എ​സ് റോ​ഡി​ലു​ണ്ടെ​ന്ന് ​വ്യ​ക്ത​മാ​യ​ത്. മു​മ്പ് ഈ ​ഭാ​ഗ​ത്തെ ഒ​രു സ്ഥാ​പ​ന​ത്തി​ൽ ​മോ​ഷ​ണം ന​ട​ന്ന​തി​നെ തു​ട​ർ​ന്ന് കേ​സെ​ടു​ത്ത ന​ട​ക്കാ​വ് പൊ​ലീ​സ് സി.​സി.​ടി.​വി പ​രി​ശോ​ധി​ച്ച​പ്പോ​ൾ ല​ഭി​ച്ച ദൃ​ശ്യ​ത്തി​ൽ പൂ​ർ​ണ ന​ഗ്ന​നാ​യ മോ​ഷ്ടാ​വി​നെ​യാ​ണ് ക​ണ്ട​ത്. ഇ​യാ​ളെ ഇ​തു​വ​രെ അ​റ​സ്റ്റു​ചെ​യ്യാ​നു​മാ​യി​ട്ടി​ല്ല.

നേ​ര​ത്തെ ക​ണ്ണൂ​ർ സ്വ​ദേ​ശി​യാ​യ ട്രാ​ൻ​സ് ജെ​ൻ​ഡ​ർ കൊ​ല്ല​പ്പെ​ട്ട​തും യു.​കെ.​എ​സ് ​റോ​ഡി​​ലെ കെ​ട്ടി​ട​ത്തി​ന് പി​ന്നി​ലാ​യി​രു​ന്നു. നി​ല​വി​ൽ ട്രാ​ൻ​സ് ജ​ൻ​ഡ​റു​ക​ളും രാ​ത്രി ഇ​വി​ടം കേ​ന്ദ്രീ​ക​രി​ക്കു​ന്ന​തി​നാ​ൽ ദൂ​ര​ദി​ക്കു​ക​ളി​ൽ നി​ന്ന​ട​ക്ക​മു​ള്ള​വ​ർ കാ​റു​ക​ളി​ലും മ​റ്റും ഇ​വി​ടെ എ​ത്തു​ന്ന​തും പ​തി​വാ​യി. ഇ​ത്ത​ര​ക്കാ​രാ​ണ് വ​ഴി​യാ​ത്ര​ക്കാ​രോ​ട് അ​ശ്ലീ​ല ആം​ഗ്യ​ങ്ങ​ൾ കാ​ണി​ക്കു​ന്ന​ത്. ന​ട​ക്കാ​വ് സ്റ്റേ​ഷ​ന്റെ പ​രി​ധി​യി​ൽ വ​രു​ന്ന ഈ ​ഭാ​ഗ​ത്ത് പൊ​ലീ​സ് പ​ട്രോ​ളി​ങ് കു​റ​ഞ്ഞ​തോ​ടെ​യാ​ണ് സാ​മൂ​ഹി​ക വി​രു​ദ്ധ​ർ താ​വ​ള​മാ​ക്കാ​ൻ തു​ട​ങ്ങി​യ​തെ​ന്നും പൊ​ലീ​സ് പ​ട്രോ​ളി​ങ് തു​ട​ങ്ങ​ണ​മെ​ന്നു​മാ​ണ് ഈ ​മേ​ഖ​ല​യി​ലെ സ്ഥാ​പ​ന​ങ്ങ​ളി​ലു​ള്ള​വ​ർ പ​റ​യു​ന്ന​ത്.