വിഷപ്പുകയിൽ വലഞ്ഞ്​ കൊത്തങ്കോട്ടുകുന്നുകാർ

കു​റ്റ്യാ​ടി: ടൗ​ണി​നു സ​മീ​പം വ​യ​നാ​ട്​ റോ​ഡി​ലെ പ​ഴ​യ ഐ.​ടി.​സി കെ​ട്ടി​ട​ത്തി​ലെ മാ​ലി​ന്യ ശേ​ഖ​ര​ത്തി​ന്​ തീ​പി​ടി​ച്ചു​ണ്ടാ​യ വി​ഷ​പ്പു​ക​യി​ൽ വ​ല​ഞ്ഞ്​ കൊ​ത്ത​ങ്കോ​ട്ടു​കു​ന്നു​കാ​ർ. ജ​ന​സാ​ന്ദ്ര​ത​യേ​റി​യ പ്ര​ദേ​ശ​ത്തെ നി​ര​വ​ധി വീ​ട്ടു​കാ​രും കെ​ട്ടി​ട​മു​റി​ക​ളി​ൽ താ​മ​സി​ക്കു​ന്ന​വ​രു​മാ​ണ്​ ദു​ർ​ഗ​ന്ധ​മു​ള്ള പു​ക ശ്വ​സി​ച്ച്​ ബു​ദ്ധി​മു​ട്ടി​യ​ത്. ഗ്രാ​മ​പ​ഞ്ചാ​യ​ത്തി​ൽ​നി​ന്ന്​ ശേ​ഖ​രി​ച്ച ക്വി​ന്റ​ൽ ക​ണ​ക്കി​ൽ പ്ലാ​സ്​​റ്റി​ക്​ മാ​ലി​ന്യ​ങ്ങ​ളാ​ണ് ഇ​വി​ടെ​യു​ള്ള​ത്. ഇ​വ തി​ങ്ക​ളാ​ഴ്ച രാ​ത്രി ക​ത്തി​ന​ശി​ച്ചി​രു​ന്നു. നാ​ലു മു​റി​ക​ളി​ൽ സൂ​ക്ഷി​ച്ച മു​ഴു​വ​ൻ മാ​ലി​ന്യ​ങ്ങ​ളും ക​ത്തി. അ​ഗ്​​നി​ര​ക്ഷാ​സേ​ന​യും നാ​ട്ടു​കാ​രും ചൊ​വ്വാ​ഴ്ച പു​ല​ർ​ച്ച വ​രെ ശ്ര​മി​ച്ചാ​ണ്​ തീ​യ​ണ​ച്ച​ത്. ടൗ​ണി​ൽ​നി​ന്നും വീ​ടു​ക​ളി​ൽ​നി​ന്നും ശേ​ഖ​രി​ച്ച മാ​ലി​ന്യ​ങ്ങ​ൾ സ്വ​കാ​ര്യ ഏ​ജ​ൻ​സി​യാ​ണ്​ കെ​ട്ടി​ട​ത്തി​ൽ സൂ​ക്ഷി​ച്ചി​രു​ന്ന​ത്. മാ​ലി​ന്യം എ​ടു​ത്തു​മാ​റ്റ​ണ​മെ​ന്ന്​ പ​രി​സ​ര​വാ​സി​ക​ൾ പ​ഞ്ചാ​യ​ത്തി​ലും ഗ്രാ​മ​സ​ഭ​യി​ലും ആ​വ​ശ്യ​പ്പെ​ടാ​ൻ തു​ട​ങ്ങി​യി​ട്ട്​ വ​ർ​ഷ​ത്തി​ലേ​റെ​യാ​യി. എ​ന്നാ​ൽ, ന​ട​പ​ടി​യു​ണ്ടാ​യി​ട്ടി​ല്ല. ദു​ർ​ഗ​ന്ധ​വും കൊ​തു​കു​ശ​ല്യ​വും സ​ഹി​ച്ചാ​ണ്​ നാ​ട്ടു​കാ​ർ ക​ഴി​യു​ന്ന​ത്.

