കോ​ഴി​ക്കോ​ട്‌ ബീച്ചിലെത്തിയത്​ ആയിരങ്ങൾ; പുതുവത്സരാഘോഷം നിയന്ത്രിച്ച്​ പൊലീസ്​

കോ​ഴി​ക്കോ​ട്‌: ഒ​മി​ക്രോ​ൺ വ്യാ​പ​ന ഭീ​ഷ​ണി​യെ തു​ട​ർ​ന്ന്​ പു​തു​വ​ത്സ​രാ​ഘോ​ഷ​ങ്ങ​ൾ സി​റ്റി പൊ​ലീ​സ് നി​യ​ന്ത്രി​ച്ചെ​ങ്കി​ലും ബീ​ച്ചി​ലേ​ക്കെ​ത്തി​യ​ത്​ ആ​യി​ര​ക്ക​ണ​ക്കി​നാ​ളു​ക​ൾ. വെ​ള്ളി​യാ​ഴ്ച രാ​ത്രി ആ​ഘോ​ഷ​ങ്ങ​ൾ വേ​ണ്ടെ​ന്ന സ​ർ​ക്കാ​ർ നി​ർ​ദേ​ശ​ത്തെ തു​ട​ർ​ന്നാ​ണ്‌ ന​ഗ​ര​പ​രി​ധി​യി​ലും നി​യ​ന്ത്ര​ണം ശ​ക്​​ത​മാ​ക്കി​യ​ത്.

ഇ​തി‍െൻറ ഭാ​ഗ​മാ​യി ​വൈ​കീ​ട്ട്​ ആ​റോ​ടെ​ത​ന്നെ കോ​ഴി​ക്കോ​ട്​ ക​ട​പ്പു​റ​ത്തേ​ക്കു​ള്ള വാ​ഹ​ന ഗ​താ​ഗ​തം പൊ​ലീ​സ്​ വി​ല​ക്കി​യെ​ങ്കി​ലും ഊ​ടു​വ​ഴി​ക​ളി​ലൂ​ടെ​യും മ​റ്റും ഇ​ത​ര ജി​ല്ല​ക​ളി​ൽ​നി​ന്ന​ട​ക്ക​മു​ള്ള​വ​ർ ബീ​ച്ചി​ലേ​ക്കെ​ത്തി. രാ​ത്രി ഏ​ഴോ​ടെ ബീ​ച്ചി​ൽ നി​ന്ന്​ ആ​ളു​ക​ളെ ഒ​ഴി​പ്പി​ക്കാ​നു​ള്ള ശ്ര​മ​ങ്ങ​ൾ പൊ​ലീ​സ്​ ആ​രം​ഭി​ച്ചെ​ങ്കി​ലും പ​ത്തു​മ​ണി​യോ​ടെ​യാ​ണ്​ ആ​ളു​ക​ൾ ഒ​ഴി​ഞ്ഞു​പോ​യ​ത്.

ഇ​തി​നു​മു​മ്പേ​ത​ന്നെ ഉ​പ്പി​ലി​ട്ട​തി‍െൻറ​ത​ട​ക്കം ത​ട്ടു​ക​ട​ക​ളും തു​ട​ർ​ന്ന്​ ബീ​ച്ച്​ ഭാ​ഗ​ത്തെ ഹോ​ട്ട​ലു​ക​ളും റ​സ്റ്റാ​റ​ന്‍റു​ക​ളും ഐ​സ്ക്രീം പാ​ർ​ല​റു​ക​ളു​മെ​ല്ലാം പൊ​ലീ​സ്​ അ​ട​പ്പി​ച്ചു. വെ​ള്ളി​യാ​ഴ്ച ​ഉ​ച്ച​യോ​​ടെ​ത​ന്നെ ബീ​ച്ചി​ൽ വ​ൻ ജ​ന​ക്കൂ​ട്ട​മാ​ണ്​ ഉ​ണ്ടാ​യി​രു​ന്ന​ത്. ജി​ല്ല​യി​ൽ​നി​ന്നു​ള്ള​വ​ർ​ക്കു​പു​റ​മെ മ​ല​പ്പു​റം, വ​യ​നാ​ട്​ എ​ന്നി​വി​ട​ങ്ങ​ളി​ൽ​നി​ന്നു​ള്ള​വ​ര​ട​ക്ക​മാ​ണ്​ ഇ​ങ്ങോ​ട്ട്​ ഒ​ഴു​കി​യ​ത്.

