പുതിയപാലത്ത് കെട്ടിടത്തിന്റെ രണ്ടുനിലകൾ അഗ്നിക്കിരയായി​

കോ​ഴി​ക്കോ​ട്: ന​ഗ​ര​ത്തി​ലെ കെ​ട്ടി​ട​ത്തി​ന് തീ​പി​ടി​ച്ച് ല​ക്ഷ​ക്ക​ണ​ക്കി​ന് രൂ​പ​യു​ടെ ന​ഷ്ടം. പു​തി​യ​പാ​ല​ത്തെ ഹി​ന്ദു​സ്ഥാ​ൻ ആ​ർ​ക്കേ​ഡി​ന്റെ ര​ണ്ടു​നി​ല​ക​ളി​ലാ​യാ​ണ് ബു​ധ​നാ​ഴ്ച പു​ല​ർ​ച്ചെ​യോ​ടെ തീ​പി​ടി​ത്ത​മു​ണ്ടാ​യ​ത്. ആ​ള​പാ​യ​മി​ല്ല. മൊ​ത്ത വ​സ്ത്ര​വ്യാ​പാ​ര കേ​ന്ദ്ര​വും ഗോ​ൾ​ഡ് ക​വ​റി​ങ് സ്ഥാ​പ​ന​വു​മാ​യ​ണ് പൂ​ർ​ണ​മാ​യും അ​ഗ്നി​ക്കി​ര​യാ​യ​ത്. ഷോ​ർ​ട്ട് സ​ർ​ക്യൂ​ട്ടാ​ണ് തീ​പി​ടി​ത്ത കാ​ര​ണ​മെ​ന്നാ​ണ് സം​ശ​യം. നാ​ലു​നി​ല​ക​ളു​ള്ള കെ​ട്ടി​ട​ത്തി​ന്റെ എ​റ്റ​വും താ​ഴെ നി​ല​യി​ൽ പ്രി​ന്റി​ങ് പ്ര​സും ഷീ​റ്റി​ട്ട ഏ​റ്റ​വും മു​ക​ളി​ലെ നി​ല​യി​ൽ ആ​ളു​ക​ൾ താ​മ​സി​ക്കു​ക​യു​മാ​യി​രു​ന്നു. ര​ണ്ടാം നി​ല​യി​ൽ പൊ​ന്നാ​നി സ്വ​ദേ​ശി​ക​ളാ​യ ഇ​ല്യാ​സ്, എ​ൻ. മു​ഹ​സി​ൻ എ​ന്നി​വ​ർ ചേ​ർ​ന്ന് ന​ട​ത്തു​ന്ന സാ​ഫ് എ​ന്റ​ർ​പ്രൈ​സ​സാ​ണ് ക​ത്തി​ന​ശി​ച്ച ഒ​രു സ്ഥാ​പ​നം. ഡി.​സി കാ​ഷ്വ​ൽ​സി​ന്റെ ഷ​ർ​ട്ടു​ക​ൾ മൊ​ത്ത​മാ​യി ക​ട​ക​ളി​ലെ​ത്തി​ക്കു​ന്ന സ്ഥാ​പ​ന​മാ​ണി​ത്.

ഓ​ണ​ത്തി​ന് മു​ന്നോ​ടി​യാ​യി സം​ഭ​രി​ച്ച വ​സ്ത്ര​ങ്ങ​ളാ​ണ് പൂ​ർ​ണ​മാ​യും ക​ത്തി​ന​ശി​ച്ച​ത്. ഷ​ർ​ട്ടു​ക​ൾ സൂ​ക്ഷി​ച്ച റാ​ക്കു​ക​ൾ, പെ​ട്ടി​ക​ൾ എ​ന്നി​വ​യും ഫ​ർ​ണി​ച്ച​റു​ക​ളും ഇ​ല​ക്ട്രി​ക് ഉ​പ​ക​ര​ണ​ങ്ങ​ളും ക​ത്തി​ന​ശി​ച്ച​വ​യി​ൽ​പെ​ടും. 25 ല​ക്ഷ​ത്തോ​ളം രൂ​പ​യു​ടെ ന​ഷ്ട​മാ​ണ് ഉ​ണ്ടാ​യ​തെ​ന്ന് ഉ​ട​മ​ക​ൾ പ​റ​ഞ്ഞു.