ഇ​തി​നി​ടെ, ക​ത്തി​യ മാ​ലി​ന്യം ഐ.​ടി.​സി ഗ്രൗ​ണ്ടി​ൽ കു​ഴി​ച്ചു​മൂ​ടാ​നു​ള്ള പ​ഞ്ചാ​യ​ത്തി​ന്റെ ശ്ര​മം നാ​ട്ടു​കാ​ർ ത​ട​ഞ്ഞു. ജ​ല​സ്രോ​ത​സ്സു​ക​ളെ ബാ​ധി​ക്കു​മെ​ന്ന ആ​ശ​ങ്ക​യാ​ണ്​ വീ​ട്ട​മ്മ​മാ​ര​ട​ക്കം രം​ഗ​ത്തു​വ​രാ​ൻ കാ​ര​ണം. കെ​ട്ടി​ട​ത്തി​ലെ ബാ​ക്കി നാ​ലു മു​റി​ക​ളി​ൽ കൂ​ടി സൂ​ക്ഷി​ച്ചി​രി​ക്കു​ന്ന മാ​ലി​ന്യ​ങ്ങ​ൾ ഉ​ട​ൻ എ​ടു​ത്തു​മാ​റ്റ​ണ​മെ​ന്നും ഇ​ല്ലെ​ങ്കി​ൽ ഇ​വ​യു​മാ​യി പ​ഞ്ചാ​യ​ത്ത്​ ഓ​ഫി​സി​ലേ​ക്ക്​ താ​മ​സ​ക്കാ​ർ വ​രു​മെ​ന്നും നാ​ട്ടു​കാ​ർ പ​റ​ഞ്ഞു. വി​വ​ര​മ​റി​ഞ്ഞ്​ ഗ്രാ​മ​പ​ഞ്ചാ​യ​ത്ത്​ വൈ​സ്​ പ്ര​സി​ഡ​ന്റ്​ ഒ.​ടി. ന​ഫീ​സ, വൈ​സ്​ പ്ര​സി​ഡ​ന്റ്​ ടി.​കെ. മോ​ഹ​ൻ​ദാ​സ്, വാ​ർ​ഡ്​ അം​ഗം എ.​സി. അ​ബ്​​ദു​ൽ മ​ജീ​ദ്, മെം​ബ​ർ ഹാ​ഷിം ന​മ്പാ​ട്ടി​ൽ, കോ​ൺ​ഗ്ര​സ്​ ഭാ​ര​വാ​ഹി​ക​ളാ​യ പി.​കെ. സു​രേ​ഷ്, ശ്രീ​ജേ​ഷ്​ ഊ​ര​ത്ത്​ ​എ​ന്നി​വ​ർ സ്ഥ​ല​ത്തെ​ത്തി. ശ​നി​യാ​ഴ്ച​ക്ക​കം ക​ത്തി​യ മാ​ലി​ന്യ​ങ്ങ​ൾ നീ​ക്കു​മെ​ന്ന്​ അ​ധി​കൃ​ത​ർ ഉ​റ​പ്പു​ന​ൽ​കി. മ​റ്റു മു​റി​ക​ളി​ൽ ക​ത്താ​തെ ബാ​ക്കി​യു​ള്ള മാ​ലി​ന്യ​ങ്ങ​ൾ ഹ​രി​ത​സേ​ന​ക്കാ​ർ എ​ത്തി ത​രം​തി​രി​ച്ച്​ ക​യ​റ്റി​ക്കൊ​ണ്ടു​പോ​കു​മെ​ന്നും അ​റി​യി​ച്ചു. മാ​ലി​ന്യം റീ​സൈ​ക്ലി​ങ്​ ചെ​യ്യു​ന്ന സ്വ​കാ​ര്യ ഏ​ജ​ൻ​സി പ്ര​വ​ർ​ത്ത​നം നി​ല​ച്ച​താ​ണ്​ മാ​ലി​ന്യം ക​യ​റ്റി​പ്പോ​കാ​ത്ത​തി​ന്​ കാ​ര​ണ​മെ​ന്നും പ​ഞ്ചാ​യ​ത്ത്​ അ​ധി​കൃ​ത​ർ പ​റ​ഞ്ഞു.