Top
Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKozhikodechevron_rightടി.പി യുടെ മകനെ...

ടി.പി യുടെ മകനെ വധിക്കുമെന്ന ഭീഷണിക്കത്ത്​: പോസ്റ്റ്​ ഓഫീസുകൾ കേന്ദ്രീകരിച്ച്​ അന്വേഷണം

text_fields
bookmark_border
ടി.പി യുടെ മകനെ വധിക്കുമെന്ന ഭീഷണിക്കത്ത്​:  പോസ്റ്റ്​ ഓഫീസുകൾ കേന്ദ്രീകരിച്ച്​ അന്വേഷണം
cancel

കോഴിക്കോട്​: ആർ.എം.പി.ഐ സ്​ഥാപക നേതാവ്​ ടി.പി. ച​ന്ദ്രശേഖരന്‍റെ മകൻ അഭിനന്ദിനെയും സംസ്​ഥാന സെ​ക്രട്ടറി എൻ.വേണുവിനെയും വധിക്കുമെന്ന്​ കാണിച്ചുകൊണ്ട്​ കെ.കെ. രമ എം.എൽ.എയ്​ക്ക്​ ലഭിച്ച ഭീഷണിക്കത്തിന്‍റെ ഉറവിടത്തെ കുറിച്ച്​ അന്വേഷണം തുടങ്ങി. നിലവിൽ പോസ്റ്റ്​ ഓഫീസുകൾ കേന്ദ്രീകരിച്ചാണ്​ അന്വേഷണം. വടകര അടക്കാത്തെരുവ്​ പോസ്റ്റ്​ ഓഫീസിന്‍റെ സീലാണ്​ കത്തിലുള്ളത്​. ഇതനുസരിച്ച്​ ഇവിടുത്തെ പോസ്റ്റ്​ ബോക്​സുകൾ കേന്ദ്രീകരിച്ച അന്വേഷണമാണിപ്പോൾ നടക്കുന്നത്​.

നിലവിൽ നാല്​ പോസ്റ്റ്​ ബോക്​സുകളാണ്​ അടക്കാതെരു പോസ്റ്റ്​ ​ഓഫീസിന്‍റെ കീഴിലുള്ളത്​. ഇതിന്‍റെ സമീപത്തെ ​സി.സി.ടി.വി പരിശോധിക്കുകയാണ്​ പൊലീസ്​. നിലവിൽ​ പൊലീസിനു ലഭിച്ച ​സി.സി.ടി.വിയിൽ ഇതുസംബന്​ധിച്ച തെളിവുകൾ ലഭ്യമായില്ലെന്നാണ്​ വിവരം.

എന്നാൽ, ആർ.എം.പി.ഐ യുടെ നിയമസഭാ പ്രവേശനവും ജനകീയ അംഗീകാരങ്ങളും സി.പി.എമ്മിന് പ്രകോപനമുണ്ടാക്കുന്നതിന്‍റെ തെളിവാണ് ഭീഷണിക്കത്തിനു പിന്നിലെന്ന ആരോപണവുമായി ആർ.എം.പി.ഐ രംഗത്തെത്തി. മാധ്യമങ്ങളിൽ സി.പി.എം നേതൃത്വത്തിനെതിരെ അഭിപ്രായം പ്രകടിക്കരുതെന്നതാണ് കത്തിലൂടെ ആവശ്യപ്പെട്ടത്​. കത്തിൽ, മുൻ ഒഞ്ചിയം പഞ്ചായത്ത് പ്രസിഡന്‍റ്​ പി.ജയരാജനു നേരെ നടന്ന വധശ്രമ കേസിലുൾപെട്ടയാളുകളുടെ പേര് പറയുന്നുണ്ട്. ഈ സാഹചര്യത്തിൽ ജയരാജൻ വധശ്രമക്കേസ് പ്രത്യേക കേസായി പരിഗണിച്ച് അന്വേഷണം നടത്തണമെന്നും ആർ.എം.പി.ഐ ആവശ്യപ്പെടുന്നു.

Show Full Article
TAGS:RMPI tp case 
News Summary - TP's son threatened with death: Investigation focusing on post offices
Next Story