പൊട്ടിവീഴണോ കണ്ണുതുറക്കാൻ‍?

കോ​ഴി​ക്കോ​ട്: കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ൽ സൂ​പ്പ​ർ സ്​​പെ​ഷാ​ലി​റ്റി ആ​ശു​പ​ത്രി ഒ.​പി ടി​ക്ക​റ്റ് കൗ​ണ്ട​റി​ന് ഭീ​ഷ​ണി​യാ​യി വ​ൻ മ​ര​ങ്ങ​ളു​ണ്ടാ​യി​ട്ടും കാ​ണാ​ത്ത ഭാ​വം ന​ടി​ച്ച് അ​ധി​കൃ​ത​ർ. ഒ​രു ദു​ര​ന്ത​മു​ണ്ടാ​വാ​ൻ കാ​ത്തി​രി​ക്കു​ക​യാ​ണ് അ​ധി​കൃ​ത​രെ​ന്ന് രോ​ഗി​ക​ളും കൂ​ട്ടി​രി​പ്പു​കാ​രും പ​റ​യു​ന്നു. മൂ​ന്ന് മ​ര​ങ്ങ​ളാ​ണ് സൂ​പ്പ​ർ സ്പെ​ഷ്യാ​ലി​റ്റി ഒ.​പി ടി​ക്ക​റ്റ് കൗ​ണ്ട​റി​ന് മു​ക​ളി​ലേ​ക്ക് ചാ​ഞ്ഞു​നി​ൽ​ക്കു​ന്ന​ത്. പ്ര​വേ​ശന ക​വാ​ട​ത്തി​ലു​മു​ണ്ട് ഭീ​ഷ​ണി ഉ​യ​ർ​ത്തി മ​രം.

വെ​ട്ടി​മാ​റ്റ​ണ​മെ​ന്ന് ആ​വ​ശ്യ​പ്പെ​ട്ട് ര​ണ്ടു​വ​ർ​ഷം മു​മ്പ് ത​ന്നെ സു​ര​ക്ഷ വി​ഭാ​ഗം ക​ത്ത് ന​ൽ​കി​യെ​ങ്കി​ലും ന​ട​പ​ടി​യെ​ടു​ത്തി​ട്ടി​ല്ല. മ​രം പൊ​ട്ടി വീ​ണാ​ൽ കെ​ട്ടി​ടത്തി​ന് കേ​ടു​പാ​ടു​ക​ൾ സം​ഭ​വി​ക്കു​ക​യും ആ​ളു​ക​ൾ​ക്ക് പ​രി​ക്കേ​ൽ​ക്കു​ക​യും ചെ​യ്യും. രാ​വി​ലെ മു​ത​ൽ രോ​ഗി​ക​ളം കൂ​ട്ടി​രി​പ്പു​കാ​രും ഒ.​പി ടി​ക്ക​റ്റി​ന് വ​രി​നി​ൽ​ക്കു​ന്ന സ്ഥ​ല​മാ​ണി​ത്. ശ​ക്ത​മാ​യ കാ​റ്റി​ൽ ആ​ശ​ങ്ക​യോ​ടെ​യാ​ണ് ഇ​വി​ടെ ഒ.​പി ടി​ക്ക​റ്റി​നാ​യി വ​രി നി​ൽ​ക്കു​ന്ന​തെ​ന്ന് രോ​ഗി​ക​ൾ പ​റ‍യു​ന്നു.

പി.​ഡ​ബ്ല്യു.​ഡി അ​ധി​കൃ​ത​രാ​ണ് വെ​ട്ടി​മാ​റ്റേ​ണ്ട​ത്. ഫ​ണ്ടി​ല്ലെ​ന്ന് പ​റ​ഞ്ഞാ​ണ് മ​രം വെ​ട്ടി​മാ​റ്റാ​തി​രി​ക്കു​ന്ന​ത്. തീ​പി​ടി​ത്ത​മു​ണ്ടാ​യി അ​ട​ച്ചി​ട്ട പി.​എം.​എ​സ്.​എ​സ്.​വൈ സൂ​പ്പ​ർ സ്പെ​ഷാ​ലി​റ്റി അ​ത്യാ​ഹി​ത വി​ഭാ​ഗം വ​ള​പ്പി​ൽ ക​ഴി​ഞ്ഞ മാ​സം മ​രം ക​ട​പു​ഴ​കി വീ​ണി​രു​ന്നു. ആ​ശു​പ​ത്രി​യി​ൽ രോ​ഗി​ക​ളു​ടെ പ്ര​വേ​ശ​നം ഇ​ല്ലാ​തി​രു​ന്ന​തി​നാ​ലാ​ണ് അ​ത്യാ​ഹി​തം ഒ​ഴി​വാ​യ​ത്.

ന്യാ​യ വി​ല മെ​ഡി​ക്ക​ൽ ഷോ​പ്പ്, എ​സ്.​ബി.​ഐ​ക്ക് മു​ന്നി​ൽ വാ​ർ​ഡ് 46ന് ​മു​ക​ളി​ലേ​ക്ക് അ​പ​ക​ട​ക​ര​മാം വി​ധം മ​രം ചാ​ഞ്ഞു​കി​ട​ക്കു​ന്നു​ണ്ട്. മെ​ഡി​ക്ക​ൽ കോ​ള​ജ് കാ​മ്പ​സി​ന്‍റെ പ​ല ഭാ​ഗ​ങ്ങ​ളി​ലും ഇ​ത്ത​ര​ത്തി​ൽ അ​പ​ക​ട​ക​ര​മാം​വി​ധം മ​ര​ങ്ങ​ൾ വ​ള​ർ​ന്നു പ​ന്ത​ലി​ച്ചു കി​ട​ക്കു​ന്നു​ണ്ട്. ക​ഴി​ഞ്ഞ വ​ർ​ഷം ശ​ക്ത​മാ​യ മ​ഴ​യി​ൽ കാ​മ്പ​സ് റോ​ഡി​ൽ ഇ​ന്ത്യ​ൻ കോ​ഫി ഹൗ​സി​ന് സ​മീ​പം മ​രം പെ​ട്ടി​വീ​ണ് ഗ​താ​ഗ​തം ത​ട​സ്സ​പ്പെ​ട്ടി​രു​ന്നു.