തൊ​ട്ടു​മു​ക​ളി​ലെ നി​ല​യി​ൽ അ​ഗ്നി​ക്കി​ര​യാ​യ ഗോ​ൾ​ഡ് ക​വ​റി​ങ് സ്ഥാ​പ​നം പ​ന്നി​യ​ങ്ക​ര സ്വ​ദേ​ശി കെ. ​അ​ബ്ദു​ൽ ല​ത്തീ​ഫി​ന്റെ​താ​ണ്. ഇ​വി​ട​ത്തെ യ​ന്ത്ര​സം​വി​ധാ​ന​ങ്ങ​ളും ഫ​ർ​ണി​ച്ച​റു​ക​ളും അ​ട​ക്ക​മു​ള്ള​വ​യാ​ണ് ക​ത്തി​യ​ത്. എ​ഴു​ല​ക്ഷ​ത്തോ​ളം രൂ​പ​യു​ടെ ന​ഷ്ട​മാ​ണു​ണ്ടാ​യ​തെ​ന്ന് ല​ത്തീ​ഫ് പ​റ​ഞ്ഞു. അ​തേ​സ​മ​യം, ആ​ളു​ക​ൾ വാ​ട​ക​ക്ക് താ​മ​സി​ച്ച ഏ​റ്റ​വും മു​ക​ളി​ലെ ഭാ​ഗ​ത്തേ​ക്ക് തീ​പ​ട​ർ​ന്നി​ട്ടി​ല്ല. കെ​ട്ടി​ട​ത്തി​ൽ​നി​ന്ന് പു​ക ഉ​യ​രു​ന്ന​ത് ക​ണ്ട​തോ​ടെ താ​മ​സ​ക്കാ​ർ പു​റ​ത്തേ​ക്ക് ഇ​റ​ങ്ങു​ക​യും ബീ​ച്ച് അ​ഗ്നി​ര​ക്ഷ​​സേ​ന​യി​ൽ വി​വ​രം അ​റി​യി​ക്കു​ക​യു​മാ​യി​രു​ന്നു. മൂ​ന്ന് യൂ​നി​റ്റെ​ത്തി​യാ​ണ് തീ​യ​ണ​ച്ച​ത്. റോ​ഡി​നോ​ട് ചേ​ർ​ന്നു​ള്ള കെ​ട്ടി​ട​മാ​യ​തി​നാ​ൽ ഫ​യ​ർ എ​ൻ​ജി​ൻ വാ​ഹ​ന​ത്തി​ന് പെ​ട്ടെ​ന്ന് സ്ഥ​ല​ത്തെ​ത്തി ര​ക്ഷാ​പ്ര​വ​ർ​ത്ത​നം തു​ട​ങ്ങാ​നാ​യി. ഇ​താ​ണ് തീ ​പെ​ട്ടെ​ന്ന് നി​യ​ന്ത്രി​ക്കു​ന്ന​തി​നും കെ​ട്ടി​ട​ത്തി​ലെ മ​റ്റു​ഭാ​ഗ​ങ്ങ​ളി​ലേ​ക്കും തൊ​ട്ട​ടു​ത്തു​ള്ള ഗോ​ഡൗ​ണു​ക​ൾ ഉ​ൾ​പ്പെ​ടെ​യു​ള്ള കെ​ട്ടി​ട​ങ്ങ​ളി​ലേ​ക്കും തീ​പ​ട​രാ​നു​ള്ള സാ​ധ്യ​ത ഇ​ല്ലാ​താ​ക്കി​യ​ത്.

തീ​പി​ടി​ത്ത​ത്തി​ൽ കെ​ട്ടി​ട​ത്തി​നും കാ​ര്യ​മാ​യ നാ​ശ​മു​ണ്ടാ​യി. തീ​പി​ടി​ച്ച ഭാ​ഗ​ങ്ങ​ളി​ലെ സി​മ​ന്റ് പ്ലാ​സ്റ്റ​റി​ങ് അ​ട​ർ​ന്നു​വീ​ഴു​ക​യും മു​ൻ​വ​ശ​ത്തെ ചി​ല്ലു​ക​ൾ പൂ​ർ​ണ​മാ​യും ത​ക​രു​ക​യും ചെ​യ്തു. ഈ ​ഇ​ന​ത്തി​ലും ല​ക്ഷ​ക്ക​ണ​ക്കി​ന് രൂ​പ​യു​ടെ ന​ഷ്ട​മാ​ണു​ണ്ടാ​യ​ത്. ഷോ​ർ​ട്ട് സ​ർ​ക്യൂ​ട്ടാ​ണ് തീ​പി​ടി​ത്ത കാ​ര​ണ​മെ​ന്ന് സം​ശ​യി​ക്കു​ന്നു​​ണ്ടെ​ങ്കി​ലും ഇ​ല​ക്ട്രി​ക്ക​ൽ വി​ഭാ​ഗ​ത്തി​ന്റെ പ​രി​ശോ​ധ​ന​ക്കു​ശേ​ഷ​മേ ഇ​ക്കാ​ര്യ​ത്തി​ൽ വ്യ​ക്ത​ത വ​രൂ എ​ന്ന് ബീ​ച്ച് അ​ഗ്നി​ര​ക്ഷ സേ​ന സ്റ്റേ​ഷ​ൻ ഓ​ഫി​സ​ർ കെ. ​അ​രു​ൺ പ​റ​ഞ്ഞു.