രാ​ത്രി പ​ത്തു മു​ത​ൽ രാ​വി​ലെ അ​ഞ്ചു വ​രെ അ​നാ​വ​ശ്യ​മാ​യി പു​റ​ത്തി​റ​ങ്ങു​ന്ന​വ​രെ നി​യ​ന്ത്രി​ക്കു​ന്ന​ത്​ വ്യാ​ഴാ​ഴ്ച​ത​ന്നെ പൊ​ലീ​സ്​ ആ​രം​ഭി​ച്ചി​രു​ന്നു. അ​നാ​വ​ശ്യ​മാ​യി ന​ഗ​ര​ത്തി​ലെ​ത്തി​യ വാ​ഹ​ന​ങ്ങ​ൾ പി​ടി​കൂ​ടാ​ൻ മോ​ട്ടോ​ർ വാ​ഹ​ന​വ​കു​പ്പും രം​ഗ​ത്തു​ണ്ടാ​യി​രു​ന്നു. നി​യ​ന്ത്ര​ണം ഉ​റ​പ്പാ​ക്കു​ന്ന​തി‍െൻറ ഭാ​ഗ​മാ​യി പൊ​ലീ​സ് പ​ക​ലും രാ​ത്രി​യി​ലു​മാ​യി ന​ഗ​ര​ത്തി​ലെ ഒ​ട്ടു​മി​ക്ക ഹോ​ട്ട​ൽ ആ​ൻ​ഡ്​ ലോ​ഡ്ജു​ക​ളി​ലും വി​വി​ധ ഫ്ലാ​റ്റു​ക​ളി​ലും പ​രി​ശോ​ധ​ന ന​ട​ത്തി. മാ​ളു​ക​ൾ ഉ​ൾ​പ്പെ​ടെ​യു​ള്ള സ്ഥ​ല​ങ്ങ​ളി​ലും ആ​ളു​ക​ൾ​ക്ക്​ നി​യ​ന്ത്ര​ണ​മേ​ർ​പ്പെ​ടു​ത്തി​യി​രു​ന്നു.

പു​തു​വ​ത്സ​രാ​ഘോ​ഷ​ത്തി‍െൻറ ഭാ​ഗ​മാ​യി ആ​ളു​ക​ൾ വ​ൻ​തോ​തി​ൽ എ​ത്തു​ന്ന​ത്​ നി​യ​ന്ത്രി​ക്കാ​ൻ സി​റ്റി​യി​ൽ അ​ധി​ക​മാ​യി ഏ​ഴു​ന്നൂ​റോ​ളം പൊ​ലീ​സു​കാ​രെ​യാ​ണ്​ നി​യോ​ഗി​ച്ച​ത്. രാ​ത്രി പ​ത്തോ​ടെ ന​ഗ​രാ​തി​ർ​ത്തി​ക​ളി​ലെ​ല്ലാം പൊ​ലീ​സ്​ പ​രി​ശോ​ധ​ന ന​ട​ത്തി. രാ​ത്രി പ​രി​ശോ​ധ​ന​ക്ക്‌ ഡി.​സി.​പി സ്വ​പ്‌​നി​ൽ എം. ​മ​ഹാ​ജ​ൻ, സൗ​ത്ത്‌ അ​സി. ക​മീ​ഷ​ണ​ർ പി. ​ബി​ജു​രാ​ജ്‌ തു​ട​ങ്ങി​യ​വ​ർ നേ​തൃ​ത്വം ന​ൽ​കി.